VIDEO / શું સલમાન ખાન અને અરિજીત સિંહ વચ્ચે થઈ ગયું સમાધાન? 9 વર્ષ બાદ જોવા મળ્યા આવા દ્રશ્યો, જુઓ વિડીયો

• સલમાન ખાન અને અરિજીત સિંહ ઘણા વર્ષોથી એકબીજા સાથે બોલતા નથી
• ઈવેન્ટ દરમિયાન આ બંને સેલેબ્સ વચ્ચે બોલાચાલી થઈ ગઈ હતી
• અરિજીત સિંહ સલમાન ખાનની કોઈ ફિલ્મમાં ગીત ગાઈ શકે છે!

સલમાન ખાન અને અરિજીત સિંહ ઘણા વર્ષોથી એકબીજા સાથે બોલતા નથી. એક ઈવેન્ટ દરમિયાન આ બંને સેલેબ્સ વચ્ચે બોલાચાલી થઈ ગઈ હતી. સલમાન ખાનની ફિલ્મમાં અરિજીત સિંહનું એક ગીત હતું, જે હટાવી દેવામાં આવ્યું હતં. આ બંને સેલેબ્સ મતભેદ ભૂલી ગયા હોય તેવું લાગી રહ્યું છે. અરિજીત સિંહ સલમાન ખાનના મુંબઈ સ્થિત ગેલેક્સી એપાર્ટમેન્ટમાં બહાર નીકળતા જોવા મળ્યા હતા. જેનાથી ફેન્સ અંદાજો લગાવી રહ્યા છે કે, આ બંને સેલેબ્સ વચ્ચે ઝઘડો ખતમ થઈ ગયો છે. અરિજીત સિંહ સલમાન ખાનની કોઈ ફિલ્મમાં ગીત ગાઈ શકે છે. 

સલમાન ખાનના એક ફેને સોશિયલ મીડિયા હેન્ડલ ‘X’ પર આ વિડીયો શેર કરીને લખ્યું છે કે, ‘અરિજીત સિંહ સલમાન ખાનના ઘરમાં સ્પોટ થયા છે. #Tiger3, #Tiger3Trailer.’ અન્ય એક ફેને અનુમાન વ્યક્ત કર્યું છે કે, આ બંને સ્ટાર્સની આ મીટિંગ સલમાન ખાનની અપકમિંગ ફિલ્મ Tiger3 સાથે જોડાયેલ હોઈ શકે છે. કેટલાક લોકો માની રહ્યા છે કે, સલમાન ખાનની વિષ્ણુ વર્ધન અને કરણ જોહરની અનટાઈટલ્ડ ફિલ્મના કોઈ મ્યુઝિક કોલાબોરેશન માટે આ મીટિંગ હોઈ શકે છે.

Arijit singh Spotted at #SalmanKhan's house Today. What's happening?? #Tiger3 #Tiger3Trailerpic.twitter.com/tLPKUnEN2p

— MASS (@Freak4Salman) October 4, 2023

અરિજીત સિંહ અને સલમાન ખાન વચ્ચે 9 વર્ષ પહેલા શું થયું હતું?
વર્ષ 2014માં એવોર્ડ ફંક્શનમાં સલમાન ખાન અને અરિજીત સિંહ વચ્ચે સામાન્ય બોલાચાલી થઈ હતી. સલમાન ખાન એક શો હોસ્ટ કરી રહ્યા હતા, તે સમયે અરિજીત સિંહને ફિલ્મ ‘આશિકી 2’ના ‘તુમ હી હો’ સોન્ગ માટે એવોર્ડ આપવામાં આવ્યો હતો. તે સમયે સલમાન ખાને કહ્યું કે, ‘તુ વિનર છે?’ જેના જવાબમાં અરિજીત સિંહે કહ્યું હતું કે, ‘તમે મને સુવડાવી દીધો.’ જેના જવાબમાં સલમાન ખાન કહે છે કે, ‘તેમાં અમારો કોઈ દોષ નથી, આવા ગીત વાગશે તો ઊંઘ આવશે જ ને.’

સલમાન ખાને આ પ્રકારે કહેતા અરિજીત સિંહ કંઈ બોલ્યા વગર સ્ટેજ પરથી જતા રહ્યા હતા. આ ઘટના પછી સલમાન ખાને કિક, બજરંગી ભાઈજાન અને સુલ્તાન જેવી ફિલ્મમાંથી અરિજીત સિંહના ગીત હટાવી દીધા હતા. વર્ષ 2016માં અરિજીત સિંહે સાર્વજનિક રૂપે માફી માંગીને સલમાન ખાનને ફિલ્મ સુલ્તાનમાંથી તેમનું ગીત ના હટાવવાની અપીલ કરી હતી. અરિજીત સિંહે એક પોસ્ટમાં લખ્યું હતું કે, ‘તમને આ બાબતે ગેરસમજણ થઈ રહી છે કે, મેં તેમનું અપમાન ના કર્યું. મેં ઘણા ગીત ગાયા છે. પરંતું તમારું એક ગીત મારી લાઈબ્રેરીમાં મુક્યા પછી રિટાયર થવા માંગુ છું. તમે આ ફીલિંગ ખતમ ના કરશો.’