અપડેટ / ગુજરાતમાં નવા 40 કોરોના કેસ, 275 એક્ટિવ કેસ, આ જિલ્લામાં ડબલનો આંકડો : 1 ડિસેમ્બરથી રાજ્યમાં આંશિક છૂટછાટ

• આજે રાજ્યમાં કોરોનાના વધુ 40 કેસ નોંધાયા 
• રાજ્યમાં આજે કોરોનાને માત આપીને 27 દર્દી ડિસ્ચાર્જ
• રાજ્યમાં કોરોનાના એક્ટિવ કેસની સંખ્યા 275 થઈ 

ગુજરાતમાં આજે 40 કેસ નવા નોંધાયા છે, જ્યારે એકપણ દર્દીનું મૃત્યું થયું નથી. કોરોનાગ્રસ્ત 7 દર્દી વેન્ટિલેટર પર સારવાર હેઠળ છે. રાજ્યભરમાં અત્યાર સુધી 10092 મૃત્યુ થઈ ચૂક્યા છે. અત્યાર સુધી રાજ્યમાં 817108 દર્દીઓ ડિસ્ચાર્જ થયા છે. ગુજરાતમાં કોરોનાથી સાજા થવાનો દર 98.75 ટકા છે. 

આજ રોજ(30-11-2021) નોંધાયેલા કોરોનાના કેસની વિગતઃ

અમદાવાદ શહેરમાં આજે કોરોનાના 10 કેસ નોંધાયા, તો જામનગરમાં 7 કેસ, વડોદરામાં 8 કેસ, સુરતમાં 4 કેસ, નવસારીમાં 3 કેસ, ભાવનગરમાં 2 કેસ, કચ્છમાં 2 કેસ, આણંદ, ગાંધીનગર, ગીર સોમનાથ અને વલસાડમાં એક-એક કેસ નોંધાયા છે. રાજ્યભરમાં આજે 5.38 લાખ નાગરિકોનું રસીકરણ થયુ છે. અત્યાર સુધી રાજ્યમાં રસીના 8.10 કરોડથી વધુ ડોઝ અપાયા છે.

ગુજરાતમાં કોરોનાના 40 અને તેનાથી ઓછા નોંધાઇ રહ્યા છે. ત્યારે  રાત્રિ કર્ફ્યૂને લઈને રાજ્ય સરકાર મહત્વનો નિર્ણય લીધો છે. જોકે આફ્રિકન દેશોમાં ફેલાઇ રહેલા ઓમિક્રોન વેરિયન્ટને લઇને બહારથી આવતા પ્રવાસીઓ માટે કડકાઇ દર્શાવાઇ છે. પરંતુ રાજ્યના લોકોને આંશિક છૂટછાટ આપવામાં આવી રહી છે.

• રાજ્યમાં 8 મનપા વિસ્તારોમાં રાત્રી કર્ફ્યૂ યથાવત રહેશે
• રાતે 1 વાગ્યાથી સવારે 5 વાગ્યા સુધી કર્ફ્યુ રહેશે
• ફક્ત 4 કલાક પૂરતું જ રાત્રિ કર્ફ્યૂ રાખવામાં આવ્યું
• કેટલાક નિયત્રણોમાં આંશિક છૂટછાટ 
• લગ્નપ્રસંગોમાં 400 લોકોની મર્યાદા યથાવત રાખવામાં આવી
• લગ્ન માટે ડિજિટલ ગુજરાત પોર્ટલ પર નોંધણીનો નિયમ પણ ચાલુ જ રખાયો
• ધોરણ 9થી પોસ્ટ ગ્રેજ્યુએશન સુધી કોચિંગ ક્લાસ 50 ટકાની મર્યાદા

રાજ્યમાં COVID-19 સંક્રમણની બાબતને ધ્યાને લેતાં સમગ્ર રાજ્ય માટે ગુજરાત સરકારની માર્ગદર્શિકા.#StaySafeStayHealthy pic.twitter.com/o1EhEC37Jp

— Harsh Sanghavi (@sanghaviharsh) November 30, 2021