જનસંપર્ક / ગુજરાતના પ્રથમ સરહદી ગામમાં સીએમ ભૂપેન્દ્ર પટેલનું રાત્રિ રોકાણ, લોકો સાથે સંવાદ કરી ગામડાને ઉંડેથી જાણ્યું, જુઓ વીડિયો

• મુખ્યમંત્રી ભૂપેન્દ્ર પટેલનો નવતર જનસંપર્ક અભિગમ
• નર્મદામાં ગ્રામજનો સાથે રાત્રિસભા યોજી અને ગામમાં રાત્રિ રોકાણ કર્યુ
• ગ્રામજનો-વિદ્યાર્થીઓ-ખેડૂતો-તલાટી સાથે સંવાદ-વાર્તાલાપ કર્યો

મુખ્યમંત્રી ભૂપેન્દ્ર પટેલે પોતાની સહજ, સરળતાનો વધુ એક પરિચય આપતાં છેક ગ્રામીણ સ્તરના પાયાના કર્મયોગીઓ અને આદિજાતિ ગ્રામજનો સાથે બેસીને સંવાદ સાધી-લોકસંપર્કનો નવતર અભિગમ અપનાવ્યો છે. મુખ્યમંત્રીએ આ અભિગમ અન્વયે નર્મદા જિલ્લાના અંતરિયાળ વનબંધુ વિસ્તાર સાગબારાના જાવલી ગામની મુલાકાત લીધી હતી. સાગબારા તાલુકાનું જાવલી ગામ મહારાષ્ટ્ર સરહદને અડીને આવેલું ગુજરાતનું પ્રથમ ગામ છે. મુખ્યમંત્રી ભૂપેન્દ્ર પટેલે બુધવારે સાંજે જાવલી પહોંચીને ત્યાંના ગ્રામસેવક, તલાટી, વી.સી.ઈ., શિક્ષકગણ તેમ જ સસ્તા અનાજની દુકાન ધરાવનારા દુકાનદારો, આરોગ્યકર્મીઓ સાથે સંવાદ બેઠક યોજી હતી.

ટી.બી.ના એક દર્દીને ન્યુટ્રીશન કીટ અર્પણ કરી
મુખ્યમંત્રીએ હેલ્થ એન્ડ વેલનેસ સેન્ટર, આંગણવાડી-નંદઘર, ગ્રામ પંચાયતની મુલાકાત લઈને ઉપલબ્ધ સુવિધાઓનું નિરીક્ષણ કર્યું હતું. તેમણે હેલ્થ એન્ડ વેલનેસ સેન્ટરના પરિસરમાં રાષ્ટ્રીય ક્ષય નિર્મૂલન કાર્યક્રમ હેઠળ સંચાલિત અત્યાધુનિક મોબાઈલ ડિજિટલ એક્સ રે વાનની મુલાકાત લઈ આરોગ્ય અધિકારીઓ પાસેથી આ વાનની કાર્યપ્રણાલીની જાણકારી મેળવી હતી. મુખ્યમંત્રીએ ટી.બી.ના એક દર્દીને ન્યુટ્રીશન કીટ અર્પણ કરી હતી. અને તેમના ખબર અંતર પૂછ્યા હતા તથા નિયમિત રીતે પોષણયુક્ત આહાર લઈને તબિયતની કાળજી લેવા અનુરોધ કર્યો હતો. જાવલીના રહીશ અરવિંદભાઈ અશોકભાઈ વસાવાના ઘરની મુલાકાત લઈને મુખ્યમંત્રીશ્રીએ પરિવારજનો સાથે સંવાદ કર્યો હતો, અને સરકારી યોજનાઓ અને અન્ય સુવિધાઓ તેમને મળે છે કે કેમ તેમજ પાણી, આરોગ્ય અને શિક્ષણ જેવી પ્રાથમિક સુવિધાઓ અંગે જાણકારી મેળવી આત્મીયજન બની ગોષ્ઠિ કરી હતી.

મુખ્યમંત્રી શ્રી ભૂપેન્દ્ર પટેલે આજે નર્મદા જિલ્લાના અંતરિયાળ સાગબારા તાલુકામાં મહારાષ્ટ્રની સરહદને અડીને આવેલા ગુજરાતના પ્રથમ ગામ જાવલીની રાત્રી રોકાણ સાથેની મુલાકાત લઈને સહજતા સાથે સીધા લોકસંપર્કના અભિગમનું ઉત્કૃષ્ટ દ્રષ્ટાંત આપ્યું. pic.twitter.com/Lgx3aRU38d

— CMO Gujarat (@CMOGuj) July 5, 2023

રાત્રિસભા યોજીને સંવાદ-ગોષ્ઠિ
ગ્રામજનો સાથેના વાર્તાલાપમાં મુખ્યમંત્રીની સંવેદના સ્પષ્ટપણે જોવા મળતી હતી. મુખ્યમંત્રીએ જાવલીના મહિલા ગ્રામજન કલાવતીબહેન વળવીના ઘરની મુલાકાત લઈને બિપરજોય વાવાઝોડામાં ખેતી પાકોની સ્થિતિ અંગે વિગતો મેળવી હતી. કલાબહેને બિપરજોય વાવાઝોડાથી ગામ અને ખેતી સુરક્ષિત રહ્યા છે, તેમજ કોઈ નુકસાન વેઠવું પડ્યું ન હોવાનું જણાવી સરકારના આગોતરા આયોજનની પ્રશંસા કરી હતી.

મુખ્યમંત્રીશ્રીએ આજે સાંજે જાવલી ગામ પહોંચીને હેલ્થ એન્ડ વેલનેસ સેન્ટરની મુલાકાત લઈ આરોગ્યકર્મીઓ સાથે વાતચીત કરી હતી. મુખ્યમંત્રીશ્રીએ રાષ્ટ્રીય ક્ષય નિર્મૂલન કાર્યક્રમ હેઠળ સંચાલિત અત્યાધુનિક મોબાઈલ ડિજિટલ એક્સ-રે વાનની મુલાકાત લઈ આ વાનની કાર્યપ્રણાલીની જાણકારી મેળવી હતી.… pic.twitter.com/PXTJsN9onx

— CMO Gujarat (@CMOGuj) July 5, 2023

મુખ્યમંત્રી ગ્રામજનોના ઘરની મુલાકાત લઇને સ્વજન સહજ ભોજન કર્યું હતું તેમજ ગ્રામજનો અને વિદ્યાર્થીઓ સાથે રાત્રિસભા યોજીને સંવાદ-ગોષ્ઠિ પણ કર્યા હતા. વડાપ્રધાન નરેન્દ્ર મોદીના નેતૃત્વમાં કેન્દ્ર સરકારના સેવા સુશાસન અને ગરીબ કલ્યાણના 9 વર્ષમાં ગુજરાત સહિત દેશભરના વંચિતો તેમજ વનબંધુઓના કલ્યાણ માટેના કાર્યક્રમોની સફળતા પણ આ આદિજાતિ ગ્રામજનો મુખ્યમંત્રીશ્રીએ વર્ણવી હતી. સાગબારામાં સરકાર માન્ય સસ્તા અનાજની 38 દુકાનો છે, તેના માધ્યમથી 18,025 એન.એફ.એસ.એ. કાર્ડધારક પરિવારોના 89 હજાર જેટલા લોકો નિ:શુલ્ક અનાજ મેળવે છે, તેની વિગતો પણ મુખ્યમંત્રીએ જાણી હતી.

મુખ્યમંત્રીશ્રીએ જાવલી ગામના સરપંચ સહિત અન્ય ગ્રામજનોના ઘરની આત્મીયજન બની મુલાકાત લઈ પરિવારજનો સાથે સંવાદ કર્યો હતો અને સરકારની કલ્યાણકારી યોજનાઓ તેમજ પાણી, આરોગ્ય અને શિક્ષણ જેવી ઉપલબ્ધ પ્રાથમિક સુવિધાઓ અંગે જાણકારી મેળવી હતી. ગ્રામજનો સાથેના વાર્તાલાપ દરમ્યાન મુખ્યમંત્રીશ્રીએ… pic.twitter.com/aKfcnLASz9

— CMO Gujarat (@CMOGuj) July 5, 2023

જાવલી ગામમાં મુખ્યમંત્રીનો રાત્રિરોકાણ
મુખ્યમંત્રીશ્રીએ ગામની શાળાની સુવિધાઓ, લાયબ્રેરી, આરોગ્ય કેન્દ્રમાં મળતી સેવાઓ તથા ઈ ગ્રામ વિશ્વગ્રામ અન્વયે પંચાયતઘરમાં ટેકનોલોજીના ઉપયોગથી પ્રાપ્ત સેવાઓની વિગતો મેળવી હતી. મુખ્યમંત્રી ભૂપેન્દ્ર પટેલ જાવલીમાં હનુમાનજી મંદિરમાં સાંધ્ય આરતીમાં સહભાગી થયા હતા અને આ આદિજાતિ ગામમાં જ રાત્રિ રોકાણ કર્યુ હતું. જાવલી ગામમાં કોઈ મુખ્યમંત્રી પ્રથમવાર ગ્રામજનો સાથે રાત્રિસભા-રાત્રિરોકાણ માટે આવ્યા હોવાથી ગામમાં ઉત્સવ અને ઉમંગનું વાતાવરણ સર્જાયું હતું.