રાજકીય સંકટ / ભારત અફઘાનમાં નવાજુની કરવાની તૈયારીમાં? વિદેશમંત્રી જયશંકર અચાનક આ મુસ્લિમ દેશમાં પહોંચતા તર્કવિતર્ક

• વિદેશ મંત્રી એસ જયશંકર અચાનક પહોંચ્યા કતાર
• કતારની રાજધાની દોહામાં ઉપપ્રધાનમંત્રી શેખ મુહમ્મદ બિનને મળ્યાં
• અફઘાનિસ્તાન મામલે ચર્ચા કરી 
• મુસ્લિમ દેશો કંઈક તોડ કાઢવાની તૈયારીમાં 

અફઘાનિસ્તાનની સ્થિતિ પર ભારતની ચર્ચા વૈશ્વિક સ્તરે ચાલુ છે. વિદેશ મંત્રી એસ જયશંકર માટે અચાનક કતાર પહોંચવું ખૂબ જ મહત્વપૂર્ણ છે. અમેરિકાની બે દિવસની મુલાકાતેથી પરત ફરી રહેલા જયશંકર શુક્રવારે કતારમાં થોડા સમય માટે રોકાયા હતા અને નાયબ વડા પ્રધાન અને વિદેશ પ્રધાન શેખ મુહમ્મદ બિન અબ્દુલરહેમાન અલ થાની સાથે મુલાકાત કરી હતી.

કતારમાં અફઘાનિસ્તાનમાં હજુ પણ શાંતિ મંત્રણા અંગે વાતચીત ચાલી રહી છે 

કતારમાં અફઘાનિસ્તાનમાં હજુ પણ શાંતિ મંત્રણા અંગે વાતચીત ચાલી રહી છે. કેટલાક તાલિબાન નેતાઓ હજી પણ ત્યાં છે. અગાઉ એવી માહિતી મળી હતી કે તાલિબાન નેતાઓએ કતારમાં ભારતીય ટુકડી સાથે મુલાકાત કરી હતી.

Met Sheikh Mohammed bin Abdulrahman Al Thani @MBA_AlThani_ DPM & FM Qatar during my stop over in Doha.
Had useful exchange of views on Afghanistan pic.twitter.com/dDoWTCp4zz

— Dr. S. Jaishankar (@DrSJaishankar) August 20, 2021

વિદેશ મંત્રીએ પોતે ટ્વીટ કરીને જાણકારી આપી 

આ બેઠક અંગે કશું વિસ્તૃત કરવામાં આવ્યું નથી. વિદેશ મંત્રીએ પોતે આ માહિતી ટ્વીટ કરી હતી અને કહ્યું હતું કે અફઘાનિસ્તાન અંગેના મહત્વપૂર્ણ વિચારોનું આદાનપ્રદાન કરવામાં આવ્યું છે. બીજી તરફ શેખ અલ થાનીએ એમ પણ કહ્યું છે કે બંને દેશો વચ્ચેના ઐતિહાસિક સંબંધો તેમજ અફઘાનિસ્તાનમાં તાજેતરમાં થયેલા ફેરફારો અંગે ચર્ચા થઈ છે. અમેરિકા અને તાલિબાન વચ્ચે વાતચીતનો પ્રથમ રાઉન્ડ કતારની રાજધાની દોહામાં શરૂ થયો હતો. આનાથી અફઘાનિસ્તાનમાંથી અમેરિકન દળોને પાછા ખેંચવાનો માર્ગ મોકળો થયો.

બીજી તરફ ભારત અને અમેરિકા વચ્ચે સતત ઉચ્ચ સ્તરીય ચર્ચા ચાલી રહી છે. ગુરુવર અંગે વિદેશ પ્રધાન એસ જયશંકર અને અમેરિકાના વિદેશ મંત્રી એન્ટની બ્લિન્કોને ફરી એકવાર ચર્ચા કરી છે. છેલ્લા એક અઠવાડિયામાં બંને વચ્ચે આ બીજી વાતચીત છે. મળતી માહિતી મુજબ જયશંકર અને બ્લિન્કને અફઘાનિસ્તાન વિશે ખાસ વાતચીત કરી છે. બંને દેશો દ્વારા આ બેઠકની સત્તાવાર જાણ કરવામાં આવી નથી. બ્લિન્કોન વિદેશ પ્રધાન બન્યા પછી તેમણે જયશંકર સાથે છ વાતચીત કરી છે.