કામની વાત / તમામ જગ્યાએ કામ નથી આવતા ડિજિલોકરમાં રાખેલા ડોક્યૂમેન્ટ્સ, આટલું જાણી લેજો નહીં તો પડશે ધરમધક્કો

• ડિજિલોકર ડોક્યુમેન્ટ રાખો છો? 
• તો ખાસ જાણી લેજો આ વાત 
• દરેક જગ્યા પર નહીં ચાલે ડિજિટલ પ્રિંટ 

ડિજિલોકરે દરેક જરૂરી ડોક્યુમેન્ટના ફિઝિકલ પેપર રાખવાની જરૂરીયાતને ખતમ કરી નાખી છે. ભારત સરકારે ડિજિલોકરની શરૂઆત 2015માં કરી હતી. તેમાં તમારે પોતાનું એકાઉન્ટ બનાવવાનું હોય છે અને ત્યાર બાદ તમે પોતાના દસ્તાવેજ તેમાં રાખી શકો છો. તેનો હેતુ પેપરલેસ કાર્યવાહીને પ્રોત્સાહન આપવાનો છે. તેના ઘણા સકારાત્મક પરિણામ પણ સામે આવ્યા છે. 

હવે તમારે ડ્રાઈવિંગ કરતી વખતે વધારે કાગળ પોતાની સાથે લઈને જવાની જરૂર નથી. તમે પોતાનું ડ્રાઈવિંગ લાયસન્સ, આરસી અને પોલ્યુશન વગેરે ડિજિલોકરમાં મુકી શકો છો. તેના ઉપરાંત આધાર કાર્ડ, પાન કાર્ડ, ઓળખ પત્ર અને અન્ય જરૂરી દસ્તાવેજ, જેની જરૂરિયાત તમને ગમે ત્યારે પડી શકે છે. તેને ડિજિલોકરમાં મુકી શકો છો. તમે તેને બતાવીને કામ પુરૂ કરી શકો છો. જોકે એક કામ એવું પણ છે જ્યા તમારા ડિજિલોકરના ડોક્યુમેન્ટ્સ કામ નહીં આવે. 

ક્યાં કામ નહીં કરે ડિજિલોકર? 
જો તમને આધાર કાર્ડ અપડેટ કરવું છે અથવા તો નવુ આધાર કાર્ડ બનાવવું છે તો તમારે આધાર સેવા કેન્દ્ર તો જવું જ પડશે. સાથે જ ફિઝિકલ ડોક્યુમેન્ટ પણ ત્યાં લઈને જવું પડશે. તમે ડિજિલોકમાં મુકેલા ડોક્યુમેન્ટના આધાર પર પોતાનું આધાર કાર્ડ ન બનાવી શકો. 

કેમ નથી થતો ઉપયોગ? 
આધાર સેવા કેન્દ્ર પર ગ્રાહક સેવા અધિકારી ફિઝિકલ દસ્તાવેજ લાવવાનો આગ્રહ રાખે છે. કારણ કે આધાર કેન્દ્ર પર તે ડોક્યુમેન્ટ્સને ફિઝિકલ સ્કેન કરીને જ બધી જાણકારી ફીડ કરવામાં આવે છે. ત્યાર બાદ આધાર પાછુ આપી દેવામાં આવે છે.