તમારા કામનું / ભૂલતા નહીં! ફટાફટ જમા કરી આવો 2000ની નોટ, આવતીકાલે છે અંતિમ ડેડલાઇન, હવે ચૂક્યાં તો...

• 2000ની નોટને બંધ થવાને હવે બસ બે દિવસનો સમય બચ્યો 
• 7 ઓક્ટોબર પછી આ 2000ની નોટ નહીં ચાલે 
• 30 સપ્ટેમ્બર બાદ સમયમર્યાદા વધારામાં આવી હતી 
• 7 ઓક્ટોબર પછી પણ 2000 રૂપિયાની પડી હશે તો તેનું શું થશે?

2000ની નોટને બંધ થવાને હવે બસ બે દિવસનો સમય બચ્યો છે. એટલે કે 7 ઓક્ટોબર પછી આ નોટ નહીં ચાલે. એવામાં જો તમારી પાસે હજુ પણ 2000ની નોટ હોય તો તેને ફટાફટ બદલી લો નહીં તો તે નકામી બની જશે. 

30 સપ્ટેમ્બર બાદ સમયમર્યાદા વધારામાં આવી હતી 
જો તમે બે દિવસની અંદર 2000ની નોટને જમા કરાવવામાં અથવા એક્સચેન્જ કરવામાં નિષ્ફળ રહેશો, તો તમારે મુશ્કેલીનો સામનો કરવો પડી શકે છે. રિઝર્વ બેંક ઓફ ઈન્ડિયા (RBI) એ 19 મેના રોજ આ નોટોને ચલણમાંથી હટાવવાની જાહેરાત કરી હતી અને 30 સપ્ટેમ્બર, 2023 સુધી એક્સ્ચેન્જ કરવાની સુવિધા આપી હતી. જો કે, સમયમર્યાદા પૂરી થઈ ત્યાં સુધીમાં આ છેલ્લી તારીખ લંબાવીને RBI એ 2000 રૂપિયાની નોટ જમા કરાવવા અથવા તેને અન્ય નોટો સાથે બદલવાની તારીખ 7 ઓક્ટોબર કરી હતી. 

7 ઓક્ટોબર પછી પણ 2000 રૂપિયાની પડી હશે તો તેનું શું થશે?
આ અંગે આરબીઆઈએ કહ્યું છે કે 7 ઓક્ટોબર પછી પણ 2000 રૂપિયાની બેંક નોટ લીગલ ટેન્ડર રહેશે. જો કે આ તારીખ પછી, લોકો બેંકમાં 2000 રૂપિયાની નોટ જમા કરી શકતા નથી અને ન તો તેઓ બેંકમાંથી બદલી કરાવી શકે છે. લોકો માત્ર RBIમાં જઈને 2000 રૂપિયાની નોટ બદલી શકે છે. એટલે કે જો કોઈ વ્યક્તિ 7 ઓક્ટોબર પછી  રૂ. 2000ની નોટો બદલાવવા જાય છે તો તેને આરબીઆઈને સ્પષ્ટપણે સમજાવવું પડશે કે તે નિર્ધારિત તારીખ સુધીમાં બદલાયેલી રૂ. 2000ની નોટ કેમ જમા કરવી નહીં. 

RBI નોટ બદલવાની સમયમર્યાદા લંબાવી શકે છે.. 
એક રિપોર્ટ અનુસાર, RBI રૂ. 2000ની નોટ બદલવાની સમયમર્યાદા 31 ઓક્ટોબર સુધી લંબાવી શકે છે. એક વરિષ્ઠ અધિકારીએ માહિતી આપી છે કે RBI 24000 કરોડ રૂપિયાની બાકીની 2000ની નોટોને બેંકિંગ સિસ્ટમમાં પાછી બોલાવવાની સમયમર્યાદા લંબાવવા પર વિચાર કરી રહી છે. જો કે આ મામલે હજુ સુધી આરબીઆઈ તરફથી કોઈ નક્કર માહિતી આવી નથી. સમયમર્યાદા લંબાવવા પાછળ ઘણા કારણો છે પણ મુખ્ય કારણ એ છે કે ઘણા ભારતીયો વિદેશમાં રહે છે. આવી સ્થિતિમાં આ NRIને આ નોટો બેંકોમાં જમા કરાવવા માટે વધુ એક મહિનાનો સમય મળી શકે છે. 

RBI એ મે મહિનામાં નોટો પાછી ખેંચવાની જાહેરાત કરી હતી 
નોંધનીય છે કે મે મહિનામાં ભારતીય રિઝર્વ બેંક (RBI) એ જાહેરાત કરી હતી કે તે 2000 રૂપિયાની નોટો પાછી ખેંચી લેશે. 2016માં નોટબંધી બાદ RBI દ્વારા 2000 રૂપિયાની નોટો જારી કરવામાં આવી હતી, પરંતુ મે 2023માં RBIએ આ 2000 રૂપિયાની નોટો પણ પાછી ખેંચવાની જાહેરાત કરી છે. આ પછી લોકોને આ નોટો બેંકમાં જમા કરાવવા અથવા બદલી કરાવવા માટે કહેવામાં આવ્યું હતું. આ સાથે આરબીઆઈએ તારીખ નક્કી કરતાં કહ્યું હતું કે લોકો 30 સપ્ટેમ્બર, 2023 સુધી તેમના બેંક ખાતામાં 2000 રૂપિયાની નોટો જમા કરાવી શકે છે જે બાદ ફરી 7 ઓક્ટોબર સુધી સમયમર્યાદા વધારવામાં આવી હતી. 

નોંધનીય છે કે નવેમ્બર 2016માં નોટબંધી બાદ 2 રૂપિયાની નોટ રજૂ કરવામાં આવી હતી. જે સમયે 2000 રૂપિયાની નોટ ચલણમાં આવી હતી. ત્યારે આરબીઆઈએ કહ્યું હતું કે 500 અને 1000 રૂપિયાની નોટોના કાનૂની ટેન્ડરને સમાપ્ત કર્યા બાદ તેણે ચલણની જરૂરિયાતને પહોંચી વળવા માટે 2000 રૂપિયાની નોટ બહાર પાડી હતી.