ઘટના / કોણ છે હૂતી વિદ્રોહી? જેને ભારત આવી રહેલા જહાજને કર્યું હાઇજેક, ઇઝરાયેલ ડિફેન્સ ફોર્સે કહ્યું 'ગંભીર ઘટના'

• યમનના હુથી આતંકવાદીઓનું એક નાપાક કૃત્ય
• લાલ સમુદ્રમાં 25 ક્રૂ સભ્યો સાથે એક જહાજ કબજે કર્યું
• ઈઝરાયલ ડિફેન્સ ફોર્સે આ મામલે ટ્વીટ કર્યું 

ઈઝરાયેલ અને હમાસ વચ્ચેના યુદ્ધ વચ્ચે હવે યમનના હુથી આતંકવાદીઓનું એક નાપાક કૃત્ય સામે આવ્યું છે. અહેવાલ મુજબ યમનના હુથી આતંકવાદીઓએ રવિવારે લાલ સમુદ્રમાં 25 ક્રૂ સભ્યો સાથે એક જહાજ કબજે કર્યું હતું. કદાચ તેઓએ તેને ઇઝરાયેલનું જહાજ માનીને પકડી લીધું હતું, પરંતુ વાસ્તવમાં આ જહાજ તેમનું ન હતું.

The hijacking of a cargo ship by the Houthis near Yemen in the southern Red Sea is a very grave incident of global consequence.
The ship departed Turkey on its way to India, staffed by civilians of various nationalities, not including Israelis. It is not an Israeli ship.

— Israel Defense Forces (@IDF) November 19, 2023

ઈઝરાયલ ડિફેન્સ ફોર્સે ટ્વીટ કર્યું 
ઈઝરાયલ ડિફેન્સ ફોર્સે આ સંબંધમાં ટ્વીટ કર્યું અને કહ્યું કે, દક્ષિણ લાલ સમુદ્રમાં યમન નજીક હુથીઓ દ્વારા માલવાહક જહાજનું અપહરણએ વૈશ્વિક સ્તરે ખૂબ જ ગંભીર ઘટના છે. આ એક એવું જહાજ છે જેના પર એક પણ ઈઝરાયેલી નથી. આંતરરાષ્ટ્રીય નાગરિક ક્રૂ સાથે જહાજ તુર્કીથી ભારત માટે રવાના થયું હતું.

જહાજને કબજે કરવામાં આવ્યું 
તમને જણાવી દઈએ કે આ કાર્યવાહી પહેલા યમનના હુથી આતંકવાદીઓએ ઈઝરાયેલના જહાજો સામે ધમકી આપી હતી. અબ્દુલ મલિક અલ-હુથીએ ધમકીમાં કહ્યું હતું કે તેઓ ઇઝરાયેલી કંપનીઓની માલિકીના અથવા સંચાલિત જહાજોને નિશાન બનાવશે. તેણે કહ્યું હતું કે ઈઝરાયેલનો ધ્વજ ધરાવતું કોઈપણ જહાજ સળગાવી દેવામાં આવશે. હુથી આતંકવાદીઓની આ ધમકીઓના થોડા દિવસો પછી જહાજને કબજે કરવામાં આવ્યું હતું. એક રિપોર્ટ અનુસાર જે જહાજને કબજે કરવામાં આવ્યું છે તે બ્રિટિશ કંપનીનું રજિસ્ટ્રેશન છે. આ જહાજનું નામ ગેલેક્સી લીડર છે. હાલમાં તે જાપાનની કંપનીને લીઝ પર આપવામાં આવ્યું હતું. જ્યારે હુથી બળવાખોરોએ તેને કબજે કર્યો ત્યારે વહાણમાં કોઈ ઈઝરાયલી નહોતું પરંતુ યુક્રેન, બલ્ગેરિયા, ફિલિપાઈન્સ અને મેક્સિકો જેવા વિવિધ દેશોના ક્રૂ સભ્યો હતા.