આયોજન / સુરતમાં બે દિવસ બાગેશ્વર ધામના બાબાનો દિવ્ય દરબાર: 4 લાખ લોકો આવશે, 5 જગ્યાએ પાર્કિંગની વ્યવસ્થા

• સુરતમાં બાગેશ્વર ધામનો દિવ્ય દરબાર યોજાશે
• નિલગીરી મેદાનમાં 26 અને 27 મેના રોજ કાર્યક્રમ 
• કાર્યક્રમ અંગે તમામ પ્રકારની વ્યસ્થા કરાઇ

ગુજરાતના અલગ અલગ શહેરમાં બાગેશ્વર ધામના ધીરેન્દ્ર શાસ્ત્રીનો દિવ્ય દરબાર યોજાવાના છે. જેને લઈ રાજકોટ, અમદાવાદ બાદ હવે સુરતમાં પણ બાબાના કાર્યક્રમને લઈ પૂર જોશમાં તૈયારીઓ ચાલી રહી છે. ધીરેન્દ્ર શાસ્ત્રીના કાર્યક્રમના આયોજનને લઈ ધારાસભ્ય સંગીતા પાટીલ તેમજ આયોજક કિરણ પટેલનું નિવેદન સામે આવ્યું છે.

ધારાસભ્ય સંગીતા પાટીલનું નિવેદન
સુરતમાં બાગેશ્વર ધામના ધીરેન્દ્ર શાસ્ત્રીનો દિવ્ય દરબાર યોજાવાનો છે,  26 અને 27 મેના રોજ બાબાના દિવ્ય દરબારલે લઈ તમામ તૈયારીઓ શરૂ કરી દેવામાં આવી છે, જે કાર્યક્રમ અંગે ધારાસભ્ય સંગીતા પાટીલનું નિવેદન સામે આવ્યું છે. તેમણે કહ્યું કે, કીર્તિદાન ગઢવી  સહિત અને કલાકારો દિવ્ય દરબારમાં આવશે તેમજ આયોજન માટે અલગ અલગ 12 સમિતિઓ બનાવાઈ છે તેમજ અનેક લોકો આયોજનમાં જોડાયા છે. સંગીતા પાટીલે વધુમાં જણાવ્યું કે, જુદા જુદા 5 સ્થળોએ પાર્કિંગની વ્યવસ્થા હશે 

આયોજક કિરણ પટેલનું નિવેદન
દિવ્ય દરબારના આયોજક કિરણ પટેલનું નિવેદન સામે આવ્યું છે તેમણે કહ્યું કે, ધીરેન્દ્ર શાસ્ત્રીના દરબારમાં 4 લાખ લોકો આવશે. તેમણે કહ્યું કે, સંપૂર્ણ કામ આયોજન સમિતિને સોંપલું છે તેમજ આ કાર્યક્રમ ભવ્ય થશે તેવી આશા પણ છે જે સુરતમાં આજ સુધી કાર્યક્રમ ન થયો હોય તેવો થશે. 

સુરતના નિલગીરી મેદાન ખાતે યોજાશે કાર્યક્રમ
26 અને 27 મેના રોજ સુરત ખાતે પણ બાબા બાગેશ્વરનો કાર્યક્રમ યોજવાનો છે. શહેરના લિંબાયતના નિલગીરી મેદાન ખાતે બાબા બાગેશ્વરનો કાર્યક્રમ યોજવાનો છે. નિલગીરી મેદાનમાં સાંજે 5થી રાતના 10 વાગ્યા સુધી ધીરેન્દ્ર શાસ્ત્રીનો દરબાર ભરાશે. આ પહેલા સુરતમાં ધીરેન્દ્ર શાસ્ત્રીના દિવ્ય દરબારનો વિરોધ થયો હતો. સુરતમાં અંધશ્રદ્ધા નિવારણ શાખાએ કાર્યક્રમનો વિરોધ કર્યો, અંધશ્રદ્ધા નિવારણ શાખાએ બાગેશ્વર ધામના ધીરેન્દ્ર શાસ્ત્રીનો કાર્યક્રમ રદ કરવાની માંગણી કરી હતી. આ માટે સુરત કલેક્ટર અને પોલીસ કમિશનરને પત્ર લખીને રજૂઆત કરવામાં આવી હતી. જેમાં કાર્યક્રમથી અંધશ્રદ્ધા ફેલાતી હોવાથી મંજૂરી ન આપવા માંગ કરી હતી.