તાયફો / PM મોદીની સલાહ મીટિંગ સુધી જ? ગુજરાતમાં ભાજપના નેતાઓએ સત્તા સંભાળતા જ કરી બેફામ ઊજવણી

• સત્તા સંભાળતા જ કાયદો ભૂલ્યા નેતાઓ 
• નેતાઓની ટોળકીમાં અધિકારીઓ પણ શામેલ!
• એક તરફ કોરોના હાવી..બીજી તરફ નેતા સબ પર ભારી!

કોરોના વધ્યો છે તે તમે જાણતા જ હશો.. કારણ કે, તમને તમારા પરિવારની અને તમારા સંતાનોની ચિંતા થતી હશે. પરંતુ ભાજપના નેતાઓને આ દેખાતું નથી. માત્ર ભાજપના નેતાઓને જ નહીં પરંતુ સરકારી બાબૂઓને પણ તે દેખાતું નથી. ત્યારે જ તો એક તરફ સરકાર રાજ્યના 4 મહાનગરોમાં રાત્રી કર્ફ્યુ લગાવે છે. તંત્રને કાોરોનાની ગાઈડ-લાઈનનું પાલન કરાવવાનું કહે છે. 

ઉજવણીના નામે ભાજપના તાયફા

તો જ્યારે બીજી તરફ સત્તાની ખુરશી સંભાળતાની સાથે જ ભાજપના સત્તાધિશો બેફામ નાચે છે. સોશિયલ ડિસ્ટન્સિંગના લીરા ઉડાવે છે. માસ્ક વિના ઢોલના તાલે ઝુમે છે અને બાકી હતું તો તે પૈસાનો વરસાદ કરે છે. આપણે વાત કરી રહ્યા છે જેતપુર તાલુકા પંચાયતના પ્રમુખ-ઉપપ્રમુખની વરણી બાદ ઉજવણીના નામે થયેલા તાયફાની. કારણ કે, અહીં કોરોનાના નિયમોની ઐસીતૈસી કરતા ભાજપના નેતાઓએ ઉજવણી તો કરી જ. પરંતુ તેની સાથે-સાથે માસ્ક અને સોશિયલ ડિસ્ટન્સ વિના ખૂબ નાચ્યા પણ ખરા. વાત આટલેથી પુરી નથી થતી..

ડેપ્યુટી કલેક્ટરની હાજરીમાં નેતામાં નિયમોના ધજાગરા

કારણ કે, જ્યારે ભાજપના નેતાઓ આ તાયફા કરી રહ્યા હતા ત્યારે સ્થળ પર ડેપ્યુટી કલેક્ટર અને મામલતદાર સહિત પોલીસ પણ હાજર હતી. જોકે આ ધજાગરા બાદ વીટીવીએ ભાજપના નેતાઓ સાથે વાત કરવાનો પણ પ્રયાસ કર્યો. પરંતુ બધા મુદ્દે બોલવાથી દૂર ભાગ્યા  

અહીં સીધો જ સવાલ ભાજપના સત્તાધીશો અને સરકાર પર થઈ રહ્યો છે કે, શું આ છે તમારું શિસ્ત? શું આવા સત્તાધિશો બચાવશે કોરોનાથી લોકોને? શું આવા અધિકારીઓ કરશે જનતાનું ભલું? તમારું કર્ફ્યૂ પહેલા તમારા નેતાઓ પર ક્યારે લગાવશો? ક્યાં સુધી આવા તાયફાઓ યોજી લોકોના જીવ સાથે રમત કરશો? સવાલો અનેક છે. પરંતુ આનો જવાબ કોણ આપશે..તે સૌથી મોટો સવાલ છે. ત્યારે જોઈએ શિસ્તમાં માનનારાઓ પોતાના નેતાઓને કેવા શિસ્તના પાઠ ભણાવે છે.