અદાણી ટ્રાન્સમિશન અને અદાણી પાવરના શેરમાં બંપર તેજીના કારણે ગૌતમ અદાણી ફરી એકવાર એશિયાના બીજા નંબરના અમીર વ્યક્તિ બન્યા છે. આ વર્ષે કમાણીની વાતમાં મુકેશ અંબાણીને પણ પાછળ છોડી દીધા છે.
એશિયાના બીજા નંબરના સૌથી અમીર વ્યક્તિ બન્યા ગૌતમ અદાણી
આ વાતમાં મુકેશ અંબાણીને આપી દીધી માત
અદાણી ટ્રાન્સમિશન અને અદાણી પાવરના શેરમાં બંપર તેજી રહી કારણ
એકવાર ફરીથી ગૌતમ અદાણી એશિયાના બીજા નંબરના સૌથી અમીર વ્યક્તિ બન્યા છે. પહેલા નંબરે રિલાયન્સ ઈન્ડસ્ટ્રીના ચેરમેન મુકેશ અંબાણી છે. બ્લૂમબર્ગ બિલિનેયર ઈન્ડેક્સ અનુસાર ગૌતમ અદાણીની કુલ સંપત્તિ 71.30 અરબ ડોલર છે. તેઓ દુનિયામાં આ સમયે 14મા સૌથી રઈસ વ્યક્તિમાં છે. મુકેશ અંબાણી 87.8 અરબ ડોલરની સંપત્તિ સાથે 12મા સૌથી રઈસ વ્યક્તિ છે.
જૂન મહિનામાં 3 વિદેશી રોકાણકારોએ અદાણી ગ્રૂપમાં હજારો કરોડનું રોકાણ કર્યું હતું અને તેને ફ્રિઝ કરી દેવાયું હતું. આ પછી આ ગ્રૂપના શેરમાં ભારે ઘટાડો જોવા મળ્યો. 2 મહિના બાદ ફરીથી અદાણીની કિસ્મત ચમકી. આ વર્ષે ગૌતમ અદાણીની સંપત્તિમાં 37.5 અરબ ડોલરનો વધારો થયો છે જ્યારે મુકેશ અંબાણીની સંપત્તિમાં 11.10 અરબ ડોલરનો વધારો થયો છે.
જેફ બેજોસ નંબર 1 પર
બ્લૂમબર્ગ બિલિનેયર ઈન્ડેક્સના અનુસાર જેફ બેજોસ 201 અરબ ડોલરની સંપત્તિ સાથે દુનિયાના નંબર 1 રઈસ છે. ટેસ્લાના એલન મસ્ક 199 અરબ ડોલર સાથે બીજા નંબરે તો બર્નાર્ડ અર્નાલ્ટ 167 અરબ ડોલરની સાથે ત્રીજા નંબરે છે. આ વર્ષે સંપત્તિના ઉછાળામાં ગૌતમ અદાણી 5મા નંબરે છે અને તેમની સંપત્તિમાં 37.5 અરબ ડોલરનો વધઆરો જોવા મળ્યો છે. 52.30 અરબ ડોલરના ઉછાળા સાથે બર્નાર્ડ અર્નાલ્ટ પહેલા નંબરે છે.
રિલાયન્સના શેરની સ્થિતિ
રિલાયન્સ ઈન્ડસ્ટ્રીની વાત કરીએ તો ગુરુવારે આ શેર 1.20 ટકાના વધારા સાથે 2295 રૂપિયાના સ્તરે બંધ થયો.કારોબાર સમયે 2300 ના સ્તરને પાર કરી ચૂક્યો હતો. ઓક્ટોબર 2020 બાદ પહેલી વાર આ સ્થિતિએ પહોંચ્યું છે અને આ ઓલટાઈમ હાઈ 2369 રૂપિયા રહ્યો છે.
અદાણી પાવરનું પ્રદર્શન
અદાણી ગ્રૂપની 6 કંપનીઓ શેર બજારમાં લિસ્ટેડ છે. થોડા સમયથી અદાણી પાવર, અદાણી ગેસ અને અદાણી એન્ટરપ્રાઈઝના શેરનું શાનદાર પ્રદર્શન રહ્યું છે. અદાણી પાવરના શેરમાં 8 કારોબારી સત્રોના અપર સર્કિટ લાગ્યા છે. ગુરુવારે શેર 108 રૂપિયા પર બંધ થયો હતો. 23 ઓગસ્ટે તે ફક્ત 73 રૂપિયા રહ્યો હતો. આ રીતે અદાણી ટ્રાન્સમિશનના શેર પણ સતત 10 કારોબારી સેશનમાં અપર સર્કિટ લાગ્યો. ગુરુવારે તે 1672 રૂપિયાના સ્તરે બંધ થયો. 11 ઓગસ્ટે તેના શેરમાં છેલ્લી વાર ઘટાડો થયો હતો અને તે દિવસે તે 946 રૂપિયા પર બંધ થયો હતો.