વિવાદ / કોરોના સંકટમાં કેજરીવાલના આ સૌથી મોટા નિર્ણયને બીજા દિવસે જ ઉપરાજ્યપાલે પલટી દીધો

• દિલ્હીમાં હવે દરેક નાગરિકોની સારવાર થશે 
• કેજરીવાલે કહ્યું હતું કે બહારના દર્દીઓને સંખ્યા વધારે છે 
• દિલ્હીમાં માત્ર દિલ્હીવાસીઓના સારવારનો નિર્ણય પલટાયો 

દિલ્હીમાં રહેતા બહારનાં નાગરિકોને રાહત

દિલ્હીનાં ઉપરાજ્યપાલે અરવિંદ કેજરીવાલના તે નિર્ણયને રદ કરી નાખ્યો જેમાં નક્કી કરવામાં આવ્યું હતું કે દિલ્હીના સરકારી હોસ્પિટલમાં માત્ર દિલ્હીનાં જ નાગરિકોને કોરોના વાયરસની સારવાર આપવામાં આવશે. ઉપરાજ્યપાલે ડીડીએમ ચેરપર્સનના સત્તાની રુએ સંબંધિત વિભાગોને આદેશ આપ્યા છે કે બહારનાં રાજયનાં કોઈ પણ વ્યક્તિને કોરોનાની સારવાર આપવામાં આવે. આ નિર્ણય બાદ દિલ્હીમાં રહેતા બહારનાં નાગરિકોને રાહત મળશે જે કોરોના વાયરસની સારવાર લેવા માંગે છે.  

દિલ્હીમાં CM કેજરીવાલે લીધો હતો નિર્ણય 

નોંધનીય છે કે દિલ્હીમાં કોરોના વાયરસનાં વધતાં કેસને જોતા દિલ્હીમાં કેબિનેટ બેઠક યોજવામાં આઈ જે બાદ દિલ્હીનાં CM અરવિંદ કેજરીવાલે સૌથી મોટો નિર્ણય લઇને જાહેરાત કરી હતી કે દિલ્હીમાં હોસ્પિટલમાં માત્ર દિલ્હીવાસીઓને સારવાર આપવામાં આવશે. જોકે દિલ્હીમાં સ્થિત કેન્દ્ર સરકારની હોસ્પિટલમાં બધા જ લોકોને સારવાર આપવામાં આવે. કેજરીવાલે કહ્યું કે જૂનના અંત સુધી કોરોના વાયરસનાં 15 હજારથી વધારે બેડની જરૂર પડશે. જે બાદ એક્સપર્ટના અહેવાલ બાદ સરકારે નિર્ણય લીધો છે કે દિલ્હીની હોસ્પિટલમાં દિલ્હીનાં લોકોની જ સારવાર કરવામાં આવશે. 

પ્રેસવાર્તા દરમિયાન અરવિંદ કેજરીવાલે કહ્યું કે દિલ્હીમાં બધી જ હોસ્પિટલ બધા લોકો માટે ખુલી હતી એવામાં હોસ્પિટલમાં 60થી 70% દર્દીઓ બહારના હતા પરંતુ કોરોનાના કેસ જે દરે વધી રહ્યા છે તેને જોતા જો કોરોના હોસ્પિટલ પણ બધા લોકો માટે ખોલી દઈશું તો દિલ્હીના નાગરિકોનું શું થશે ?