પ્રકોપ / સાવધાન! શનિદેવની પૂજા દરમિયાન ન કરશો આટલી ભૂલ, નહીંતર પસ્તાવાનો નહીં રહે પાર

• શનિદેવ તમામ સુખ-સુવિધાઓથી પૂર્ણ કરે છે
• શનિનો પ્ર્રકોપ તમને નુકશાન પહોચાડશે 
• શનિની પૂજામાં ક્યારેય ન કરશો ભૂલ 

શનિની મહાદશા જીવનમાં એકવાર ભોગવવી જ પડે 
ન્યાય અને કર્મના દેવ શનિદેવ જો કોઈ વ્યક્તિ પ્રત્યે મહેરબાન હોય તો તે તેને તમામ સુખ-સુવિધાઓથી પૂર્ણ કરે છે. અને જો તે નારાજ થઇ જાય તો વ્યક્તિને રસ્તા પર લાવી દે છે. વ્યક્તિની પરેશાનીઓ ખતમ થવાનું નામ પણ નથી લેતી. જ્યોતિષ શાસ્ત્ર અનુસાર વ્યક્તિએ જીવનમાં એક વાર શનિની મહાદશા, ઢૈયા અને સાડાસાતીનો સામનો કરવો જ પડે છે.

શનિદેવની પૂજાથી મળશે લાભ જ લાભ 
આવામાં વ્યક્તિ શનિદેવની કુદ્રષ્ટિ અને સજાથી બચવા માટે વિધિ-વિધાન દ્વારા શનિદેવની પૂજા કરે છે. તેમને ગમતી વસ્તુઓ તેઓ અર્પણ કરે છે. જેથી શનિદેવની કૃપા રહે છે. પરંતુ ઘણી વખત તો પૂજા દરમિયાન પણ નાસમજીમાં કેટલીક એવી વસ્તુઓ કરવામાં આવે છે જેનાથી શનિદેવને પ્રસન્ન કરવાના બદલે નારાજ થઇ જાય છે. અને પછી તેમને ગુસ્સાનો શિકાર બનવું પડે છે. 

શનિદેવની પૂજા સમયે રાખો આ સાવચેતી :-
શનિદેવની આંખોમાં ન જોવું.
શનિદેવની પૂજા કરતી વખતે ખાસ ધ્યાન રાખવું કે તમે તેમની આંખોમાં જોઈને પૂજા ન કરો. આવી સ્થિતિમાં પૂજા સમયે આંખો બંધ રાખો અથવા તો તેમના ચરણો જોઈને પૂજા કરો. કહેવાય છે કે શનિદેવની આંખોમાં આંખો નાખીને તેમની પૂજા કરવાથી તેમની દ્રષ્ટિ તમારા પર પડવા લાગે છે.

પીઠ બતાવો નહિં
શનિદેવની પૂજા દરમિયાન ટટ્ટાર ઉભા ન રહો. અને જ્યારે પૂજા બાદ તમે ત્યાંથી જાવ છો તો તમે જે દિશામાં હોય તેમ જ આગળ વધો. શનિદેવને પોતાની પીઠ ન બતાવવી જોઈએ. આનાથી તેઓ ગુસ્સે થાય છે.

લોખંડના વાસણથી તેલ ચઢાવો
શનિવારના દિવસે શનિદેવની મૂર્તિ પર સરસવનું તેલ ચઢાવવામાં આવે છે. આવી સ્થિતિમાં લોકો ઘણીવાર તાંબાના વાસણોનો ઉપયોગ કરે છે. પરંતુ આ દરમિયાન લોખંડના વાસણનો ઉપયોગ કરવો જોઈએ. તાંબુ એ સૂર્યનુ કારક છે.

દિશાનું ધ્યાન રાખવું પણ જરૂરી છે
શનિદેવની પૂજા સમયે દિશાનું ધ્યાન રાખો. લોકો પૂર્વ દિશા તરફ મોઢું રાખીને પૂજા કરે છે. પરંતુ એવું માનવામાં આવે છે કે શનિદેવ પશ્ચિમના સ્વામી છે. તેથી શનિદેવની પૂજા કરતી વખતે પશ્ચિમ દિશા તરફ મુખ હોવું જોઈએ.