Garuda Purana / પત્નીને પ્રેમ નથી કરતાં અને ખરાન વ્યવહાર કરનારને મૃત્યુ બાદ મળે છે આવી સજા, ગરુડ પુરાણમાં છે ઉલ્લેખ

• હિંદુ ધર્મમાં ગરુડ પુરાણને આગલા જન્મની વિભાવનાના આધારે મહત્વ અપાયું 
• ગરુડ પુરાણ મૃત્યુ પછીના નવા જીવનની કલ્પના પર આધારિત છે
• વ્યક્તિ પોતાની પત્ની સાથે દુર્વ્યવહાર કરે છે તે આગામી જન્મમાં પક્ષી બને

હિંદુ ધર્મમાં ગરુડ પુરાણને આગલા જન્મની વિભાવનાના આધારે ખૂબ મહત્વ આપવામાં આવ્યું છે. જ્યોતિષીના જણાવ્યા અનુસાર પક્ષી રાજા ગરુડ દ્વારા પૂછવામાં આવેલા પ્રશ્નોના જવાબમાં ભગવાન નારાયણ દ્વારા આપવામાં આવેલા ઉપદેશો પર ગરુડ પુરાણની રચના કરવામાં આવી છે. વ્યક્તિએ આ જન્મમાં કરેલાં કર્મોનાં આધારે તે આગામી જન્મમાં શું જન્મ લેશે? ગરુડ પુરાણમાં આનું વિગતવાર વર્ણન કરવામાં આવ્યું છે. જ્યારે ઘરમાં કોઈનું મૃત્યુ થાય છે ત્યારે સામાન્ય રીતે ગરુડ પાઠ કરવામાં આવે છે. જે વ્યક્તિ પોતાની પત્ની સાથે દુર્વ્યવહાર કરે છે તે આગામી જન્મમાં પક્ષી બની જાય છે. ગરુડ પુરાણ મૃત્યુ પછીના નવા જીવનની કલ્પના પર આધારિત છે. આમાં કર્મ પ્રમાણે પરિણામ સમજાવવામાં આવ્યું છે.

ગરુડ પુરાણમાં સ્ત્રી-પુરુષના સંબંધ વિશે લખ્યું છે ?

જ્યોતિષે જણાવ્યું કે ગરુડ પુરાણમાં સ્ત્રી અને પુરુષના સંબંધ પર ઘણું લખવામાં આવ્યું છે. જે વ્યક્તિ તેની પત્ની સાથે ખરાબ વર્તન કરે છે તે આગામી જન્મમાં શું બનશે? ગરુડ પુરાણ કહે છે કે જે પતિ સ્વાર્થ કે અન્ય કોઈ કારણસર પોતાની પત્ની પર ખોટા આરોપો લગાવીને તેનો ત્યાગ કરે છે, તે આગામી જન્મમાં ચક્રવાક અથવા ચકવા બની જાય છે. કહેવાય છે કે આ પક્ષીનો અવાજ ખૂબ જ કઠોર હોય છે. તે દિવસભર માદા પક્ષી સાથે રહે છે, પરંતુ રાત્રે તેઓ અલગ થઈ જાય છે.

વધુ વાંચો : ગુપ્તતેશ્વર મહાદેવ મંદિર: અહીં આવેલી છે એવી ગુફા જ્યાં હજારો વર્ષથી અશ્વત્થામા ચડાવે છે ફૂલ

કાલિદાસે વિરહ રચનામાં ચકવા ચકવીનું વર્ણન કર્યું છે

કાલિદાસે પણ તેમની વિરહ રચનામાં ચકવા ચકવીનું વર્ણન કર્યું છે. તે કહે છે કે કેવી રીતે ચકવા તેના જૂના કાર્યોને કારણે તેના ચકવીથી દૂર રહેવાની પીડા સહન કરે છે. તે જ સમયે તે રડે છે અને વિલાપ કરે છે. તેવી જ રીતે આખી જીંદગી દુ:ખ ભોગવીને તે પોતાનો જીવ આપી દે છે.