- માતા-પિતાનાં શવની વચ્ચે મળી આવ્યો જીવિત બાળક
- 3 દિવસ પહેલાં બંધ બારણે દંપતીએ કર્યું હતું સ્યુસાઈડ
- ઘરમાંથી દુર્ગંધ આવતાં પોલીસને મળી માહિતી
ઉત્તરાખંડનાં દેહરાદૂનમાં ચાર દિવસનો બાળક પોતાના માતા-પિતાની લાશની વચ્ચે જીવિત મળી આવ્યો. ઘરમાં દંપતીએ ત્રણ દિવસ પહેલાં સ્યુસાઈડ કરી લીધું હતું. તેમનાં શવ પણ સડી ગયાં હતાં. આ મામલો ત્યારે સામે આવ્યો જ્યારે ઘરમાંથી દુર્ગંધ આવવા લાગી. હાલમાં પોલીસે આ શવને પોસ્ટમોર્ટમ માટે મોકલી દીધાં છે અને બાળકને હોસ્પિટલમાં દાખલ કરવામાં આવ્યો છે. રિપોર્ટ અનુસાર યુવકે કેટલીક રકમ ઉધાર લીધી હતી જે એ ચૂકવવામાં નિષ્ફળ રહ્યો હતો. સંભવત: આ જ કારણે યુવકે પોતાની બીજી પત્નીની સાથે સ્યુસાઈડ કરી લીધું.
મકાન ત્રણ દિવસથી હતું બંધ
માહિતી અનુસાર 13 જૂનનાં રોજ પોલીસને સૂચના મળી કે ટર્નર રોડ પર આવેલ એક મકાનમાંથી દુર્ગંધ આવી રહી છે અને શક્ય છે કે તેની અંદર શવ હોય. પોલીસ તાત્કાલિક આ મકાનમાં પહોંચી હતી. જ્યાં તેમણે જોયું કે એક રૂમનો દરવાજો બહારથી લોક હતો અને અન્ય રૂમનો દરવાજો અંદરથી લોક હતો. આ બાદ પોલીસે જાળી કાપીને અંદરનો દરવાજો ખોલ્યો. પોલીસે જોયું કે રૂમમાં એક મહિલા અને એક પુરુષનું શવ સડી રહ્યું હતું. માહિતી અનુસાર રૂમમાં જામેલું લોહી પણ જોવા મળ્યું હતું.
4 દિવસનો બાળક મળ્યો જીવિત
તપાસ બાદ પોલીસને એક 4-5 દિવસનો બાળક પણ ઘરમાંથી મળી આવ્યો. નવાઈની વાત તો એ છે કે ત્રણ દિવસ ઘરમાં બંધ રહેવા છતાં આ બાળક જીવિત હતો. પોલીસે આ બાળકને તાત્કાલિક હોસ્પિટલ પહોંચાડ્યો.
પહેલી પત્નીથી યુવકને 5 વર્ષની પુત્રી છે
પોલીસે કહ્યું કે દંપતીનાં શવ પર કોઈ ઈજાનાં નિશાન જોવા મળ્યાં નથી. આ લોહી તેમના મોઢામાંથી નિકળી રહ્યું હતું. પોલીસ અનુસાર આ દંપતીએ એક વર્ષ પહેલાં લગ્ન કર્યાં હતાં. રિપોર્ટ અનુસાર મૃતક યુવકનું નામ મોહતશિમ છે જે 25 વર્ષનો હતો. તે સહારનપુર જિલ્લાનાં નાગલ વિસ્તારનો રહેવાસી હતો. મૃતક મહિલા તેની બીજી પત્ની હતી. મૃતકનાં પરિવારે જણાવ્યું કે કાશિફે 2 લગ્ન કર્યાં હતાં. પહેલી પત્નીથી તેને 5 વર્ષની પુત્રી છે. તેણે અનમ નામક મહિલા સાથે એકવર્ષ પહેલા જ લગ્ન કર્યાં હતા.
5 લાખ રૂપિયા ઉધાર હતાં
આ મામલામાં પહેલી પત્ની નુસરતનું કહેવું છે કે તે 2-3 દિવસથી તેનો ફોન નહોતાં ઉપાડી રહ્યાં. મૃતક યુવક સાથે તેની છેલ્લે 10 જૂનનાં વાત થઈ હતી. યુવકે નુસરતને જણાવ્યું કે તે કાલે ગામ આવશે કારણકે કોઈકને 5 લાખ રૂપિયા પાછા આપવાનાં છે. હું અહીં આવી તો જોયું કે દરવાજો બંધ હતો. મેં આ વાત પોતાના સાસુ-સસરાને જણાવી. પોલીસે કહ્યું કે પ્રાથમિક તપાસ બાદ આ આત્મહત્યાનો કેસ જણાઈ રહ્યો છે.
