રાજ્યપાલ સાથે મુલાકાત / PMની સુરક્ષામાં ચૂક મામલે CR પાટીલનો રાહુલ-સોનિયા ગાંધી પર સૌથી મોટો આરોપ

• PMના રૂટની માહિતી લીક કરાઈ;પાટીલનો પ્રહાર 
• તમામ ઘટનાક્રમ માટે રાહુલ સોનિયા જવાબદાર
• ગુજરાત ભાજપ પ્રમુખ સી.આર.પાટીલનાં આક્ષેપ 

બુધવારે પંજાબ ગયેલા વડાપ્રધાન નરેન્દ્ર મોદીના કાફલાને જે અંતરાય આવ્યા તેને પરિણામે દેશભરમાં પ્રત્યાઘાત પડ્યાં છે. ખાસ કરીને ભાજ્પ શાસિત રાજ્યોમાં ઉગ્ર પ્રતિક્રિયાઓ સામે આવી રહી છે. છેલ્લા 24 કલાકથી વડા પ્રધાનનાં કાફલા માટે અપૂરતી વ્યવસ્થા અને સુરક્ષામાં ચૂક જેવી સંગીન બાબતો પર ચર્ચા થઇ રહી છે ત્યારે, ગુજરાત ભાજપે પણ તીખી પ્રતિક્રિયા વ્યક્ત કરતા રાજ્યપાલને આવેદન પત્ર પાઠવ્યું છે. 

રાજ્યપાલને કરાઈ રજૂઆત 

PM મોદીની સુરક્ષામાં ચૂકના મામલે ગુજરાત પ્રમુખ અને સંગઠનના મહામંત્રીઓ દ્વારા રાજ્યપાલને રજૂઆત કરવામાં આવી હતી રાજ્યપાલને રજૂઆત કર્યા બાદ ગુજરાત ભાજપ પ્રમુખ સી.આર.પાટીલે કોંગ્રેસ પર ગંભીર આક્ષેપ કરતા જણાવ્યું કે PMના રૂટની માહિતી લીક કરવામાં આવી હતી. PMના પ્રવાસ દરમિયાન સુરક્ષાની જવાબદારી રાજ્ય સરકારની હોય છે. આ તમામ ઘટના સોનિયા ગાંધી અને રાહુલ ગાંધીના ઈશારે થઈ હોવાનો આક્ષેપ સી.આર.પાટીલ દ્વારા કરવામાં આવ્યો હતો. આ સાથે સી.આર.પાટીલે પંજાબના મુખ્યમંત્રીના તાત્કાલિક રાજીનામાની તથા સોનિયા ગાંધી અને રાહુલ ગાંધીએ દેશની માફી માગવી જોઈએ તેવી માગ કરી હતી.

માનનીય પ્રધાનમંત્રી શ્રી @narendramodi સાહેબના કાફલાને ઇરાદાપૂર્વક અટકાવી એમની સલામતી સાથે ચેડા કરવાનું કાવતરૂ પંજાબ સરકાર દ્વારા કરાયું એ સંદર્ભે મહામહિમ રાજ્યપાલ શ્રી @ADevvrat જીને માનનીય મુખ્યમંત્રી શ્રી @Bhupendrapbjp જીની વિશેષ ઉપસ્થિતિમાં આવેદન પત્ર પાઠવ્યું.
(1/2) pic.twitter.com/M30EFv2AJi

— C R Paatil (@CRPaatil) January 6, 2022