કાર્યવાહી / ચંદીગઢ યુનિવર્સિટી કેસમાં મોટી અપડેટ: 3 આરોપીઓને મોકલાયા 7 દિવસનાં રિમાન્ડ પર, ફોનમાંથી મળ્યા ગંદા VIDEO

• ચંદિગઢ યુનિ.ની હોસ્ટેલમાં 60 છોકરીઓના વાંધાજનક વીડિયો કેસમાં કાર્યવાહી 
• ધરપકડ કરાયેલ ત્રણેય આરોપીઓને 7 દિવસની પોલીસ રિમાન્ડ પર મોકલાયા 
• મોબાઈલ ફોન ફોરેન્સિક તપાસ માટે મોકલવામાં આવશે

ચંદિગઢ યુનિ.ની હોસ્ટેલમાં 60 છોકરીઓના વાંધાજનક વીડિયો કેસમાં મોટી વિગત સામે આવી છે. વિગતો મુજબ ચંદીગઢ યુનિવર્સિટી કેસમાં ધરપકડ કરાયેલ ત્રણેય આરોપીઓને 7 દિવસની પોલીસ રિમાન્ડ પર મોકલવામાં આવ્યા. આ સાથે આરોપીઓનાં એડવોકેટ સંદીપ શર્માએ જણાવ્યું હતું કે, તમામ મોબાઈલ ફોન ફોરેન્સિક તપાસ માટે મોકલવામાં આવશે. ફોનમાંથી બે વીડિયો મળી આવ્યા છે જેમાંથી એક આરોપી યુવતી અને બીજો વીડિયો અન્ય યુવતીઓનો હતો. 

ચંદિગઢ યુનિ.ની હોસ્ટેલમાં આરોપી છોકરીએ તેના મોબાઈલથી નાહતી છોકરીઓનો વીડિયો ઉતાર્યો હતો અને શિમલાના તેના બોયફ્રેન્ડને મોકલી આપ્યો હતો જે વાયરલ થયો હતો. પોલીસ દ્વારા આરોપી છોકરીની ધરપકડ બાદ તેનો મોબાઈલ ચેક કરાયો હતો. પોલીસે કહ્યું કે છોકરીના મોબાઈલમાંથી ફક્ત તેના 4 વીડિયો મળ્યાં છે જે તેના પ્રાઈવેટ છે. 

મહતવનું છે કે, મોહાલીના પોલીસ અધિકારી નવરીત સિંહ વિર્કે કહ્યું કે, છોકરીના ફોનમાંથી ફક્ત ચાર વીડિયો મળ્યાં છે જે તમામ તે છોકરીના છે. આ વીડિયોને છોકરીએ તેના બોયફ્રેન્ડને મોકલ્યાં હતા. તેમણે કહ્યું કે દેખાવ કરી રહેલા વિદ્યાર્થીઓ તરફથી મળેલા વીડિયો હજુ મળ્યાં નથી જોકે છોકરીઓનો વાંધાજનક વીડિયો ડિલિટ થયા હોવાની પણ શંકા છે. 

Chandigarh University issue | All 3 have been sent on 7-day police remand. Their mobiles will be sent for forensic probe. 2 videos have been found. One is of the accused girl & other is of some other girl. A boy was blackmailing the girl: Sandeep Sharma, Advocate of the accused https://t.co/xJyBqY9ycV pic.twitter.com/0nC6nwD2zj

— ANI (@ANI) September 19, 2022

આ સાથે હવે યુનિવર્સિટી સત્તાવાળાઓ દ્વારા હોસ્ટેલની બે વોર્ડનને સસ્પેન્ડ કરી દેવાઈ છે જેમાંની એક વીડિયો વાયરલ થયા બાદ આરોપી છોકરીને ઠપકો આપતી નજરે ચડી હતી. સત્તાવાળાઓ દ્વારા 24 સપ્ટેમ્બર સુધી ચંદિગઢ યુનિવર્સિટી બંધ કરી દેવાઈ છે. યુનિવર્સિટી બંધ થતા વિદ્યાર્થીઓ પોતપોતાના ઘેર રવાના થયા હતા.  

શું હતો સમગ્ર  મામલો ? 

ચંદીગઢ યુનિવર્સિટીની હોસ્ટેલમાં સ્નાન કરી રહેલી 60 છોકરીઓનો એક વીડિયો વાયરલ થયો હતો. આરોપ છે કે એક છોકરીએ નાહી રહેલી 60 છોકરીઓનો વીડિયો ઉતાર્યાં હતા અને તેણે આ અશ્લીલ વીડિયોને હિમાચલના શિમલામાં રહેતા પોતાના મિત્ર સાથે શેર કર્યો હતો. આ મિત્રે અશ્લીલ વીડિયો સોશિયલ મીડિયા પર શેર કરી દીધી હતી જે વાયરલ થતાં મોટો હોબાળો મચ્યો હતો અને અડધી રાતે છોકરીઓએ યુનિવર્સિટી પરિસરમાં ભારે હોબાળો મચાવ્યો હતો. કેટલીક છોકરીઓએ આપઘાતનો પ્રયાસ કર્યો હોવાનુ પણ કહેવાય છે જોકે પોલીસે આપઘાતની થીયરીને હવામાં ઉડાવી મૂકતા કહ્યું કે આવી કોઈ ઘટના બની નથી.