વિવાદ / PM મોદીને વેક્સિન મુદ્દે ઘેરવાના ચક્કરમાં આ શું બોલી ગયા ચિદંબરમ? તરત મારી લીધો 'યુટર્ન' અને માંગી લીધી માફી

• ચિદંબરમે એક ઈન્ટરવ્યૂમાં મોદી સરકાર પર કર્યા હતા પ્રહાર 
• બાદમાં ટ્વીટ કરીને સ્વીકારી ભૂલ 
• ટ્વીટર પર ભૂલ સ્વીકાર્યા બાદ માંગી માફી 

કોરોના વાયરસ સંક્રમણની બીજી લહેર વખતે સત્તાધારી પાર્ટી ભાજપ અને કોંગ્રેસ સહિત ઘણા ક્ષેત્રીય પક્ષોની વચ્ચે ખૂબ વાકયુદ્ધ ચાલ્યા હતા. વેક્સિનેશનથી લઈને હોસ્પિટલોમાં બેડની ઉપલબ્ધતા અને ઓક્સિજનના સંકટને લઈને દરેક પક્ષ એક બીજા પર આરોપ પ્રત્યારોપ લગાવી રહ્યા હતા. એવો જ એક આરોપ પૂર્વ નાણામંત્રી અને કોંગ્રેસ નેતા પી. ચિદંબરમે લગાવ્યો હતો. જોકે તેમને થોડા સમય બાદ પોતાનુ નિવેદન પરત લઈ લીધું છે. ચિદંબરમે મોડીફાઈડ વેક્સિન નીતિને લઈને પીએમ મોદી પર નિશાન સાધ્યુ હતું. 

The underlying message is that govt has learned from their mistakes. They made two cardinal mistakes & made effort to correct those mistakes. But as usual bluff & bluster, PM blames Opposition for the mistakes he committed: Congress leader P Chidambaram on new vaccination policy pic.twitter.com/dBe0fGD8hZ

— ANI (@ANI) June 7, 2021

શું કહ્યું હતું ચિદંબરમે? 
મહત્વનું છે કે ચિદંબરમે  મોડીફાઈડ વેક્સિનેશન નીતિ પર ટિપ્પણી કરતા કહ્યું હતું કે- "કોઈએ નથી કહ્યું કે કેન્દ્રએ વેક્સિન ન ખરીદવી જોઈએ. પીએમ હવે રાજ્ય સરકારો પર આરોપ લગાવતા આ કહી રહ્યા છે.- રાજ્ય વેક્સિન ખરીદવા માંગતા હતા માટે અમે તેમને પરવાનગી આપી. જણાવો કે કયા સીએમ, કઈ રાજ્ય સરકારે કઈ તારીખે માંગણી કરી કે તેમને વેક્સિન ખરવાની અનુમતિ આપવામાં આવે."

I told ANI ‘please tell us which state government demanded that it should be allowed to directly procure vaccines’

Social media activists have posted the copy of the letter of CM, West Bengal to PM making such a request.

I was wrong. I stand corrected.

— P. Chidambaram (@PChidambaram_IN) June 7, 2021

ટ્વીટ કરીને ચિદંબરમે સ્વીકારી ભુલ 
ચિદંબરમે ટ્વીટ કરીને કહ્યું- "હું ANI સાથ વાત કરતા કહી રહ્યો હતો કે, તે જણાવે કે કોઈ રાજ્ય સરકારે કહ્યું હતું કે તેમને વેક્સિન ખરીદવાની પરવાનગી આપવામાં આવે. સોશિયલ મીડિયા પર યુઝર્સે આ બાબત એક ચિઠ્ઠી તરફ મારૂ ધ્યાન દોર્યું છે. જેમાં બંગાળ સરકારે વેક્સિન પર નિર્માતાઓ સાથે વાતચીત કરવાની પરવાનગી માંગી હતી. હું ખોટો હતો, હું મારી ભુલ સ્વીકાર કરૂ છું."