અમરેલી / ખાંભામાં પિતા, પુત્ર અને પુત્રીના ડૂબતાં મોત, ત્રણેયની લાશ તળાવમાં તરતી જોવા મળી, આખરે બન્યું શું?

• ખાંભાના સમઢીયાળાના તળાવમાં ત્રણ લોકો ડૂબ્યા
• પિતા પુત્ર અને પુત્રી તળાવમાં ડૂબી જતાં થયા ત્રણેયના મોત
• પોલીસે ગુનો નોંધી તપાસ હાથ ધરી

અમરેલીનાં ખાંભાનાં સમઢીયાળા ગામે આવેલ તળાવમાં અચાનક પિતા, પુત્ર અને પુત્રીની તળાવમાંથી લાશ મળી આવતા ચકચાક મચી જવા પામી હતી. ગામનાં એક જ પરિવારનાં એક યુવાન તથા બે બાળકો ડૂબી જતા ગામમાં અરેરાટી મચી જવા પામી હતી. પિતા, પુત્ર અને પુત્રીની તળાવમાંથી મૃતદેહ મળી આવતા પિતા, પુત્ર તેમજ પુત્રીએ આત્મહત્યા કરી તે બાબતની ચર્ચા ટોક ઓફ ધ ટાઉન બનવા પામી હતી. 

પોલીસે ગુનો નોંધી તપાસ હાથ ધરી
આ બાબતે ગ્રામજનો દ્વારા પોલીને જાણ કરતા પોલીસે તાત્કાલિક ઘટનાં સ્થળે પહોંચી ત્રણેય લાશને તળાવમાંથી બહાર કાઢવાની કામગીરી હાલ શરૂ કરવામાં આવી હતી. ત્રણેય મૃતદેહોને પીએમ અર્થે મોકલી આગળની કાર્યવાહી હાથ ધરી હતી. એકી સાથે ત્રણ લોકો તળાવમાં ડૂબી જવાની ઘટના બનતા લોકોનાં ટોળા તળાવ આસપાસ ઉમટી પડ્યા હતા.