બ્રેકિંગ ન્યુઝ
લોકસભા ચૂંટણી: કેન્દ્રીય ગૃહમંત્રી અમિત શાહની ગોધરામાં વિજય સંકલ્પ સભા, જનસભામાં મોટી સંખ્યામાં લોકો ઉમટી પડ્યા
લોકસભા ચૂંટણી 2024: મુંબઈ નોર્થ સેન્ટ્રલથી પૂનમ મહાજનનું પત્તુ કપાયું, આતંકી કસાબને ફાંસી અપાવનારા ઉજ્જવલ નિકમને ભાજપે ટિકિટ આપી
સલમાન ખાન ફાયરિંગ કેસ: અનમોલ બિશ્નોઇ સામે લુકઆઉટ નોટીસ જાહેર
1983ના 41 વર્ષ જૂના કેસમાં દાઉદ ઇબ્રાહિમ દોષ મુક્ત
22 એપ્રિલથી 'તારક મહેતા કા ઉલ્ટા ચશ્મા'ના કલાકાર સોઢીનો સંપર્ક કટ
અમેરિકામાં રોડ અકસ્માતમાં આણંદની 3 ગુજરાતી મહિલાઓના મોત, સમાજમાં શોકની લાગણી
Priyakant
Last Updated: 03:15 PM, 15 February 2023
અમદાવાદમાં એમડી ડ્રગ્સનું ચલણ એટલી હદે વધી ગયું છે કે બિલાડીના ટોપની જેમ ડ્રગ્સ પેડલર્સો શોર્ટકટથી રૂપિયા કમાવવા માટે ફૂટી નીકળ્યા છે. જેમ જેમ પોલીસ તેમજ સુરક્ષા એજન્સીઓ ડ્રગ્સ વેચતા પેડલર્સની ધરપકડ કરે છે તેમ તેમ નવા નવા પેડલર્સ ડ્રગ્સ વેચવા માટે તૈયાર થઇ જાય છે. ગઇકાલે ક્રાઇમ બ્રાંચની ટીમે વટવા ખાતેથી 22.29 લાખ રૂપિયાના એમડી ડ્રગ્સના જથ્થા સાથે એક પેડલરને ઝડપી પાડ્યો છે. છેલ્લા ત્રણ મહિનાથી એમડી ડ્રગ્સનો જથ્થો લઇને પેડલર ફરી રહ્યો હોવાની બાતમી સરખેજના એક યુવકે આપી હતી. સરખેજના યુવકની ધરપકડ બાદ ડ્રગ્સની સિન્ડિકેટનો પર્દાફાશ થાય તેવી શક્યતા ક્રાઇમ બ્રાંચના અધિકારીઓને લાગી રહી છે.
અમદાવાદ ક્રાઇમ બ્રાંચના પીએસઆઇ પી.એચ. જાડેજા અને તેમની ટીમને બાતમી મળી હતી કે, વટવાના બીબી તળાવ પાસે મહફૂઝ ઉર્ફે મુન્ના અબ્દુલ માજિદ શેખ એમડી ડ્રગ્સનો જથ્થો લઇને પસાર થવાનો છે. બાતમીના આધારે ક્રાઇમ બ્રાંચની ટીમ વટવા ખાતે પહોંચી ગઇ હતી અને અલગ અલગ ટીમો બનાવીને ખાનગી વાહનોમાં વોચમાં હતી. આ દરમિયાન એક શંકાસ્પદ યુવક ચાલતાં ચાલતાં ત્યાંથી પસાર થયો હતો. બાતમીદારે ક્રાઇમ બ્રાંચને ઇશારો કરતાં શંકાસ્પદ યુવકને કોર્ડન કરી લીધો હતો અને તેનું નામઠામ પૂછ્યું હતું.
પોલીસ તપાસમાં મળ્યું ડ્રગ્સ
આ તરફ પોલીસ દ્વારા કરાયેલ કાર્યવાહીમાં યુવકનું નામ મહફૂઝ ઉર્ફે મુન્નાઅને તે વટવાનો રહેવાસી હોવાનું સામે આવ્યું છે. ક્રાઇમ બ્રાંચે મહફૂઝની અંગજડતી કરતાં તેની પાસેથી વ્હાઇટ ચીકણો પદાર્થ મળી આવ્યો હતો. ક્રાઇમ બ્રાંચે તરત જ એફએસએલની ટીમને જાણ કરી દીધી હતી, જેથી એફએસએલની ટીમ તાત્કાલિક ઘટનાસ્થળે પહોંચી ગઇ હતી અને ચીકણા પદાર્થનું પરીક્ષણ કર્યું હતું. ચીકણો પદાર્થ એમડી ડ્રગ્સ હોવાનો રિપોર્ટ આપતાં ક્રાઇમ બ્રાંચે તરત જ મહફૂઝની ધરપકડ કરી લીધી હતી. મહફૂઝ પાસેથી 222.94 ગ્રામ એમડી ડ્રગ્સનો જથ્થો મળી આવ્યો છે, જેની કિંમત 22.29 લાખ રૂપિયા થાય છે.
પૂછપરછમાં આરોપીએ શું કહ્યું ?
મહફૂઝને ક્રાઇમ બ્રાંચની કચેરીમાં લાવવામાં આવ્યો હતો, જ્યાં તેની આગવી સ્ટાઇલથી પૂછપરછ થઇ હતી, જેમાં તેણે કબૂલાત કરી હતી કે, એમડી ડ્રગ્સનો જથ્થો તે તેના મિત્ર ફિરોઝખાન અયુબખાન પઠાણ પાસેથી લાવ્યો છે. ફિરોઝખાન પઠાણ સરખેજમાં રહે છે અને ગેરકાનૂની કામ કરવા માટે ટેવાયેલો છે. ત્રણ મહિના પહેલાં મહફૂઝ એમડી ડ્રગ્સનો જથ્થો ફિરોઝખાન પઠાણ પાસેથી લાવ્યો હતો. ક્રાઇમ બ્રાંચે મહફૂઝ અને ફિરોઝખાન પઠાણ વિરુદ્ધ નાર્કોટિક્સનો ગુનો દાખલ કરીને તપાસનો ધમધમાટ શરૂ કર્યો છે.
ફિરોઝની ધરપકડ બાદ ડ્રગ્સની સિન્ડિકેટનો પર્દાફાશ થશે
ક્રાઇમ બ્રાંચની ટીમે ફિરોઝખાન પઠાણની ધરપકડ કરવા માટેનાં ચક્રો ગતિમાન કર્યાં છે. ક્રાઇમ બ્રાંચનાં સૂત્રોના જણાવ્યા અનુસાર મહફૂઝ પાસે જો 22.29 લાખ રૂપિયાનો એમડી ડ્રગ્સનો જથ્થો મળી આવ્યો છે તો પછી ફિરોઝખાન પાસે તેના કરતાં વધુ ડ્રગ્સનો જથ્થો હોઇ શકે છે. ફિરોઝખાન પઠાણે ડ્રગ્સનો કારોબાર કરનાર પેડલર્સની ટીમ પણ તૈયાર કરી હોય તેવી શક્યતા છે. ફિરોઝખાનની ધરપકડ બાદ ડ્રગ્સની સિન્ડિકેટ સામે આવે તેવી શક્યતા છે. ફીરોઝખાન કયા રાજ્યમાંથી અને કયા ડ્રગ્સ માફિયા પાસેથી એમડી ડ્રગ્સ લાવ્યો હતો તેનો પણ ખુલાસો થશે. પોલીસનું માનવું છે કે મહફૂઝ પાસેથી 222.94 ૯૪ ગ્રામ એમડી ડ્રગ્સ મળ્યું છે, જે ત્રણ મહિનાથી તેની પાસે હતું, જોકે તેણે ફિરોઝખાન પાસેથી વધુ ડ્રગ્સ મેળવ્યું હતું અને નશેડીઓને વેચી દીધું હતું. મહફૂઝની પૂછપરછ બાદ હજુ ઘણા ચોંકાવનારા ખુલાસા થાય તેવી શક્યતા છે.
છ મહિના બાદ ક્રાઇમ બ્રાંચે સૌથી મોટો ડ્રગ્સનો જથ્થો ઝડપી પાડ્યો
ક્રાઇમ બ્રાંચના નેજા હેઠળ આવતી સ્પેશિયલ ઓપરેશન ગ્રૂપ (એસઓજી)ની અલગ અલગ ટીમો એમડી ડ્રગ્સનો જથ્થો ઝડપી રહી છે. થોડા દિવસ પહેલાં હાંસોલ સર્કલ પાસેથી એસઓજીની ટીમે લાખો રૂપિયાના એમડી ડ્રગ્સના જથ્થા સાથે ત્રણ શખ્સોને ઝડપી પાડ્યા હતા. એસઓજીની ટીમે ઓછી માત્રામાં ડ્રગ્સના કેસો કરીને પેડલર્સને જેલના હવાલે કરી દીધા છે ત્યારે છ મહિના બાદ ક્રાઇમ બ્રાંચની ટીમે એમડી ડ્રગ્સનો સૌથી મોટો કેસ કર્યો છે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
પ્રચાર
ટોપ સ્ટોરીઝ
ધર્મ / હનુમાન દાદા આ 4 રાશિઓને બનાવશે ધનવાન, જન્મોત્સવ બાદ ઉઘડશે ભાગ્ય, રૂપિયે રમશો
Hanuman Jayanti 2024
IPL 2024 / વિરાટ કોહલી અને ગૌતમ ગંભીરના આ 'ગંભીર' વીડિયો પર વિશ્વાસ કરવો મુશ્કેલ, ગ્રાઉન્ડમાં ચર્ચા ખૂબ જામી
Gautam Gambhir
આતંકી હુમલો / મણિપુરમાં મોડી રાત્રે કુકી આતંકવાદીઓએ CRPF બટાલિયન પર કર્યો હુમલો, બે જવાન શહીદ
Indian army