ખુશખબર / દિનેશ કાર્તિક બન્યો ટ્વિન બાળકોનો પિતા, પત્ની દીપિકા સાથે શૅર કરી તસવીર

• દિનેશ કાર્તિક બની ગયો પિતા
• જોડિયા બાળકોને આપ્યો દીપિકાએ જન્મ
• ક્રિકેટરે સોશ્યલ મિડીયા પર શૅર કરી તસીવર

ભારતીય ક્રિકેટર દિનેશ કાર્તિક ટ્વિન્સનો પિતા બન્યો છે. શનિવારે ટ્વિટ કરીને તેણે આ વાતની જાણકારી ફેન્સ સાથે શૅર કરી હતી. દિનેશે પોતાની પત્ની અને સ્ક્વોશ ખેલાડી દીપિકા તેમજ બાળકો સાથે તસવીર શૅર કરી છે.બાળકોનું નામ શું રાખ્યું તે પણ જણાવ્યું છે. 

સોશ્યલ મીડિયા પર શૅર કરી તસવીર

દિનેશે પોસ્ટમાં લખ્યું કે, ...અને અમે 3માંથી 5 થઇ ગયા છીએ. દીપિકા અને મને ખુબસુરત 2 બાળકો થયા છે. આ ખુશીની પળ છે. બાળકોનું નામ તેણે કબીર અને ઝીયાન રાખ્યું છે. 

 

And just like that 3 became 5 🤍
Dipika and I have been blessed with two beautiful baby boys 👶

Kabir Pallikal Karthik
Zian Pallikal Karthik

and we could not be happier ❤️ pic.twitter.com/Rc2XqHvPzU

— DK (@DineshKarthik) October 28, 2021

 

પિતા બન્યો દિનેશ કાર્તિક

દિનેશ કાર્તિકે હાલમાં જ IPL 2021માં કોલકાતા નાઇટ રાઇડર્સ ટીમમાંથી હિસ્સો લીધો હતો. કોલકાતા નાઇટ રાઇડર્સને ફાઇનલ સુધી પહોંચાડવામાં કાર્તિકનું મહત્વનું યોગદાન હતું. 

દિનેશ હાલ ભારતીય ટીમનો હિસ્સો નથી પરંતુ તે સતત કોમેન્ટ્રી કરતો રહે છે. ઇંગ્લેન્ડમાં પણ કાર્તિકની કોમેન્ટ્રીની પ્રશંસા થઇ હતી. તેની રંગબેરંગી શર્ટ લોકોને ખુબ પસંદ આવે છે. દીપિકાની વાત કરીએ તો તે ભારત માટે એશિયન અને કોમનવેલ્થ ગેમ્સમાં મેડલ જીતી ચૂકી છે. 

ICC વર્લ્ડ ટેસ્ટ ચેમ્પિયનશિપ (WTC) ફાઈનલ દરમિયાન કોમેન્ટ્રી કરતી વખતે દિનેશ કાર્તિક વિવાદમાં આવ્યો હતો.

દિનેશ કાર્તિકે વ્યક્ત કર્યું પોતાનું દુઃખ

ICC વર્લ્ડ ટેસ્ટ ચેમ્પિયનશિપ ફાઈનલમાં સુનીલ ગવાસ્કર સિવાય દિનેશ કાર્તિક પણ ભારતીય કોમેન્ટેટર હતો. તેણે ગૌરવ કપૂરના પોડકાસ્ટ 22 Yarnsમાં     દિનેશ સાથે થયેલા વર્તન વિશે જણાવ્યું હતું. દિનેશ કાર્તિકે જણાવ્યું કે, WTCના પ્રથમ અને બીજા દિવસે તેની કોમેન્ટ્રીની ખુબ પ્રશંસા થઈ હતી પરંતુ ત્રીજા દિવસે લોકોએ તેને અપશબ્દો કહ્યા હતા.  

મને અપશબ્દો કહ્યાં હતા

દિનેશ કાર્તિકે જણાવ્યું કે, સોશ્યલ મીડિયા પર લોકો તેના વિશે ખરાબ કોમેન્ટ્સ કરી રહ્યાં હતાં. તેણે વધુમાં જણવ્યું કે, લોકો તેને અપશબ્દો કહેવા લાગ્યા હતા.