- દસાડા-જૈનાબાદ વચ્ચે અકસ્માત
- કાર અને ટ્રેલર વચ્ચે અકસ્માત
- અકસ્માતમાં 4 લોકોના મૃત્યુ
Accident In Surendranagar: ગુજરાતમાં અવારનવાર અકસ્માતની ઘટનાઓ સામે આવતી રહે છે. ક્યારેક તો કોઇક દિવસ જ ગુજરાત માટે ગોઝારો સાબિત થતો હોય છે. ત્યારે બુધવારની સવારે સુરેન્દ્રનગર જિલ્લામાં ભયાનક અકસ્માત સર્જાયો છે. આ અકસ્માતમાં 4 લોકોના કરૂણ મોત નિપજ્યાં છે.
કાર અને ટ્રેલર ભયાનક અકસ્માત
મળતી માહિતી અનુસાર, સુરેન્દ્રનગરના દસાડા-જૈનાબાદ હાઈવે પર આજે સવારે કાર અને ટ્રેલર ભયાનક અકસ્માત સર્જાયો હતો. આ અકસ્માત એટલો ભયાનક હતો કે અકસ્માત બાદ કાર સીધી ખેતરમાં પલટી મારી ગઈ હતી. આ અકસ્માતને પગલે રાહદારીઓના ટોળેટોળા ઘટના સ્થળે એકઠા થઈ ગયા હતા. તો આ ભયાનક અકસ્માત અંગેની જાણ પોલીસને કરવામાં આવતા પોલીસની ટીમ પણ ઘટના સ્થળે દોડી આવી હતી.
મૃતદેહને પીએમ અર્થે ખસેડવાની તજવીજ હાથ ધરાઈ
જે બાદ પોલીસ દ્વારા સ્થાનિકોની મદદથી કારમાંથી મૃતકોના મૃતદેહ બહાર કાઢવામાં આવ્યા હતા. પોલીસની પ્રાથમિક તપાસમાં તમામ મૃતકો મોરબી જિલ્લાના રહેવાસી હોવાનું સામે આવ્યું છે. હાલ મૃતકોના પરિવારજનોને આ અંગેની જાણ કરવામાં આવી છે. તો મૃતકોના મૃતદેહને પીએમ અર્થે ખસેડવાની પણ પોલીસ દ્વારા તજવીજ હાથ ધરવામાં આવી છે.
ભાવનગર અમદાવાદ હાઈવે પર સર્જાયો હતો અકસ્માત
આપને જણાવી દઈએ કે, ગતરોજ ચાલું વરસાદે ભાવનગર-અમદાવાદ હાઈવે પર ખાનગી બસ અને ટ્રક વચ્ચે અકસ્માત સર્જાયો છે. આ અકસ્માતમાં 2 લોકોના મૃત્યુ નિપજ્યાં હતા, જ્યારે 15થી વધુ ઈજાગ્રસ્તોને 108 એમ્બ્યુલન્સ મારફતે ભાવનગરની હોસ્પિટલમાં ખસેડાયા હતા. અકસ્માતની જાણ થતાં જ પોલીસની ટીમ બનાવ સ્થળે દોડી આવી હતી અને તપાસ હાથ ધરી હતી.
