વડોદરા / દબંગ ધારાસભ્ય મધુ શ્રીવાસ્તવે ફરી પોતાના તેવર બતાવ્યા, અધિકારીઓને કહ્યું- ...નહી તો ચૌદમું રતન બતાવીશ

• ધારાસભ્ય મધુ શ્રીવાસ્તવે આપ્યું વિવાદિત નિવેદન
• અધિકારીઓને ચૌદમું રતન બતાવવાની ફરીવાર આપી ચીમકી
• ટકાવારી લેતા અધિકારીઓને મધુ શ્રીવાસ્તવે આપી ચીમકી

વડોદરા જિલ્લાના વાઘોડિયાના ધારાસભ્ય મધુ શ્રીવાસ્તવ પોતાના વાણી-વર્તનને કારણે હંમેશા ચર્ચામાં રહેતા હોય છે. તેવામાં MGVCL દ્વારા યોજાયેલા એક કાર્યક્રમમાં મધુ શ્રીવાસ્તવે વધુ એક વિવાદિત નિવેદન આપતા ચર્ચામાં આવ્યા છે. તેમણે કટલીબાજ અધિકારીઓને ચૌદમું રતન બતાવવાની ધમકી આપી હતી વધુમાં બરોડા ડેરીના વિવાદ મામલે પણ તેમણે નિવેદન આપી હલ્લાબૉલની ચીમકી ઉચ્ચારી હતી.

અધિકારીઓને ચૌદમું રતન બતાવવાની મધુ શ્રીવાસ્તવે ફરી વાર આપી ચીમકી
MGVCL ના કાર્યક્રમમાં નિવેદન આપતા મધુ શ્રીવાસ્તવે જણાવ્યું હતું કે, જે જાડી ચામડીના અધિકારીઑસી છે તેને જિંદગીભર છોડવામાં નહીં આવે.આવા અધિકારીઓને ચૌદમું રતન બતાવવાની ધમકી આપી હતી.  પરતું અડધી રાતે વરસાદમાં લાઇટ જાય ત્યારે વરસતા વરસાદમાં પણ જે અધિકારીઑ જીવના જોખમે કામ કરે છે તે અધિકારીઑ ધન્યવાદને પાત્ર છે. તેમ મધુ શ્રીવાસ્તવે ઉમેર્યું હતું અને ટકાવારી લેતા અધિકારીઓને શાનમાં સમજી જવા ચીમકી ઉચ્ચારી હતી.

પશુપાલકોને ન્યાય નહીં મળે તો કરીશું આંદોલન : મધુ શ્રીવાસ્તવ
આ ઉપરાંત બરોડા ડેરીના વિવાદ મામલે ધારાસભ્ય મધુ શ્રીવાસ્તવે જણાવ્યું હતું કે, બરોડા ડેરી મામલે અમારી લડત ચાલુ જ છે. ડેરીએ પશુપલકો પાસેથી ખરીદતા દૂધના ફેટના ભાવમાં વધારો કરવો જ જોશે.જો  પશુપાલકોને ન્યાય નહીં મળે તો ડેરીમાં જઈને હલ્લાબોલ કરીશું અને ફેટના ભાવમાં વધારો નહીં થાય તો મધુ શ્રીવાસ્તવ ઉગ્ર આંદોલન કરશે તે અંગેની પણ તમણે ચીમકી ઉચ્ચારી હતી.