જોખમ / શું તમે પણ ડિસ્પોઝેબલ કપમાં પીવો છો પાણી, તો ડોકટરોની આ વાત ગળે ઉતારી લેજો, નહીંતર કેન્સરનો બનશો શિકાર

• ડિસ્પોઝેબલ કપ અને ગ્લાસનો ઉપયોગ સ્વાસ્થ્ય માટે જોખમકારક
• થાઇરોઇડ તથા કેન્સરના જોખમનો દાવો
• ચા કે ગરમ પાણી ક્યારેય ડિસ્પોઝેબલ કપ ન પીવું જોઈએ

અગાઉના જમાનામાં સ્ટીલ અને કાચના ગ્લાસ અને કપનો જ તમામ ઘરોમાં ઉપયોગ થતો હતો પરંતુ હવે સમય બદલાયો છે અને હવે પ્લાસ્ટિક સહિત ડિસ્પોઝેબલ કપ અને ગ્લાસનો મોટાપાયે ઉપયોગ થવા લાગ્યો છે. ઘણી રેસ્ટોરન્ટ અને અમૂક ઘરોમાં પણ આ પ્રકારના ડિસ્પોઝેબલ ગ્લાસ, કપનો ઉપયોગ થવા લાગ્યા છે પરંતુ ડોક્ટરોનું માનવું છે કે આ પેપર કપ બનાવતી વેળાએ કેમિકલનો ઉપયોગ કરવામાં આવતો હોય છે જે સમય જતા કેન્સરના જોખમને વધારી શકે છે. ત્યારે આવો જાણીએ વિસ્તારથી!

કેન્સર ફેલાવવાનું કારણ બને છે ડિસ્પોઝેબલ ગ્લાસ

ડોક્ટરોના મત મુજબ ડિસ્પોઝેબલ કપ બનાવતી વેળાએ બીસ્ફેનોલ અને બીપીએ એવા કેમિકલનો ઉપયોગ કરવામાં આવતો હોય છે. જ્યારે આપણે આ કપમાં ગરમ પાણી અથવા ચા પીએ છીએ ત્યારે કપમાં રહેલા રસાયણો ઓગળી જવા લાગે છે અને તે ચા અથવા ગરમ પાણી મારફતે શરીરમાં પ્રવેશ કરે છે. બાદમાં પેટમાં જઇ તે કેન્સર ફેલાવવાનું કારણ બને છે. તેવું કેન્સરના ડોકટરનું માનવું છે.

ધુમ્રપાન કરતાં લોકોમાં કેન્સર ઝડપથી વિકસી રહ્યા છે
કપ બનાવતી વેળાએ કેમિકલ્સ ઉપરાંત માઈક્રોપ્લાસ્ટિકનો પણ ઉપયોગ કરવામાં આવે છે. જે માઇક્રોપ્લાસ્ટિક અને કેમિકલ સમય જતા શરીરમાં થાઈરોઈડ જેવા રોગનું નિર્માણ કરે છે તથા લાંબાગાળા સુધી તેના ઉપયોગને પરિણામે કેન્સરનું પણ જોખમ વધી જતું હોય છે. બીજી બાજુ આલ્કોહોલ તથા ધુમ્રપાન કરતાં લોકોમાં કેન્સર ઝડપથી વિકસી રહ્યા છે. ત્યારે આ રોગ શરીરના કોઈપણ ભાગમાં થઈ શકે છે અને સજાકતાના ભાગરૂપે ડિસ્પોઝેબલ કપના ઉપયોગનર તિલાંજલી આપવી જોઈએ.

તબીબ નિષ્ણાતના જણાવ્યા અનુસાર ચા પીવામાં અને ગરમ પાણી પીવામાં ક્યારેય પ્લાસ્ટિકના કપનો ઉપયોગ કરવો જોઈએ નહીં. તેના બદલે સ્ટીલનો ઉપયોગ ઉપરાંત સૌથી મહત્વના વિકલ્પ તરીકે માટીના કુલહડનો ઉપયોગ કરી શકો છો માટીના કુલહડમાં રહેલી ઘણી વસ્તુઓ હાડકા માટે ફાયદાકારક છે.