આક્ષેપ / 'નથી 200 કોલેજોમાં કાયમી આચાર્ય કે નથી યુનિવર્સિટીઓમાં...', ગુજરાત કોંગ્રેસ પ્રવક્તાએ સરકારને લીધી આડે હાથ

• ગુજરાત કોંગ્રેસ મુખ્ય પ્રવક્તાએ ભાજપ પર કર્યા પ્રહાર
• યુનિ. કોમન એક્ટ લાવ્યા બાદ પણ કાયમી કુલપતિની નિમણૂંક કરાઈ નથી
• કુલપતિની નિમણૂંક કરવામાં સરકાર નિષ્ફળ ગઈ હોવાનો કોંગ્રેસનો આક્ષેપ

 રાજ્યમાં યુનિવર્સિટી કોમન એક્ટ લાવ્યા બાદ પણ 7 જેટલી યુનિવર્સિટીઓમાં કાયમી કુલપતિની નિમણૂક ન થતાં કૉંગ્રેસે સરકાર પર પ્રહાર કર્યા છે. 7 યુનિવર્સિટીઓમાં કુલપતિની કાયમી નિમણૂક કરવામાં સરકાર નિષ્ફળ ગઈ હોવાનો કોંગ્રેસે આરોપ લગાવ્યો છે. તેમજ ગુજરાત કોંગ્રેસના મુખ્ય પ્રવક્તા ડો.મનિષ દોશીએ જણાવ્યું કે રાજ્યની 200 જેટલી કોલેજોમાં કાયમી આચાર્ય પણ નીમવામાં આવ્યા નથી.

નવા એક્ટરને હવે 200 દિવસ વીતી ગયા બાદ પણ નિમણૂંક કરવામાં આવી નથીઃ ર્ડા. મનીષ દોશી (પ્રવક્તા, ગુજરાત કોંગ્રેસ)
આ બાબતે ગુજરાત કોંગ્રેસ પ્રવક્તા ર્ડા. મનીષ દોશીએ જણાવ્યું હતુ કે,  ગુજરાતમાં સરકારે યુનિવર્સિટી કોમન એક્ટ લાવી સ્ટેટ યુનિવર્સિટી એક્ટને આજે 200 દિવસ જેટલો સમય વીતી ગયો છતા રાજ્યની સાત યુનિવર્સિટીઓમાં કાયમી કુલપતિની નિમણૂંક કરવામાં આવી નથી. સાત યુનિવર્સિટી એટલા માટે કહુ છું કે જેમાં વર્ષ, દોઢ વર્ષનો સમય વીતી જાય સરકાર ત્યારે બહાનુ આપતી હતી કે, કુલપતિની નિમણૂંક એટલે નથી કરતા કે નવો એક્ટ લાવવામાં આવી રહ્યા છીએ અને એક્ટના આધારે નવી જોગવાઈ થશે. અને ત્યાર બાદ કુલપતિની નિમણૂંકો થશે. ત્યારે નવા એક્ટરને હવે 200 દિવસ વીતી ગયા તેમ છતાં પણ હજુ સુધી રાજ્યની મોટી મોટી યુનિવર્સિટીઓમાં કુલપતિની નિમણૂંક કરવામાં સરકાર નિષ્ફળ રહી છે. અથવા તો સરકાર જાણી જોઈને  સરકાર પોતાની મન મરજી મુજબના કુલપતિ ઉમેદવારો મળતા નથી એટલે સમગ્ર ખેલ ચાલી રહ્યો છે. 

વધુ વાંચોઃ LRD ભરતીની પરીક્ષા પદ્ધતિમાં મોટો ફેરફાર, હવેથી શારીરિક કસોટીના માર્ક્સ નહીં ગણાય, લેવાશે 200 ગુણનું પેપર

 350 ગ્રાન્ટેડ કોલેજોમાંથી 200 કોલેજોમાં કાયમી આચાર્ય નથીઃ મનીષ દોશી (પ્રવક્તા, ગુજરાત કોંગ્રેસ)
ગુજરાતમાં 350 ગ્રાન્ટેડ કોલેજોમાંથી 200 કોલેજોમાં કાયમી આચાર્ય નથી. પ્રિન્સિપાલની નિમણૂંક માટે સરકાર વારાફરતી નિયમોનાં ફોરમેટ બદલે. જેથી કાયમી આચાર્ય પણ નથી મળતા. તેવા સંજોગામાં કોંગ્રેસ પક્ષ તરીકે અમે માંગ કરીએ છીએ કે, ભારતીય જનતા પાર્ટીની ભ્રષ્ટ સરકારનું શિક્ષણ વિભાગ ભ્રષ્ટ્રાચારનું એપી સેન્ટર ઈન્ચાર્જના આધારે જે શિક્ષણની અધોગતિ કરી રહ્યું છે. તેમાં શિક્ષણ વ્યવસ્થાને સુધારવા માટે એક ટકા પણ પ્રમાણિક પ્રયત્ન કરે.