દેશ / ઈન્ડિયા નહીં હવે ભારત કહો: દેશનું નામ બદલવા લઈને સ્પોર્ટ્સથી લઈને બોલિવૂડમાં પણ ઉઠ્યો અવાજ, અમિતાભ અને સહેવાગે જુઓ શું કહ્યું

• વીરેન્દ્ર સહેવાગે BCCI અને સચિવ જય શાહને કરી માંગ
• વર્લ્ડ કપમાં ટીમની જર્સી પર ઈન્ડિયાની જગ્યાએ ભારત લખવા માંગ
• દેશનું નામ ભારત કરવા માટે ચાલી રહેલી ચર્ચા દરમિયાન કર્યું આ ટ્વીટ

દેશનું નામ ઈન્ડિયાની જગ્યાએ 'ભારત' કરવાની વાતો થઈ રહી છે. આ વચ્ચે પૂર્વ ક્રિકેટર વીરેન્દ્ર સહેવાગે મોટી માંગ કરી છે. તેમણે BCCI પાસે માંગ કરતાં લખ્યું કે વર્લ્ડ કપમાં ટીમ ઈન્ડિયાની જર્સી પર ઈન્ડિયાની જગ્યાએ ભારત લખાવું જોઈએ. એટલું જ નહીં બોલિવૂડનાં દિગ્ગજ એક્ટર એવા અમિતાભ બચ્ચને પણ આ મુદે પોતાની પ્રતિક્રિયા આપી છે.

Team India nahin #TeamBharat.
This World Cup as we cheer for Kohli , Rohit , Bumrah, Jaddu , may we have Bharat in our hearts and the players wear jersey which has “Bharat” @JayShah . https://t.co/LWQjjTB98Z

— Virender Sehwag (@virendersehwag) September 5, 2023

BCCI અને તેના સચિવ જય શાહને ટેગ કરી લખ્યું
સહેવાગે આ પોસ્ટમાં BCCI અને તેના સચિવ જય શાહને ટેગ કરતાં લખ્યું કે હું હંમેશાથી માનું છું કે નામ એવું હોવું જોઈએ કે જે આપણામાં ગર્વ પેદા કરે. આપણે ભારતીય છે. ઈન્ડિયા નામ અંગ્રેજો દ્વારા આપવામાં આવ્યું છે અને આપણું મૂળ નામ 'ભારત' ને સત્તાવાર ધોરણે પાછું મેળવવામાં ઘણો લાંબો સમય લાગી ગયો છે. તેમણે આગળ અપીલ કરતાં લખ્યું કે વર્લ્ડ કપમાં ખેલાડીઓની જર્સી પર ભારત લખેલું હોવું જોઈએ.

In the 1996 World Cup ,Netherlands came to play in the World cup in Bharat as Holland. In 2003 when we met them, they were the Netherlands & continue to be so.
Burma have changed the name given by the British back to Myanmar.
And many others have gone back to their original name

— Virender Sehwag (@virendersehwag) September 5, 2023

નેધરલેન્ડ્સ, બર્મા વગેરેએ પોતાનું નામ બદલી દીધું
સહેવાગે BCCIની પોસ્ટ રીપોસ્ટ કરતાં લખ્યું કે આપણે ટીમ ઈન્ડિયા નહીં ટીમ ભારત છીએ. આ વર્લ્ડકપમાં જ્યારે આપણે કોહલી, રોહિત, બુમરાહ, જડ્ડૂને ચીયર કરીએ તો આપણાં દિલમાં ભારત હોવું જોઈએ અને ખેલાડીઓ પણ એ જર્સી પહેરે જેના પર ભારત લખેલું હોય. તેમણે કહ્યું કે જ્યારે 1996માં નેધરલેન્ડ્સની ટીમ વર્લ્ડકપ રમવા ભારત આવી હતી ત્યારે તેમનું નામ હોલેંડ હતું પણ 2003માં જ્યારે આપણે તેમને મળ્યાં ત્યારે તેઓ નેધરલેન્ડસનાં નામે રમી રહ્યાં હતાં. બર્માએ પણ અંગ્રેજો દ્વારા આપવામાં આવેલું નામ બદલીને મ્યાનમાર કરી લીધું છે.

T 4759 - 🇮🇳 भारत माता की जय 🚩

— Amitabh Bachchan (@SrBachchan) September 5, 2023

અમિતાભ બોલ્યાં, ભારત માતા કી જય
હાલમાં અમિતાભ બચ્ચનનો એક ટ્વીટ ઘણો વાયરલ થઈ રહ્યો છે. લોકો વિચારી રહ્યાં છે કે આખરે શા માટે બીગ બીએ આવું લખ્યું હશે. અમિતાભ બચ્ચને ટ્વીટ કરી 'ભારત માતાની જય'નો નારો બુલંદ કર્યો. તેમનો આ ટ્વીટ હાલમાં દેશમાં ચાલી રહેલી ચર્ચા સાથે જોડીને જોવામાં આવી રહ્યો છે. અત્રે ઉલ્લેખનીય છે કે સરકાર દેશનું નામ ઈન્ડિયાથી બદલીને ભારત કરવા ઈચ્છે છે અને સમગ્ર દેશમાં પણ આ મુદે ચર્ચા ચાલી રહી છે. આ ચર્ચા દરમિયાન જ અમિતાભ બચ્ચને આ ટ્વીટ કર્યું હોવાને લીધે લોકો વિચારમાં પડી ગયાં છે.