રાહ કોની? / સુરતમાં હડકંપઃ આ યુનિવર્સિટીમાં એકસાથે 57 વિદ્યાર્થીઓને કોરોના, તમામને હોસ્ટેલમાં કરાયા ક્વોરન્ટાઇન

• સુરત જિલ્લામાં કોરોનાના કેસમાં ઉછાળો
• 479 વિદ્યાર્થીઓમાંથી 57નો રિપોર્ટ પોઝિટિવ 
• વિદ્યાર્થીઓને હોસ્ટેલમાં ક્વોરોન્ટાઇન કરવામાં આવ્યા

રાજ્યમાં કોરોનાનું સંક્રમણ 5 ગણી ઝડપે વધી રહ્યું છે.અને આ સંક્રમણમાં હવે વિદ્યાર્થીઓ પણ બાકાત નથી કારણ કે, મોટી સંખ્યામાં શાળાઓમાં વિદ્યાર્થીઓ અને શિક્ષકો સંક્રમિત થવાના કિસ્સાઓ વધી રહ્યા છે. સૌથી મોટા સમાચાર તો એ છે કે સુરત જિલ્લામાં આવેલી ઉકા તરસાડીયા યુનિવર્સિટીમાં એકી સાથે  57 વિદ્યાર્થીઓને કોરોના કોરોનાની ચપેટમાં આવી ગયા છે. 

170 વિદ્યાર્થીઓના રેપીડ ટેસ્ટ કરવામાં આવ્યો જેમાંથી 57 પોઝિટિવ
કોરોનાના વધતા સંક્રમણમાં હવે વિદ્યાર્થીઓનો એક મોટો વર્ગ પણ સંક્રમિત થઈ રહ્યો છે.  તેવામાં વિદ્યાર્થીઓને કોરોનાથી કેવી રીતે બચાવવા તે સૌથી મોટો સવાલ ઊભો થયો છે. રાજ્યમાં વિદ્યાર્થીઓ માટે વેક્સિનેશન પણ શરૂ થઈ ગયું છે ત્યારે  સુરતના બારડોલી ઉકા તરસાડીયા યુનિવર્સિટીના 479 વિદ્યાર્થીઓમાંથી 57નો રિપોર્ટ પોઝિટિવ આવતા આરોગ્ય વિભાગ દોડતું થઈ ગયું છે. વાલીઓ સહિત  સમગ્ર પંથકમાં હાહાકાર મચી જવા પામ્યો છે. મહત્વનું છે કે,  યુનિવર્સિટીમાં તાજેતરમાં 82 વિદ્યાર્થીઓના રેપીડ ટેસ્ટ કરવામાં આવ્યા હતાં. જેમાં 14 વિદ્યાર્થીઓના રિપોર્ટ પોઝિટીવ આવ્યાં હતાં. જે બાદ 479 વિદ્યાર્થીઓમાંથી 170 વિદ્યાર્થીઓના રેપીડ ટેસ્ટ કરવામાં આવતા કોલેજ અને હોસ્ટેલ મળી આંકડો એકસાથે 57 સુધી પહોંચી ગયો હતો જેથી વિદ્યાર્થીઓને હોસ્ટેલમાં ક્વોરોન્ટાઇન કરી જરૂરી વ્યવસ્થા તંત્ર અને સ્કૂલ પ્રશાસન દ્વારા કરી દેવામાં આવી છે. 

શાળાઓ બંધ કરવાનો નિર્ણય તાબડતોબ જરૂરી
મહત્વનું છે કો, સરકાર હાલ ઓફલાઈન શિક્ષણને લઈને કોઈપણ નિર્ણય નથી લઈ રહી. પરંતુ બીજી તરફ વધતા સંક્રમણ સામે હવે શાળાઓ જ અલર્ટ થઈ ગઈ છે. શાળાઓ ફરી મહત્વનું છે વિદ્યાર્થીઓમાં વધી રહેલા સંક્રમણને જોતા વાલીઓ દ્વારા શાળાઓ ફરી ઓનલાઈન શરૂ કરવાની માગ કરવામાં આવી રહી છે. ગુજરાતની મહત્વની સમિટ વાઈબ્રન્ટ પણ કોરોનાના હેતુસર બંધ કરવામાં આવી છે ત્યારે સવાલ એ થાય છે કે, વધારે સંખ્યામાં વિદ્યાર્થીઓ સંક્રમિત થશે તો તેના માટે જવાબદાર કોણ હશે?...ત્રીજી લહેરની સંભવિતતા વચ્ચે બાળકોના આરોગ્ય સાથે આવું જોખમ કેમ લઈ રહ્યું છે શિક્ષણ વિભાગ?... શાળાઓ વિદ્યાર્થીઓને ફરજિયાત શાળાએ આવવાની ફરજ પાડે છે તેનુ શું? સરકાર શા માટે વિદ્યાર્થીઓના સ્વાસ્થ્યની ચિંતા નથી કરતી? વિદ્યાર્થી સંક્રમિત થાય તે પછી શાળા બંધ કરાવો છો તો હાલની સ્થિતિને ધ્યાને રાખીને ક્યારે નિર્ણય લેશે સરકાર?

મુખ્ય સચિવની અધ્યક્ષતામાં મળી બેઠક
ગુજરાતમાં કોરોનાની સ્થિતિ મુદ્દે ઉચ્ચસ્તરીય બેઠક આજ રોજ ગુરુવારના દિવસે કરવામાં આવી છે જેમાં મુખ્ય સચિવની અધ્યક્ષતામાં 10 જાન્યુઆરી બાદ શાળાઓ ચાલુ રાખવી કે કેમ તેને લઇ વિશેષ ચર્ચા કરવામાં આવી છે. હવે 2 કે 3 દિવસમાં ઓફલાઈન સ્કૂલ ચાલુ રાખવી કે કેમ તે અંગે નિર્ણય લઈ લેવામાં આવશે તે પાક્કું છે.