Kisan Andolan / હવે ખેડૂતોના લંગરે દિલ્હીના ભોજનાલયોમાં વધારી ચિંતા, ગુજરાન કરવું પણ બન્યું મુશ્કેલ

• સિંધુ બોર્ડર પર વધી મુશ્કેલી
• ખેડૂતો માટે લંગરના ઢાબાનું છીનવાયું ચૈન
• દિલ્હીના ભોજનાલયોમાં વધી ચિંતા

દિલ્હીની સિંધુ બોર્ડર પર કૃષિ કાયદાની વિરુદ્ધમાં બેઠેલા ખેડૂતો ફક્ત કેન્દ્ર સરકારને માટે નહીં પણ દિલ્હીના ભોજનાલયો માટે પણ ચિંતાનો વિષય બની રહ્યા છે. પંજાબના ખેડૂતોની સેવામાં જે લંગર શરૂ કરાયા હતા તેમાં ખેડૂતો જ નહીં પણ આસપાસના લોકો પણ ભોજન કરવા પહોંચે છે. તેનાથી સ્થાનીક ભોજનાલયો અને ઢાબા પર કોઈ ખાવાનું ખાવા આવતું નથી. જેને ભૂખ લાગે છે તે ભોજનાલયોને બદલે ખેડૂતોના લંગરમાં જઈને ખાઈ આવે છે. જેથી મોટા ભાગની રેસ્ટોરન્ટ, ઢાબાને નુકસાન થઈ રહ્યું છે અને તેઓ કંગાળ થઈ રહ્યા છે. 
 

ભોજનાલયોની આર્થિક સ્થિતિ થઈ ખરાબ

અહીં લગભગ 2 મહિનાથા રાજમાર્ગ પ્રદર્શનકારીઓથી ભરેલો છે. 24 કલાકની લંગર સેવા ચાલી રહી છે અને ઉધ્યોગ બંધ થવાના કારણે લોકો અને વાહનોની અવર જવર પણ ઘટી છે. આ સિવાય દિલ્હી  હરિયાણા રાષ્ટ્રીય રાજમાર્ગ પરના ભોજનાલયોની આર્થિક સ્થિતિ ખરાબ થઈ રહી છે. સિંધુ બોર્ડર પર સડકના કિનારાની રાજપૂતાના રેસ્ટોરન્ટના માલિકને લાગ્યું કે કોરોનાથી લોકો બહાર આવી ચૂક્યા છે અને હવે કૃષિ કાયદાના વિરોધમાં આંદોલન શરૂ થયા બાદ લંગર સેવા શરૂ થઈ. આ પછી તેઓ આર્થિક સંકટનો વધારે માર સહન કરી રહ્યા છે.  
 

હોટલના માલિકે કહ્યું...
રાજપૂતાના હોટલના માલિકે કહ્યું કે અહીં લોકો ભોજન કરવા શા માટે આવે, તેમને લંગરમાં ફ્રીમાં ખાવાનું મળી રહ્યું છે. કેવો ધંધો છે, કોઈ આવતું નથી. દુકાન માટે 35000 રૂપિયાનું ભાડુ ભરું છું અને 8 લોકો કામ કરે છે. આવક વિના આ લોકોના પગાર અને ભાડું કી રીતે ચૂકવવું. આ સ્થિતિ રહેશે તો દુકાન બંધ કરવા સિવાય કોઈ વિકલ્પ નથી.

ભોજનાલય બંધ કરવાને લઈને કહ્યું આવું
એક રેસ્ટોરાંના એક રસોઈયાએ કહ્યું કે  હોટલના માલિકે કહ્યું છે કે તે આવતા મહિને હોટલ બંધ કરશે. તેમનું વેતન 17000થી 14000 કરી દેવાયું છે. હવે તેઓ પોતે પણ નવી નોકરીની શોધમાં છે. 
 
કૃષિ કાયદાના વિરોધમાં બેઠા છે ખેડૂતો
હજારો ખેડૂતો 26 નવેમ્બરથી રાજધાનીની અલગ અલગ સીમાઓ પર પ્રદર્શન કરી રહ્યા છો. મોટાભાગના ખેડૂતો પંજાબ અને હરિયાણાના છે. ખેડૂતોની માંગ છે કે તેઓ 3 કૃષિ કાયદાને ખતમ કરે. અહીં ખેડૂતોના સમર્થનમાં તેઓએ પોતાના લંગર લગાવ્યા છે. આ સાથે ભોજનની તમામ વ્યવસ્થા કરી દેવામાં આવી છે. કોઈને ભોજન કરવાથી રોકવામાં આવતા નથી. આ કારણે દિલ્હીની આસપાસના લોકો પણ લંગરમાં જ ભોજન કરી લે છે. આ કારણ છે કે અનેક ભોજનાલયો ખાલી પડ્યા છે અને તેમને આર્થિક મંદીનો માર સહન કરવો પડી રહ્યો છે.