ભેદ ઉકેલાયો / અમદાવાદમાં ધોળા દિવસે 14 લાખની આંગડિયા લૂંટ મામલે મોટો ખુલાસો, પોલીસ થઇ સક્રિય

• અમદાવાદના એલીસબ્રીજમાં આંગડીયા લૂંટ 
• ભેદ ઉકેલાયો,રૂ.14 લાખ સાથે એકની ધરપકડ
• આરોપીને બીજા રાજ્યમાંથી બોલાવી આપ્યો અંજામ  

એલિસબ્રિજ વિસ્તારમાં થયેલી આંગડિયા લૂંટનો ભેદ ઉકેલાયો છે.ક્રાઈમ બ્રાંચે 14 લાખ રોકડ સાથે એક આરોપીની ધરપકડ કરી છે. જોકે પુછપરછમા ખુલાસો થયો કે અન્ય રાજ્યોમાંથી આરોપી બોલાવી લૂંટને અંજામ આપ્યો હતો. જેથી પોલીસ ની ટીમો અન્ય રાજ્ય મા તપાસ કરી રહી છે...

પાંજરાપોળ પાસે આંગડિયા પેઢીના કર્મચારી ને ટાર્ગેટ કરી થયેલી લુંટનો ભેદ ઉકેલાયો છે. ક્રાઇમ બ્રાન્ચે અજય ઉર્ફે અજુબા ગાગડેકર ની ધરપકડ કરી છે. જેની પાસેથી રોકડા 14 લાખ રૂપિયા ક્રાઇમ બ્રાન્ચે કબ્જે કર્યા છે. 24 ફેબ્રુઆરી ના રોજ આંગડીયા પેઢીના કર્મચારી પાસેથી ગાડી નો અકસ્માત કર્યાનુ બહાનુ કરી રૂપિયા 28 લાખની લુંટને અંજામ આપ્યો હતો જે ગુનામા અજય ગાગડેકર ની ધરપકડ કરી ગુનામા ફરાર અન્ય બે આરોપીની શોધખોળ હાથ ધરી છે..

આરોપી અજય ઉર્ફે અજુબા ની ધરપકડ કરી પુછપરછ કરતા સામે આવ્યુ કે, લુંટ માંટે જલગાવથી અજય નામના આરોપી અને તેના બે સાગરીતને બોલાવી લુંટને અંજામ આપ્યો હતો.. સાથે જ ગુનો કરવા માટે બાઈક પણ જલગાવ થી આરોપી લાવ્યા હોવાનુ સામે આવ્યુ છે. ઝડપાયેલા આરોપી અજુબા એ કબુલાત કરી છે કે લુંટ ની રકમ માથી 14 લાખ તેને મળ્યા હતા જોકે અન્ય 14 લાખ જલગાવ ના આરોપી સાથે લઈ ગયા. છે.. જેને ઝડપી લેવા અન્ય 3ટીમો કાર્યરત છે.. 

આંગડિયા લૂંટના ગુનામા ઝડપાયેલ આરોપ અજુબા ના ગુનાઈત ઈતીહાસ ની તપાસ કરતા સોલા. એલીસબ્રિજ સહિત 6 જેટલી લુંટ અને ગંભીર ગુનાને અંજામ આપ્યો છે.. જેથી પોલીસે આરોપી ની અન્ય ગુના અંગે તપાસ હાથ ધરી છે .ત્યારે પોલીસ ને શંકા છે કે જલગાવ ની ગેંગ ઝડપાયા બાદ અન્ય ગુના નો પણ ભેદ ઉકેલાશે..