બીજી ઘટના / એર ઈન્ડીયાની ફ્લાઈટમાં ફરી શર્મનાક હરકત, નશામાં ધૂત શખ્સે મહિલાના ધાબળા પર કર્યો પેશાબ

• Air Indiaનો નવો મામલો આવ્યો સામે 
• 10 દિવસનાં સમયમાં 2 શરમજનક ઘટના
• ફ્લાઇટમાં મહિલાનાં બ્લેન્કેટ પર કર્યું પુરુષે ટોયલેટ

એર ઇન્ડિયાની ફ્લાઇટમાં 10 દિવસનાં ગાળામાં ફરી એક શરમજનક ઘટના બની છે. પરિસથી દિલ્હીની ફ્લાઈટમાં નશામાં ધૂત એક વ્યક્તિ પર મહિલા પેસેન્જરનાં બ્લેન્કેટ પર ટોયલેટ/પેશાબ કરવાનો આરોપ લાગ્યો છે. 26 નવેમ્બરનાં પણ ન્યૂયોર્કથી દિલ્હીની ફ્લાઇટમાં પણ આવી જ એક ઘટના બની હતી જેમાં નશામાં ધૂત પુરુષે મહિલા પેસેન્જર ઉપર પેશાબ કરેલ હતો.

Ten days after November 26 incident on a New York-Delhi Air India flight, another episode of a 'drunk' male passenger allegedly 'urinating' on a blanket of a female passenger was reported on Paris-Delhi sector: Officials

— Press Trust of India (@PTI_News) January 5, 2023

6 ડિસેમ્બરમાં ફરી બની આવી ઘટના
Air Indiaની ફ્લાઇટ 142 પર 6 ડિસેમ્બરનાં રોજ ફરી એકવાર આવી શરમજનક ઘટના બની છે જ્યાં નશામાં ધૂત પુરુષ પેસેન્જરે મહિલા પેસેન્જરનાં બ્લેન્કેટ પર પેશાબ કર્યો. આ પેરિસથી દિલ્હી ફ્લાઇટનાં પાયલટે સમગ્ર મામલાની જાણકારી ઈન્દિરા ગાંધી ઇન્ટરનેશનલ એરપોર્ટનાં એર ટ્રાફિક કંટ્રોલને જણાવ્યું હતું. જેના બાદ આ પુરુષ પેસેન્જરને પકડી લેવાયો છે. 

એરપોર્ટ અધિકારીઓએ આપી જાણકારી
તેમણે સૂત્રોને જણાવ્યું કે વિમાન સવારે 9-40 આસપાસ દિલ્હીમાં ઊતર્યું અને એરપોર્ટનાં સુરક્ષાબળોને જણાવવામાં આવ્યું કે પુરુષ યાત્રી શરાબનાં નશામાં હતો અને તે કેબીન ક્રૂનાં નિર્દેશોનું પાલન નહોતો કરી રહ્યો. પછી તેણે એક મહિલા પેસેન્જરનાં બ્લેન્કેટ પર ટોયલેટ કરી દીધેલ હતું.

Dekha, 30 din ban karne ka asar, is baar blanket par kiya #AirIndia this time make sure this time add some extras rupees with the refund

— Shishir Tripathi (@Shishir_SD) January 5, 2023

પેસેન્જરે મહિલાથી માંગી લેખિતમાં માફી
પુરુષ યાત્રીને સેન્ટ્રલ ઇન્ડસ્ટ્રિયલ સિક્યોરિટી ફોર્સનાં વિમાનથી ઊતર્યા બાદ પકડી લીધુ પરંતુ બાદમાં બંને યાત્રીઓની વચ્ચે સુલેહ થતાં આરોપીએ મહિલા પેસેન્જરની લેખિતમાં માફી માંગી. મહિલા પેસેન્જરે શરૂઆતમાં લેખિત ફરિયાદ પણ કરી હતી. જો કે પછીથી પોલીસમાં કેસ નોંધાવવાથી ઇનકાર કર્યો જેના કારણે આરોપી પુરુષ યાત્રીને ઇમિગ્રેશન અને કસ્ટમ ફોર્માલિટી પૂર્ણ કર્યાં બાદ જવા દેવામાં આવ્યો. 

26 નવેમ્બરનાં પણ બની હતી આવી ઘટના
ન્યૂયોર્કથી દિલ્હી આવી રહેલી 26 નવેમ્બરની ફ્લાઇટમાં નશામાં ધૂત એક પુરુષ પેસેન્જરે એક મહિલા પેસેન્જર ઉપર પેશાબ કરી દીધેલ હતું. આ સમગ્ર મામલા પર એયર ઇન્ડિયાનાં પ્રવક્તાએ બુધવારે પોતાના નિવેદનમાં જણાવ્યું કે એયરલાઇનનાં મામલાને ઘણી ગંભીરતાથી લેવામાં આવ્યું છે. પ્રવક્તા અનુસાર કંપનીએ આરોપી યાત્રી પર આવનારાં 30 દિવસ સુધી યાત્રા કરવા પર પણ પ્રતિબંધ લગાવી દીધેલ છે. તેમણે કહ્યું કે કંપની પાસે કોઇપણ યાત્રીની યાત્રા પર વધુમાં વધુ 30 દિવસનો પ્રતિબંધ લગાવવાનો અધિકાર હોય છે.