વિવાદ / ચીનનો વધુ એક અટકચાળો: અરૂણાચલની સરહદ નજીક કરી એવી હરકત કે ભારતનું ટૅન્શન વધશે

• ચીને હવે તિબેટમાં બુલેટ ટ્રેનની શરૂઆત કરી 
• તિબેટની રાજધાની લ્હાસા ઉપરાંત લોકા અને ન્યિંગછી થઈને પસાર થશે
• ચીન ઝડપથી સીમા પર ઈન્ફ્રાસ્ટ્રક્ચર મજબૂત કરી રહ્યું છે

ભારતીય સીમામાં દર વખતે દખલ કરતા ચીને હવે તિબેટમાં બુલેટ ટ્રેનની શરૂઆત કરી દીધી છે. તેનો રૂટ તિબેટની રાજધાની લ્હાસા ઉપરાંત લોકા અને ન્યિંગછી થઈને પસાર થશે. આ વિસ્તાર ભારતની સીમા અનુસાર સંવેદન શીલ છે. ભારત ઉપરાંત અરૂણાચલ પ્રદેશ રાજ્યની સીમા તેનાથી થોડી જ દૂર છે. તેના દ્વારા સમજી શકાય છે કે ચીન કઈ રીતે ઝડપથી સીમા પર ઈન્ફ્રાસ્ટ્રક્ચર મજબૂત કરી રહ્યું છે. રણનીતિક અનુસાર આ ભારતની ચિંતાને વધારનાર છે. 

કમ્યુનિસ્ટ પાર્ટીના શતાબ્દી વર્ષ પહેલા થયું ઉદ્ધાટન 
ચીનની સત્તાધારી કમ્યુનિસ્ટના શતાબ્દી સમારોહ પહેલા આ બુલેટ રેલ સેક્શનની શરૂઆત કરવામાં આવી છે. સિચુઆન-તિબેટ રેલવેના 435.5 કિલોમીટર લાંબા લ્હાસા-ન્યિંગચી સેક્શનનું ઉદ્ધાટન કરવામાં આવ્યું છે. ચીનની સરકારી ન્યૂઝ એજન્સીએ જણાવ્યા અનુસાર આ સેક્શન પર શુક્રવારે પહેલી બુલેટ ટ્રેન ચાલી. 

કિંધઈ-તિબટ રેલવે બાગ સિચુઆન-તિબેટ રેલવે તિબેટમાં બીજી રેલવે લાઈન છે. આ કિંધઈ-તિબેટ પઠારના દક્ષિણ-પૂર્વ પરથી પસાર થશે. આ વિસ્તાર દુનિયાની સૌથી ઉંચાઈ વાળી જગ્યાઓમાંથી એક છે અને રણનીતિક રીતે ભારત અને ચીન બન્ને માટે સંવેદનશીલ છે. 

ચીનમાં થશે 50,000 કિમીનું હાઈ સ્પીડ ટ્રેનનું નેટવર્ક 
ચીન 2025 સુધી હાઈસ્પીડ ટ્રેનનું નેટવર્ક 50 હજાર કિલોમીટર સુધી વધારશે. હાઈ સ્પીડ ટ્રેનનું નેટવર્ક 2020ના અંત સુધી 37,900 કિમી હતું. ચીનમાં ટ્રેનોની ગતિ હવે વધીને 160 કિમી થી 350 કિમી પ્રતિ કલાકની વચ્ચે થઈ ગઈ છે. ચીનના આ રેલ નેટવર્કથી સમજી શકાય કે ઈન્ફ્રાસ્ટ્રક્ચરના મામલામાં તે કેટલું ઝડપથી કામ કરી રહ્યા છે. પ્રાંતીય રાજધાની લ્હાસા અને પૂર્વી તિબેટના નિંગચીની વચ્ચે રેલવે લાઈનનું નિર્માણ 2014માં શરૂ થઈ ગયું હતું. હવે તિબેટનો પહેલો એવો રેલ માર્ગ છે. જ્યાં વિજળીથી ટ્રેન ચાલશે. આ માર્ગ પર જૂન 2021માં પરિચાલન શરૂ થવાનું છે. રેલના પાટા લગાવવાનું કામ 2020માં પુરુ થઈ ચુક્યું છે.