તમારા કામનું / શું આધાર કાર્ડ સાથે લિંક કરેલ મોબાઈલ નંબર બદલી શકાય? જાણો પ્રોસેસ

• આધાર કાર્ડ સાથે એક મોબાઈલ નંબર પણ લિંક થયેલો હોય છે
• મોબાઈલ નંબર બદલવા માંગો છો?
• આધાર કાર્ડ સાથે લિંક કરેલ મોબાઈલ નંબર કેવી રીતે બદલવો જાણો 

Aadhaar Card: કોઈપણ સરકારી કે બિનસરકારી કામ કરવા માટે એક દસ્તાવેજની જરૂર છે અને તેનું નામ છે આધાર કાર્ડ. આધાર કાર્ડ લોકોને યુનિક આઈડેન્ટિફિકેશન ઓથોરિટી ઓફ ઈન્ડિયા એટલે કે UIDAI દ્વારા જારી કરવામાં આવે છે. દરેક આધાર કાર્ડમાં 12 અંકનો નંબર હોય છે. આ સિવાય આધારમાં બાયોમેટ્રિક અને ડેમોગ્રાફિક માહિતી હોય છે. ઉપરાંત આધાર કાર્ડ સાથે એક મોબાઈલ નંબર પણ લિંક થયેલો હોય છે, જેના પર આધાર સાથે જોડાયેલા OTP આવે છે. જો કે ઘણી વખત લોકો કોઈ કારણોસર તેમના આધાર કાર્ડ સાથે જોડાયેલ મોબાઈલ નંબર બદલવા માંગે છે. જો તમે પણ નંબર બદલવા માંગો છો તો જાણી લો કેવી રીતે?

આધાર કાર્ડ સાથે લિંક કરેલ મોબાઈલ નંબર કેવી રીતે બદલવો:-
- દરેક વ્યક્તિ પાસે કોઈને કોઈ મોબાઈલ નંબર તેમના આધાર કાર્ડ સાથે લિંક હોય છે. એટલે જો કોઈ કારણોસર તમે તે બદલવા માંગતા હોય તો આ માટે તમારે પહેલા તમારા નજીકના આધાર સેવા કેન્દ્રમાં જવું પડશે.

- આધાર સેવા કેન્દ્રની મુલાકાત લઈને મોબાઈલ નંબર અપડેટ કરવા માટે ફોર્મ લેવું પડશે, જણાવી દઈએ કે આ ફોર્મને કરેક્શન ફોર્મ કહેવામાં આવે છે. આ ફોર્મમાં તમારે જરૂરી માહિતી દાખલ કરવી પડશે, જેમ કે આધાર નંબર, નામ, સરનામું સાથે મોબાઇલ નંબર જે આધાર સાથે લિંક કરવાનો રહેશે.

- ફોર્મ ભરતી વખતે એકવાર મોબાઈલ નંબર ચેક કરો એ બાદ આ ફોર્મ સંબંધિત અધિકારીને આપો અને તેઓ તમારું બાયોમેટ્રિક લઈ જશે. આ પછી તમારો નવો મોબાઈલ નંબર તમારા આધાર સાથે લિંક થઈ જશે

નોંધનીય છે જે મોબાઈલ નંબરને આધાર કાર્ડ સાથે લિંક કરવા માટે તમારે લગભગ 25 રૂપિયાની ફી ચૂકવવી પડશે.