DIWALI 2023 / ધનતેરસના સૌથી શુભ મુહૂર્ત: સોનું કે ચાંદી ખરીદવા માટે આ સમય છે સૌથી બેસ્ટ, લક્ષ્મીજીના મળશે આશીર્વા

• આ વર્ષે 10 નવેમ્બરના રોજ ધનતેરસ
• ધનતેરસના દિવસે આ વસ્તુઓની કરો ખરીદી
• લક્ષ્મી માતાની રહેશે વિશેષ કૃપા

આ વર્ષે 10 નવેમ્બરના રોજ ધનતેરસ છે. આ દિવસે સોના ચાંદી સહિત અનેક ખાસ વસ્તુઓની ખરીદી કરવી તે શુભ માનવામાં આવે છે. આસો માસની કૃષ્ણ પક્ષની તેરસને ધનતેરસના દિવસે ધનવંતરી, કુબેરજી અને લક્ષ્મી માતાની પૂજા કરવામાં આવે છે. માનવામાં આવે છે કે, ધનતેરસના શુભ મુહૂર્તમાં આ વસ્તુઓની ખરીદી કરવામાં આવે તો આખા વર્ષ દરમિયાન તેમની વિશેષ કૃપા રહે છે. 

ધનતેરસના દિવસે ખરીદી કરવાનું શુભ મુહૂર્ત 
10 નવેમ્બર 2023ના રોજ બપોરે 12:35 વાગ્યાથી 11 નવેમ્બરના રોજ બપોરે 01:57 વાગ્યા સુધી

ધનતેરસના દિવસે શું ખરીદવું?

• 10 નવેમ્બરના દિવસે શુભ મુહૂર્ત દરમિયાન સોના ચાંદીની ખરીદી કરવાથી આખા વર્ષ દરમિયાન લક્ષ્મી માતાની વિશેષ કૃપા રહે છે. 
• ધનતેરસના દિવસે શુભ મુહૂર્તમાં વાસણ, કુબેર યંત્ર, પિત્તળના હાથી પણ ઘરે લાવી શકાય છે. 
• ધનતેરસના દિવસે શુભ મુહૂર્તમાં સાવરણી ખરીદવી તે પણ શુભ માનવામાં આવે છે અને લક્ષ્મી માતાની વિશેષ કૃપા રહે છે. 

ધનતેરસના દિવસે શું ના ખરીદવું?
ધનતેરસના દિવસે કેટલીક વસ્તુઓની ખરીદી કરવાથી ગંભીર પરિણામ ભોગવવું પડી શકે છે. માન્યતા અનુસાર ધનતેરસના દિવસે લોખંડ અને કાચની વસ્તુ ના ખરીદવી જોઈએ.