તમારા કામનું / સોનુ-ચાંદીની ખરીદી કરવાનું આયોજન હોય તો ખાસ વાંચી લો, ભાવમાં થયાં મોટા ફેરફાર

જો કે ગઈકાલે એટલે કે 26મી જુલાઈએ સોનાની કિંમતમાં થોડો વધારો થયો હતો, પરંતુ આજે ફરી સોનાના ભાવમાં સામાન્ય વધારો નોંધાયો છે. હાલમાં 51,000 ની નીચે ટ્રેડિંગ થઈ રહ્યું છે. વૈશ્વિક બજારમાં સોના અને ચાંદીના ભાવ પર સતત દબાણની અસર ભારતીય વાયદા બજારમાં પણ જોવા મળી રહી છે ત્યારે ચાલો જાણીએ આજનો લેટેસ્ટ ભાવ.

જાણો આજે શું છે સોના-ચાંદીના ભાવ?

મલ્ટીકોમોડિટી એક્સચેન્જ (MCX) પર, 24 કેરેટ શુદ્ધતા ધરાવતા વાયદાનો ભાવ સવારે 10 ગ્રામ દીઠ રૂ. 10 વધીને રૂ. 50,574 થયો હતો, જ્યારે એમસીએક્સ પર ચાંદીનો વાયદો રૂ. 155 ઘટીને રૂ. 54,560 થયો હતો. અગાઉ સોનામાં કારોબાર ખુલ્લેઆમ રૂ. 50,568 પર શરૂ થયો હતો, જ્યારે ચાંદીમાં ખુલ્લેઆમ રૂ. 54,605 પર વેપાર શરૂ થયો હતો.

વૈશ્વિક બજારમાં પણ ભાવ વધ્યા છે

નોંધનીય છે કે આજે વૈશ્વિક બજારમાં સોના અને ચાંદીના ભાવમાં મોટો ઘટાડો જોવા મળી રહ્યો છે. યુએસ માર્કેટમાં સોનાની હાજર કિંમત $1,714.53 પ્રતિ ઔંસ છે, જે અગાઉના બંધ ભાવ કરતાં 0.24 ટકા ઓછી છે. તેવી જ રીતે, ચાંદીની હાજર કિંમત 18.58 ડોલર પ્રતિ ઔંસ પર પહોંચી છે, જે તેના અગાઉના બંધ ભાવ કરતાં 0.55 ટકાના ઘટાડા પર ટ્રેડ થઈ રહી છે. માર્ચની શરૂઆતમાં વૈશ્વિક બજારમાં સોનું 2 હજાર અને ચાંદી 27 ડોલર પ્રતિ ઔંસની આસપાસ વેચાઈ રહ્યું હતું.

1 જૂનથી સોનું ખરીદવા અને વેચવાનો નિયમ પણ બદલાઈ રહ્યો છે

1 જૂન 2021 બાદ હોલમાર્ક વિનાના સોનાના દાગીનાને વેચી શકાશે નહીં. બ્યૂરો ઓફ ઈન્ડિયન સ્ટેન્ડર્ડ એટલે કે BISએ તેને લઈને ગયા મહિને એક નોટિફિકેશન જાહેર કર્યું હતું. સોનાની શુદ્ધતા 3 ગ્રેડમાં કરાશે. 22 કેરેટ, 18 કેરેટ અને 14 કેરેટ. 

ભારતમાં દર વર્ષે 700-800 ટન સોનું થાય છે આયાત
જ્વેલરી હોલમાર્કિંગની પ્રક્રિયામાં જ્વેલર્સ BISના એ અને એચ સેન્ટર પર જ્વેલરી જમા કરે છે. અહીં તેની ગુણવત્તા તપાસવામાં આવે છે. રિઝલ્ટના આધારે બીઆઈએસ તેની પર માર્કિંગ કરે છે.