ન્યાય / કોર્ટનો ઐતિહાસિક ચુકાદો: દાહોદમાં અઢી વર્ષની બાળકી સાથે દુષ્કર્મ બાદ હત્યા કેસમાં નરાધમને ફાંસીની સજા

દાહોદમાં દુષ્કર્મ-હત્યા કેસમાં લીમખેડાની કોર્ટનો ઐતિહાસિક ચુકાદો
આરોપી કાકાને લીમખેડાની કોર્ટે ફટકારી આજીવન કેદની સજા
હવસખોર કાકો બાળકીને વેફર આપવાના બહાને લઇ ગયો હતો

દાહોદ (Dahod)માં અઢી વર્ષની બાળકી સાથે દુષ્કર્મ બાદ હત્યા કેસમાં આરોપી કાકાને લીમખેડાની એડિશનલ ડિસ્ટ્રિક્ટ એન્ડ સેશન્સ કોર્ટે ફાંસીની સજા ફટકારી છે. કોર્ટે આરોપીને ફાંસીની સજા ફટકારતા દાખલારૂપ કાર્યવાહી હાથ ધરી છે.

વર્ષ 2018માં રણધીકપુર પોલીસ મથકમાં આ મામલે ફરિયાદ નોંધાઈ હતી

તમને જણાવી દઈએ કે, વર્ષ 2018માં રણધીકપુર પોલીસ મથકમાં આ મામલે ફરિયાદ નોંધાઈ હતી. જેમાં અઢી વર્ષની ભત્રીજીનું ખુદ તેના કાકાએ જ અપહરણ કરી સુમસામ જગ્યાએ લઈ જઈને તેની પર દુષ્કર્મ આચર્યું હતું અને ત્યાર બાદ તેની હત્યા કરી નાખી હતી. ત્યારે હવે આ કેસમાં લીમખેડાની કોર્ટે કલમ 376 હેઠળ 10 વર્ષની સજા અને 302 તેમજ પોક્સો એક્ટની કલમ હેઠળ આરોપી કાકાને ફાંસીની સજા ફટકારી છે. જીલ્લા કાનુની સેવા સત્તા મંડળને દીકરીના માતા પિતાને 5 લાખ રૂપિયાની સહાય ચુકવવાનો પણ હુકમ કરવામાં આવ્યો છે.

બાળકીને વેફર આપવાના બહાને હવસખોર કાકો તેને સૂમસામ જગ્યાએ લઈ ગયો

તમને જણાવી દઇએ કે, 16 સપ્ટેમ્બર, 2018ના રોજ સવારમાં બાળકી તેના દાદા પાસે રમી રહી હતી ત્યારે વેફર અપાવવાના બહાને તેના કાકા તેને ત્યાંથી લઈ ગયા. બાદમાં તેને સૂમસામ જગ્યાએ લઈ જઈને તેની પર દુષ્કર્મ આચર્યું હતું અને ત્યાર બાદ તેની કરપીણ હત્યા કરી નાખી હતી. આરોપી કાકો બાળકીની લાશને ઝાડી જાખરામાં ફેંકી ત્યાંથી ફરાર થઈ ગયો હતો. જેથી આ મામલે રણધીકપુર પોલીસ મથકમાં ફરિયાદ નોંધાઈ હતી. જેમાં પોલીસને ઝાડીઓમાંથી બાળકીની લાશ મળી આવી હતી. આથી પોલીસે આરોપીની ધરપકડ કરી તેની સામે દુષ્કર્મ અને પોક્સો અને હત્યા સહિતના કલમો લગાવી કોર્ટમાં ચાર્જશીટ દાખલ કરી હતી. જેમાં આરોપી દોષિત જાહેર થતા કોર્ટે તેને ફાંસીની સજા ફટકારી છે. કોર્ટે આરોપીને 376ની કલમમાં 10 વર્ષની સજા અને 302 સહિત પોક્સો હેઠળ આરોપીને ફાંસીની સજાનો હુકમ કર્યો છે.