ગરમીની શરૂઆત થઇ ચૂકી છે જેના લીધે આપણી રોજબરોજની દિનચર્યામાં પણ ફેરફાર આવી જાય છે. ઘરમાં પંખા, કૂલર અને AC શરૂ થવા લાગે છે, કારમાં પણ લોકો AC ચલાવવાનું શરૂ કરી દે છે. પણ જો કારમાં ગરમીને લઈને સૌથી વધારે તકલીફ કોઈ હોય તો તે છે ગરમીના કારણે કાર પણ ગરમ થઇ જાય છે અને તેમાં બેસવું એ તો ખૂબ મોટી તકલીફ છે.
વધારે તાપના કારણે કારની અંદરનું તાપમાન વધી જાય છે અને અંદર બેસવાથી વધારે ગરમી લાગે છે. પરંતુ જો તમે ઈચ્છો તો કેટલીક બાબતોને ધ્યાનમાં રાખીને કારના ઈન્ટિરિયરને કૂલ રાખી શકો છો. આ ઉપરાંત, તમે ઉનાળાની ઋતુમાં વાહનના ટાયર અને એન્જિનનું પણ ધ્યાન રાખી શકો છો. તો જાણીશું તેના વિશે વિગતવાર...
કારને અંદરથી કેવી રીતે ઠંડી રાખશો?
ગરમીમાં ગાડી અંદરથી વધારે ગરમ થાય છે એટલે ગાડીને અંદરથી ઠંડી રાખવા વિન્ડો પર સન શેડ લગાડી શકો છો. સાથે વિન્ડોશિલ્ડનો પણ ઉપયોગ કરી શકો છો.
ગરમીમાં હીટના કારણે ગાડીના લેધર સીટને પણ અસર પડી શકે છે. આથી, સીટને ગરમીથી બચાવવા માટે લેધર કંડિશનરનો ઉપયોગ કરી શકો છો અને નિયમિત રીતે લેધર સીટની સફાઈ પણ કરી શકાય છે.
કારનું એન્જિન ઉનાળામાં વધુ ગરમ થવાથી સમસ્યા સર્જી શકે છે. આથી, કૂલિંગ સીસ્ટમની સાથે કુલેન્ટનું લેવલ પણ સમયાંતરે ચેક કરતા રહેવું અને રેડિયેટરને પણ સાફ કરતા રહેવું. આ સિવાય ટાયરનું એર લેવલ ચોક્કસપણે ચેક કરવું. નહીંતર ઓછી હવાના કારણે ટાયર ફાટી શકે છે.
વધુ વાંચો: મારુતિની આ કારોમાં આવી ટેકનિકલ ખામી, 16 હજાર ગાડીઓ રિકોલ કરવાનો નિર્ણય, ફ્રીમાં થશે સર્વિસ
જો તમે ગરમીમાં ગાડીને તડકામાં ઉભી રાખો છો, તો ગાડીનો કલર પણ આછો થઇ શકે છે અને ધીમે ધીમે કરીને કલર પણ ઉખડી શકે છે. એટલે જ ખાસ કરીને તમારી કારને ગરમીમાં છાયામાં જ ઉભી રાખો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
_0.jpg)
