Godhra Movie Teaser / 1 મિનિટ 11 સેકન્ડનું ગોધરા કાંડનું ટીઝર જોઇ આંખ પણ મટકું નહીં મારે, 21 વર્ષ બાદ ફરી એ દિવસો આંખ સામે તરી જશે

• ગોધરાઃ એક્સિડેન્ટ એન્ડ કોન્સ્પિરસી ફિલ્મનું ટીઝર કરાયું રિલીઝ 
• ગોધરાથી અમદાવાદ જતી ટ્રેનમાં આગ લાગતા 59 લોકોએ જીવ ગુમાવ્યા
• આ ગોધરાની ઘટનાના લગભગ 21 વર્ષ બાદ તેના પર બની રહી છે ફિલ્મ 

27 ફેબ્રુઆરી 2002ના રોજ ગુજરાતમાં ગોધરાથી અમદાવાદ જતી સાબરમતી એક્સપ્રેસ ટ્રેનમાં આગ લાગી હતી, જેમાં 59 લોકોએ જીવ ગુમાવ્યા હતા. આ ઘટનાના લગભગ 21 વર્ષ બાદ તેના પર ફિલ્મ બની રહી છે. ફિલ્મનું નામ ગોધરાઃ એક્સિડેન્ટ એન્ડ કોન્સ્પિરસી રાખવામાં આવ્યું છે અને તેનું ટીઝર પણ રિલીઝ કરવામાં આવ્યું છે.

1 મિનિટ 11 સેકન્ડના ટીઝરમાં શું છે?

ફિલ્મ ટ્રેડ એનાલિસ્ટ તરણ આદર્શે આ ફિલ્મની જાહેરાતનું ટીઝર રિલીઝ કર્યું છે. ટીઝરમાં દાવો કરવામાં આવ્યો છે કે આ ફિલ્મ સાચી ઘટનાઓ પર આધારિત છે. ટીઝરની શરૂઆત ટ્રેનના વિઝ્યુઅલથી થાય છે અને પછી ટ્રેનને આગ લાગતી બતાવવામાં આવે છે. ટીઝરમાં એક ફાઇલ પણ બતાવવામાં આવી છે, જેમાં નાણાવટી મેગાટા કમિશન લખેલું છે. ફિલ્મની રિલીઝ ડેટ પણ જાહેર કરવામાં આવી નથી.

‘GODHRA’ TEASER OUT NOW… #Godhra: Accident or Conspiracy teaser unveils… Directed by #MKShivaaksh… Produced by #BJPurohit and #RamKumarPal… In *cinemas* soon.#GodhraTeaser 🔗: https://t.co/jAI43tpalS pic.twitter.com/MquTPtQBZM

— taran adarsh (@taran_adarsh) May 30, 2023

મેકર્સે મોટા દાવા કર્યા

નિર્માતાઓ દાવો કરે છે કે તેઓએ ફિલ્મ માટે સખત મહેનત કરી છે અને તેને બનાવતા પહેલા પાંચ વર્ષ સુધી સંશોધન કર્યું છે. યુટ્યુબ પર ટીઝર શેર કરતી વખતે દાવો કરવામાં આવ્યો છે કે સંશોધન દરમિયાન ઘણા આશ્ચર્યજનક તથ્યો સામે આવ્યા છે, જેને ફિલ્મમાં સામેલ કરવામાં આવ્યા છે.

આ કેસમાં 31 લોકોને આજીવન કેદની સજા 

તમને જણાવી દઈએ કે 2002ની આ ઘટનામાં સાબરમતી ટ્રેનની બોગી નંબર S6માં આગ લાગી હતી. અહેવાલો અનુસાર ગોધરા સ્ટેશનથી ટ્રેન ઉપડતાની સાથે જ ટ્રેનની ચેઈન ખેંચાઈ ગઈ અને ટ્રેન થંભી ગઈ. આ પછી ટ્રેન પર પથ્થરમારો કરવામાં આવ્યો અને પછી એક કોચને આગ ચાંપી દેવામાં આવી. આ ઘટના પછી તોફાનો શરૂ થયા અને કેટલાય લોકોના મોત થયા. આ કેસમાં 31 લોકોને આજીવન કેદની સજા ફટકારવામાં આવી હતી.