તમારા કામનું / લોન લેતા પહેલા હંમેશા યાદ રાખો આ ફોર્મ્યુલા, EMI ભરાશે પણ ટેન્શન નહીં થાય, બચત પણ કરી શકશો

• EMI તરીકે એક નિશ્ચિત રકમ ચૂકવવામાં આવે છે.
• ખર્ચા અને આવકની ગણતરી કરીને લોન લેવી.
• ક્રેડિટ સ્કોર સારો હોય તો લોન મળે છે.

આજના સમયમાં તમામ વસ્તુ લેવા માટે લોન આપવામાં આવે ઠે. લોન માટે ક્રેડિટ સ્કોર ખૂબ જ મહત્ત્વપૂર્ણ છે. ક્રેડિટ સ્કોર સારો હોય તો બેન્ક તરત લોન આપે છે. લોન લીધા પછી લોન ચૂકવવી પણ જરૂરી હોય છે. દર મહિને EMI તરીકે એક નિશ્ચિત રકમ ચૂકવવામાં આવે છે. વધુ સમય માટે લોન લેવી હોય તો વધુ વ્યાજ ચૂકવવાનું રહે છે. આ કારણોસર કમાણીને કેલ્ક્યુલેટ કરીને જ લોન લેવી જોઈએ, જેથી સરળતાથી EMI ભરી શકાય.

ખર્ચાની ગણતરી કરી લો
દર મહિને EMI તરીકે એક નિશ્ચિત રકમ ચૂકવવામાં આવે છે.  જે માટે સૌથી પહેલા ખર્ચાની ગણતરી કરી લો. જો તમે ભાડાના ઘરમાં રહો છો તો, ભાડું રાશન, બાળકોની સ્કૂલની ફી, ઈમરજન્સી માટેની સગવડ કરીને એક બજેટ તૈયાર કરી લો. ત્યારપછી તમારા જે પણ પૈસા બચે તે ભેગા કરીને એક બજેટ બનાવી લો. ત્યારપછી જે પણ રકમ વધે તેમાંથી તમે EMI ભરી શકો છો. 

આવકની સરખામણીએ EMI કેટલું હોવું જોઈએ?
કોઈપણ વ્યક્તિની કમાણીનો કેટલો હિસ્સો EMIમાં જવો જોઈએ. તમે ડેટ ટૂ ઈન્કમ રેશિયો (DTI) રેશિયો કેલ્ક્યુલેટ કરીને પણ EMIની રકમનો અંદાજો લગાવી શકો છો. ડેટ ટૂ ઈન્કમ રેશિયો 35થી 40 ટકા હોવો જોઈએ. જો તમારી કમાણી 40 બજાર રૂપિયા છે, તો EMI 14,000થી 16,000 હોવું જોઈએ. 

બચતને અવગણશો નહીં
EMIની રકમ ઓછી કરવા માટે લોન ચૂકવવાના સમયગાળાને આગળ ના વધારવો જોઈએ. આ પ્રકારે કરવાથી લોનનો ખર્ચ વધી શકે છે અને વધુ વ્યાજ ચૂકવવું પડે છે. EMI નક્કી કરતા સમયે સેવિંગનું પણ ધ્યાન રાખવું જોઈએ. જો તમે પહેલેથી SIPમાં રોકાણ કરી રહ્યા છે, તો તે બંધ ના કરવું જોઈએ. આ એક બચત છે, જેને ધ્યાનમાં રાખીને લોન લેવામાં આવે તો સરળતાથી EMI ભરી શકાય છે. 

લોન લેતા સમયે બચત અવગણવી ના જોઈએ. જો તમે બાળકોના ભણતક માટે બચત કરી રહ્યા છો, તો તે બિલ્કુલ પણ બંધ ના કરવું જોઈએ. આ તમામ ખર્ચાને ધ્યાનમાં રાખવામાં આવે તો સરળતાથી EMI ભરી શકાય છે. લોન લેતા પહેલા તમામ બેન્કના વ્યાજદરની ગણતરી જરૂરથી કરવી જોઈએ. 

(DISCLAIMER: આ આર્ટિકલ અનુભવ તેમજ મળતી માહિતીને આધારિત છે. આથી આપવામાં આવેલી જાણકારી અનુસાર રોકાણ કરવામાં જો તમને કોઇ પણ પ્રકારનું નુકસાન થશે તો તેની જવાબદારી અમારી રહેશે નહીં. કોઇ પણ શેરમાં રોકાણ કરતા પહેલાં નિષ્ણાંતની સલાહ લેવી આવશ્યક છે. આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)