દિલ્હી સર્વિસ બિલ / રાજ્યસભામાં સાંસદોની ખોટી સહી કરાઇ: AAP અને રાઘવ ચઢ્ઢા પર ગંભીર આરોપ, ગૃહમંત્રી શાહે પણ ઉઠાવ્યા સવાલ

• સોમવારે રાજ્યસભામાં દિલ્હી સર્વિસ બિલ પર હોબાળો થયો હતો
• રાઘવ ચઢ્ઢાએ બિલને સિલેક્ટ કમિટીને મોકલવાનો પ્રસ્તાવ મૂક્યો હતો 
• પ્રસ્તાવમાં અન્ય સાંસદોના નામ પણ સામેલ હતા

Delhi Services Bill: રાજ્યસભામાં સોમવારે આખો દિવસ દિલ્હી સર્વિસ બિલ પર હોબાળો થયો હતો. ગુરુવારે લોકસભામાં પસાર થયા બાદ આ બિલ સોમવારે રાજ્યસભામાં રજૂ કરવામાં આવ્યું હતું જેને રાજ્યસભામાં મતદાન બાદ મંજૂર કરવામાં આવ્યો હતો. આ બિલની તરફેણમાં 131 વોટ પડ્યા જ્યારે વિરુદ્ધમાં 102 વોટ પડ્યા. આ બિલ દિલ્હીમાં ગ્રુપ-A અધિકારીઓના ટ્રાન્સફર અને પોસ્ટિંગ માટે એક ઓથોરિટીની રચના માટે લાગુ વટહુકમનું સ્થાન લેશે.

#WATCH | Two members (BJD MP Sasmit Patra and BJP MP Dr Sudhanshu Trivedi) are saying that they have not signed the motion (to be part of select committee) moved by AAP MP Raghav Chadha. Now it is a matter of investigation how the motion was signed: Union Home Minister Amit Shah… pic.twitter.com/ufYLEZREkf

— ANI (@ANI) August 7, 2023

રાજ્યસભામાં સાંસદોની ખોટી સહી કરાઇ?
હવે વાત એમ છે કે રાજ્યસભાની કાર્યવાહી દરમિયાન જ્યારે દિલ્હીના અધિકારીઓની ટ્રાન્સફર પોસ્ટિંગ માટેનું બિલ પસાર થઈ રહ્યું હતું એ સમયે રાઘવ ચઢ્ઢા દ્વારા આ બિલને સિલેક્ટ કમિટીને મોકલવાનો પ્રસ્તાવ મૂકવામાં આવ્યો હતો. પણ હવે આ કેસમાં ફ્રોડ એટકે કે ફર્ઝીવાડાનો એક એંગલ સામે આવ્યો છે. આ સાથે જ જો રાજ્યસભા અધ્યક્ષની તપાસમાં આ આરોપ સાચા સાબિત થશે તો રાઘવ ચઢ્ઢા સામે એફઆઈઆર દાખલ થઈ શકે છે.

મળતી માહિતી અનુસાર રાઘવ ચઢ્ઢાના દિલ્હી અધિકારીઓની ટ્રાન્સફર પોસ્ટિંગ માટેનું બિલ સિલેક્ટ કમિટીને મોકલવાના પ્રસ્તાવમાં અન્ય સાંસદોના નામ પણ સામેલ હતા.આ સાથે જ જો આ સાંસદોની સહી પણ બનાવટી હોવાનું જાણવા મળે છે તો તમામ સાંસદો બનાવટી કેસમાં રાઘવ ચઢ્ઢા સામે એફઆઈઆર નોંધવા માટે સ્પીકરને ફરિયાદ કરશે.

હવે જાણો શું છે સમગ્ર મામલો? 
જ્યારે રાજ્યસભામાં દિલ્હી સર્વિસ બિલ પર ચર્ચા પૂર્ણ થઈ હતી. એ બાદ AAP સાંસદ રાઘવ ચઢ્ઢાએ બિલને સિલેક્ટ કમિટીને મોકલવાનો પ્રસ્તાવ મૂક્યો હતો. તેમાં સમિતિના સભ્યોના નામ પણ હતા.આ મામલે વાંધો ઉઠાવતા ગૃહમંત્રી અમિત શાહે કહ્યું કે બે સભ્યોએ કહ્યું કે તેમની સંમતિ વિના તેમના નામ પ્રસ્તાવમાં સામેલ કરવામાં આવ્યા છે. દરખાસ્ત પર તે સભ્યોની સહીઓ પણ નથી.

#WATCH | At the time when resolutions were being moved in the House (during the discussion on the Delhi Services bill), I heard that my name was mentioned in a resolution that was moved by Raghav Chadha. Without taking my prior consent my name can't be put in the resolution. I… pic.twitter.com/6ne2RsQPiM

— ANI (@ANI) August 7, 2023

અમિત શાહે કહ્યું કે આ તપાસનો વિષય છે. હવે વાત માત્ર દિલ્હીમાં છેતરપિંડીની નથી પણ ગૃહની અંદર છેતરપિંડીનો છે. આ વિશેષાધિકારનો ભંગ છે. આ બાબત વિશેષાધિકાર સમિતિને મોકલવી જોઈએ.

#WATCH | BJP MP Narhari Amin alleging that his name included in proposed select committee on Delhi Services Bill

"Raghav Chadha included my name in Select Committee. He did not talk to me, I did not give consent for this. He has done wrong. I have not given my signature..." pic.twitter.com/zoVSy3d8kh

— ANI (@ANI) August 7, 2023

રાજ્યસભા સચિવાલયે તપાસના આદેશ આપ્યા છે
હાલમાં રાજ્યસભા સચિવાલયે આ મામલે તપાસના આદેશ આપ્યા છે. સાથે જ ચઢ્ઢાએ દરખાસ્તની એક નકલ રાજ્યસભા સચિવાલયને સિલેક્ટ કમિટીને મોકલવા માટે સોંપી હતી. તેની તપાસ કર્યા બાદ એ જાણી શકાશે કે સાંસદોએ આ પ્રસ્તાવ પર હસ્તાક્ષર કર્યા છે કે નહીં. જો સહીઓ બનાવટી હોવાનું જાણવા મળે છે, તો આ તમામ સાંસદો સુધાંશુ ત્રિવેદી, નરહરી અમીન, સસ્મિત પાત્રા, પી કોન્યેક અને થમ્બી દુરાઈ પાસેથી વિશેષાધિકારના ભંગ સિવાય એફઆઈઆર દાખલ કરવા માટે પરવાનગી માંગવામાં આવશે.