કોઈ સહાય સાચા અર્થમાં સાર્થક ત્યારે થાય જ્યારે તે સહાય તેના લાભાર્થી સુધી વગર કોઈ વિઘ્ને પહોંચે. મોટેભાગે સરકાર તરફથી જયારે સહાય જાહેર થાય છે ત્યારે કાગળ ઉપર તો બધુ સારુ લાગે છે પણ જરૂરી એ છે કે જાહેર થયેલી સહાયની રકમ વહેલામાં વહેલી તકે જે તે લાભાર્થી સુધી પહોંચે. મોટેભાગે ખેડૂતોનું નસીબ આવી સહાયની રકમ મળવાના મુદ્દે બે ડગલા પાછળ જ ચાલતું હોય તેવો ઘાટ હંમેશા ઘડાય છે. ડુંગળી અને બટાટા પકવતા ખેડૂતોને પોષણક્ષમ ભાવ ન મળતા સરકારે કરોડો રૂપિયાનું પેકેજ તો જાહેર કરી દીધું. પરંતુ મહિનાઓ વીતી ગયા છતા અને ખેડૂતોએ સહાય માટે રજીસ્ટ્રેશન કરી દીધા હોવા છતા હજુ પણ ઘણાં ખેડૂતો એવા છે કે જેના સુધી સહાયની રકમ પહોંચી નથી.
- સરકાર ખેડૂતો માટે સહાય જાહેર કરે છે પણ સમયસર રૂપિયા પહોંચતા નથી
- ચિત્ર એવું ઉભું થાય છે કે સરકારની સહાય કાગળ ઉપર જ રહી ગઈ
- ડુંગળી-બટાટા પકવતા ખેડૂતો માટે સરકારે થોડા મહિના પહેલા સહાય જાહેર કરી હતી
- અગાઉ ફેબ્રુઆરી-માર્ચ મહિનામાં માવઠું થયું ત્યારે સરકારે સહાય જાહેર કરી
હવે સ્થિતિ એવી આવી છે કે બટાટાનો કોલ્ડ સ્ટોરેજમાં સંગ્રહ ખેડૂતોને મોંઘો પડી રહ્યો છે અને જલ્દી જ જો કોઈ નિર્ણય નહીં થાય તો ખેડૂતો માટે મુશ્કેલી ઉભી થશે. આવી જ સ્થિતિ બિપરજોય વાવાઝોડામાં સહાયની જાહેરાતમાં ઉભી થઈ છે.. સરકારે સારામા સારુ પેકેજ ભલે જાહેર કર્યુ હોય પરંતુ વિસ્તૃત સરવે કયારે થશે અને સહાયની રકમ ક્યારે મળશે તે સવાલનો જવાબ વણઉકેલ્યો છે.. અહીં પાયાનો સવાલ એટલો જ છે કે ખેડૂતો માટે જાહેર થયેલી સહાયની રકમ ખેડૂતો સુધી વહેલામા વહેલી તકે પહોંચશે ક્યારે.
- ભાવ તળિયે બેસી જતા સરકારે કરોડોનું પેકેજ જાહેર કર્યું હતું
- હવે સહાયની જાહેરાતને મહિનાઓ વીતી ગયા છતા સહાયની રકમ મળી નથી
- ખેડૂતોને બટાટાનો કોલ્ડ સ્ટોરેજમાં સંગ્રહ મોંઘો પડી રહ્યો છે
- બિપરજોય વાવાઝોડામાં થયેલી નુકસાનીની સહાય પણ હજુ મળી નથી
સરકાર ખેડૂતો માટે સહાય જાહેર કરે છે પણ સમયસર રૂપિયા પહોંચતા નથી. ચિત્ર એવું ઉભું થાય છે કે સરકારની સહાય કાગળ ઉપર જ રહી ગઈ છે. ડુંગળી-બટાટા પકવતા ખેડૂતો માટે સરકારે થોડા મહિના પહેલા સહાય જાહેર કરી હતી. અગાઉ ફેબ્રુઆરી-માર્ચ મહિનામાં માવઠું થયું ત્યારે સરકારે સહાય જાહેર કરી હતી. ભાવ તળિયે બેસી જતા સરકારે કરોડોનું પેકેજ જાહેર કર્યું હતું. હવે સહાયની જાહેરાતને મહિનાઓ વીતી ગયા છતા સહાયની રકમ મળી નથી. ખેડૂતોને બટાટાનો કોલ્ડ સ્ટોરેજમાં સંગ્રહ મોંઘો પડી રહ્યો છે. બિપરજોય વાવાઝોડામાં થયેલી નુકસાનીની સહાય પણ હજુ મળી નથી. બિપરજોય વાવાઝોડામાં અનેક બાગાયતી પાકને નુકસાન થયું હતું. હજુ સુધી સરકારે જાહેર કરેલી સહાય ખેડૂતો સુધી પહોંચી નથી.
કમોસમી વરસાદથી ક્યાં નુકસાન થયું હતું?
| રાજકોટ |
| જૂનાગઢ |
| બનાસકાંઠા |
| અરવલ્લી |
| તાપી |
| પાટણ |
| સાબરકાંઠા |
| સુરત |
| કચ્છ |
| અમરેલી |
| જામનગર |
| ભાવનગર |
| અમદાવાદ |
માવઠાથી નુકસાનમાં કેટલી સહાય જાહેર થઈ?
- ખેતી અને વર્ષાયુ બાગાયતી પાક
- 23 હજાર પ્રતિ હેક્ટર લેખે મહત્તમ 2 હેક્ટરની મર્યાદામાં સહાય
- બહુવર્ષાયુ બાગાયતી પાક
- ડુંગળીના પોષણક્ષમ ભાવ ન મળતા સહાય જાહેર કરાઈ હતી
- ખેડૂતને કટ્ટા દીઠ 100 રૂપિયા અને પ્રતિ કિલો 2 રૂપિયાની સહાય
- ખેડૂતને વધુમાં વધુ 500 કટ્ટા અથવા 250 ક્વિન્ટલની મર્યાદામાં સહાય
ડુંગળી પકવતા ખેડૂતો માટે શું હતી જાહેરાત?
ડુંગળીનાં પોષણક્ષમ ભાવ ન મળતા સહાય જાહેર કરાઈ હતી. ખેડૂતને કટ્ટા દીઠ 100 રૂપિયા અને પ્રતિ કિલો 2 રૂપિયાની સહાય જાહેર કરાઈ હતી. ખેડૂતને વધુમાં વધુ 500 કટ્ટા અથવા 250 ક્વિન્ટલની મર્યાદામાં સહાય. રોડ માર્ગે પરિવહન માટે પણ પ્રતિ મેટ્રીક ટન 750 રૂપિયાની સહાય મળે છે. રેલ માર્ગ પરિવહન માટે પ્રતિ મેટ્રીક ટન 1 હજાર 150ની સહાય મળે છે.
- ખાદ્ય બટાટાનો સંગ્રહ કરે તો કિલો દીઠ 1 રૂપિયા, કટ્ટા દીઠ 50 રૂપિયાની સહાય
- વધુમાં વધુ 600 કટ્ટા અને 300 ક્વિન્ટલની મર્યાદામાં સહાય
- 1 ફેબ્રુઆરીથી 31 માર્ચ સુધી સંગ્રહ કરાયેલા બટાટા માટે સહાય
બટાટા પકવતા ખેડૂતો માટે શું હતી જાહેરાત?
ખાદ્ય બટાટાનો સંગ્રહ કરે તો કિલો દીઠ 1 રૂપિયા, કટ્ટા દીઠ 50 રૂપિયાની સહાયની જાહેરાત કરી હતી. વધુમાં વધુ 600 કટ્ટા અને 300 ક્વિન્ટલની મર્યાદામાં સહાય આપવાની જાહેરાત કરાઈ હતી. 1 ફેબ્રુઆરીથી 31 માર્ચ સુધી સંગ્રહ કરાયેલા બટાટા માટે સહાય જાહેર કરી છે. APMCમાં બટાટા વેચનાર ખેડૂતને કટ્ટા દીઠ 50 રૂપિયા અથવા કિલો દીઠ 1 રૂપિયાની સહાય જાહેર કરી છે.
- બિપોરજોય વાવાઝોડાથી પાક નુકસાની માટે સરકારે સહાય જાહેર કરી
- રાજ્ય સરકારે 240 કરોડનું પેકેજ જાહેર કર્યું
- કચ્છ અને બનાસકાંઠામાં વાવાઝોડાની વ્યાપક અસર થઈ હતી
- સરકારે બહુવર્ષાયુ બાગાયતી પાક માટે વિશેષ પેકેજ જાહેર કર્યું
બિપોરજોય'માં સરકારે શું સહાય જાહેર કરી?
બિપોરજોય વાવાઝોડાથી પાક નુકસાની માટે સરકારે સહાય જાહેર કરી છે. રાજ્ય સરકારે 240 કરોડનું પેકેજ જાહેર કર્યું. કચ્છ અને બનાસકાંઠામાં વાવાઝોડાની વ્યાપક અસર થઈ હતી. સરકારે બહુવર્ષાયુ બાગાયતી પાક માટે વિશેષ પેકેજ જાહેર કર્યું. હેક્ટર દીઠ 1 લાખ 25 હજાર લેખે મહત્તમ 2 હેક્ટરની મર્યાદામાં સહાય જાહેર કરી છે. બહુવર્ષાયુ બાગાયતી પાકમાં 33% કે તેથી વધુ નાશ થયો હોય એ શરત જરૂરી છે. જો કે ખેડૂતો સુધી હજુ આ સહાયની રકમ પહોંચી નથી.
સરકારનો દાવો શું છે?
2015-2016
- પાક નુકસાનીની સહાય પેટે 279.22 કરોડ રૂપિયાની ચુકવણી
2017-2018
- ખેડૂતોને નુકસાની પેટે 1 હજાર 706 કરોડથી વધુની ચુકવણી
2018-2019
- ખેડૂતોને 1 હજાર 678 કરોડથી વધુની ચુકવણી
2019-2020
- કૃષિ સહાય પેકેજ તરીકે 2 હજાર 489 કરોડથી વધુની ચુકવણી
2020-2021
- ખેડૂતોને 2 હજાર 905 કરોડથી વધુની ચુકવણી
2021-2022
- વાવાઝોડાથી બે તબક્કામાં 1 હજાર 240 કરોડથી વધુની સહાય
2022-2023
- અતિવૃષ્ટિથી નુકસાનીની સહાય પેટે 147 કરોડની ચુકવણી
2023-2024
- કમોસમી વરસાદથી થયેલા નુકસાનમાં 85.49 કરોડની ચુકવણી
