સિલસિલો / ગુજરાતમાં ફરી દરિયાઈ સરહદે ઝડપાયું ડ્રગ્સ, 5 કરોડ આંકવામાં આવી 1 પેકેટની કિંમત, BSFનુ સર્ચ ઓપરેશન

Kishor

Last Updated: 10:36 PM, 26 May 2023

FOLLOW ON

શેર કરો

BSF દ્વારા કચ્છના કોટેશ્વર નજીક કોરી ક્રીક ટાપુ પાસેથી 5 કરોડથી વધુની કિંમતનું ડ્રગ્સનું પેકેટ ઝડપી પાડ્યું હતું.

કચ્છ સરહદે BSFનુ સર્ચ ઓપરેશન
સર્ચ દરમિયાન મળી આવ્યુ ડ્રગ્સ પેકેટ
કોટેશ્વર નજીક કોરી ક્રીક ટાપુ પાસેથી મળી આવ્યુ પેકેટ

ગુજરાતના માથે લાગેલ સફેદ કલંકનો દાગ ભૂંસાતો જ નથી, સુરક્ષા એજન્સીઓના કામગીરીના દાવા વચ્ચે પણ છાશવારે ડ્રગ્સના જથ્થા ઝડપાઇ રહ્યા છે. ત્યારે આજે કચ્છ સરહદે BSF દ્વારા સર્ચ ઓપરેશન હાથ ધરાયું હતું. જેમાં વધુ એક વખત ડ્રગ્સનું પેકેટ મળી આવ્યું હતું.BSFની ટીમે કોટેશ્વર નજીક કોરી ક્રીક ટાપુ પાસે તપાસ હાથ ધરી હતી. જેમાં ડ્રગ્સનું પેકેટ મળી આવ્યું હતું. અંદાજે ડ્રગ્સની કિંમત 5 કરોડથી વધુ હોવાનું અનુમાન લગાવાઈ રહ્યું છે. મહત્વનું છે કે આ ડ્રગ્સ પણ દરિયામાં વહી આવેલા પેકેટ જેવું જ હોવાથી આ દિશામાં વધુ વધુ તપાસ હાથ ધરી છે.

કચ્છ સરહદે BSFનુ સર્ચ ઓપરેશન, કોટેશ્વર નજીક કોરી ક્રીક ટાપુ પાસેથી મળી આવ્યું ડ્રગ્સનું પેકેટ, અંદાજે ડ્રગ્સની કિમત 5 કરોડની આંકવામાં આવી#Kutch #VTVGujarati pic.twitter.com/BW9gMbces4
— VTV Gujarati News and Beyond (@VtvGujarati) May 26, 2023

અગાઉ 11 એપ્રિલ ના રોજ કચ્છમાંથી MD ડ્રગ્સ ઝડપાયું હતું. પૂર્વ કચ્છ SOG એ MD ડ્રગ્સ સાથે બે આરોપીઓને ઝડપી પાડ્યા હતા. ભચાઉ નજીક એક મહિલા અને એક યુવકની ધરપકડ કરાઈ હતી. પોલીસે 3.22 કિલો ગ્રામ MD ડ્રગ્સ સાથે બે આરોપીને ઝડપી પાડ્યા છે. પોલીસે 5.58 લાખનો મુદ્દામાલ જપ્ત કરી વધુ તપાસ હાથ ધરી છે. થોડા દિવસ પહેલા પણ 3.42 લાખનું MD ડ્રગ્સ ઝડપાયું હતું 30 માર્ચ 2023 નાં રોજ પણ કચ્છનાં માધાપર પાસે SOG ને મળેલ બાતમીના આધારે 34.2 ગ્રામ મેફેડ્રોન ડ્રગ્સ જેની કિંમત 3.42 લાખનાં MD ડ્રગ્સ સહિત એક મહિલાને ઝડપી પાડી હતી. ત્યારે મહિલા રેશમા ક્રિષ્ના મંડલની પૂછપરછ કરતા તે પશ્ચિમ બંગાળની રહેવાસી છે તેમજ માધાપર હાઈવે ઉપર રહે છે. ત્યારે મહિલા મુંબઈમાં બાંદ્રા ખાતેથી ખરીદી કરી ભુજ પરત આવી હતી.

સંકળાયેલા મુદ્દાઓ

BSF drugs seized kachch border ગુજરાત ડ્રગ્સ ઝડપાયુ Drugs seized Gujarat