વડોદરા / કાયદાનો ડર ગાયબ.! ચોરીની બેટરી ખરીદવાના આરોપમાં વેપારી સાળા-બનેવીનું અપહરણ,એકને પતાવી દીધો, અન્યને વાપીમાં છોડ્યો

• વડોદરાના ગોલ્ડન ચોકડી પાસેથી સ્ક્રેપના વેપારી સાળા બનેવીનું અપહરણ
• ચોરીની બેટરી ખરીદવાના આરોપમાં બંનેનું અપહરણ થયું 
• કારમાં આવેલા ઈસમોએ કર્યું સાળા બનેવીનું અપહરણ

વડોદરાની ગોલ્ડની ચોકડી પાસેથી સ્ક્રેપનાં વેપાર સાથે સંકળાયેલા સાળા-બનેવીનું ચોરીની બેટરી ખરીદવાનાં આરોપમાં કેટલાક શખ્સો દ્વારા અપહરણ કર્યું હતું. અપહરણ કર્યા બાદ બંનેને આજવા ખાતેના ફાર્મ હાઉસ ખાતે લઈ જઈ ઢોર માર માર્યો હતો. ત્યારે અપહરણકર્તાઓએ સાળા કૈલાશનાથને માર મારી વાપી ખાતે છોડી દીધો હતો. કૈલાશે સુરત રહેતા સાળાને જાણ કરતા કૈલાશનાથને વડોદરા લવાયો હતો.

પોલીસે ટીમ બનાવી તપાસ હાથ ધરી
અપહરણકર્તાઓએ બનેવી રાજુનાથની હત્યા કરી મૃતદેહને હાલોલ નજીક ફેંકી દીધો હતો. જે મૃતદેહને પોલીસે શોધી કાઢ્યો હતો. જ્યારે ઈજાગ્રસ્ત કૈલાશનાથને સારવાર માટે સયાજી હોસ્પિટલ ખસેડાયો હતો. ત્યારે અપહરણકર્તાઓ 4 આરોપી હોવાની આશંકા છે. પોલીસે આરોપીઓને પકડવા ટીમો બનાવી શોધખોળ હાથ ધરી છે. 

અપહરણકર્તાઓ મારા બનેવીનુ અને મારૂ અપહરણ કરી ફાર્મ હાઉસ લઈ ગયા હતાઃકૈલાશનાથ
ત્યારે આ બાબતે કૈલાશનાથનાં બનેવી રાજુનાથે જણાવ્યું હતું કે મારી ભંગારની દુકાન છે. ત્યારે મારી દુકાને બે જણા બેટરી લઈને આવ્યા.  જેવી જ એ લોકોએ બેટરી લાવીને મારી બાજુમાં મુકી તરત જ પાછળથી અન્ય બે વ્યક્તિઓ આવ્યા હતા. અને મને અને મારા બનેવીનું અપહરણ કરી આજવા બાજુ ફાર્મ હાઉસ પર લઈ ગયા હતા. જ્યાં અમને માર માર્યો હતો.  પછી આખો દિવસ ત્યાં જ રાખ્યા.  પછી સાંજના સુમારે મારા બનેવી ઘાયલ થઈ જતા તેઓને હોસ્પિટલ લઈ ગયા હતા. ત્યારે મેં અપહરણકર્તાઓને મારા બનેવી વિશે પૂછતા તેઓએ કહ્યું હતું કે તે કઈ હોસ્પિટલમાં છે એ કન્ફમ થયા બાદ અમે તમને ત્યાં લઈ જઈશું. જે બાદ તેઓ મને બીજી ગાડીમાં બેસાડી સુરત બાજુ લઈ ગયા હતા અને મને વહેલી સવારે મને વાપી છોડી દીધો હતો. જે બાદ મેં સુરત ખાતે મારા સબંધીનો સંપર્ક કરત મારો ભત્રીજો મને લેવા માટે સુરત આવ્યા હતા.  અને તે લોકો મને સુરતથી વડોદરા આવ્યા હતા અને વડોદરા આવ્યા બાદ અમે પોલીસને જાણ કરી હતી.