મનોરંજન / ટાઈગર 3 ને લઈને મોટું એલાન: સલમાન ખાને ટ્વિટ કરીને કહ્યું- આ રહા હું... રીલીઝ ડેટ સાંભળીને ઝૂમી ઉઠ્યા ફેન્સ

• બોલીવુડના 'દબંગ' સલમાન ખાને ફિલ્મ ટાઈગર 3 નું પહેલું પોસ્ટર શેર કર્યું 
• લખ્યું દિવાળીના અવસર પર ફિલ્મ 'ટાઈગર 3' લઈને આવી રહ્યા છે
• ફિલ્મમાં સલમાન ખાન સાથે કેટરિના કૈફ જોવા મળશે

Salman Khan Tiger 3 Announcement: હાલ દરેક જગ્યાએ શાહરૂખ ખાનની ફિલ્મ 'જવાન'ની વાતો થઈ રહી છે એવામાં બોલીવુડના દબંગ એટલે કે સલમાન ખાને તેની આવનારી ફિલ્મ ટાઈગર 3 નું પહેલું પોસ્ટર શેર કર્યું છે. સાથે જ લખ્યું છે કે  દિવાળીના અવસર પર ફિલ્મ 'ટાઈગર 3' લઈને આવી રહ્યા છે. 

Aa raha hoon! #Tiger3 on Diwali 2023. Celebrate #Tiger3 with #YRF50 only at a big screen near you. Releasing in Hindi, Tamil and Telugu. #KatrinaKaif | #ManeeshSharma | @yrf pic.twitter.com/3bMBWyPVGm

— Salman Khan (@BeingSalmanKhan) September 2, 2023

'ટાઈગર 3'નું પોસ્ટર શેર કર્યું 
સલમાને ખુદ પોતાના ઓફિશિયલ સોશિયલ મીડિયા પર 'ટાઈગર 3'નું પોસ્ટર શેર કરીને ચાહકોને જાણ કરી છે. ઈન્સ્ટાગ્રામ પર વિવિધ ભાષાઓમાં ટાઈગર 3 ના પોસ્ટર્સ રિલીઝ કરતી વખતે સલમાને લખ્યું છે - 'હું આવું છું! 'ટાઈગર 3 આ દિવાળી પર'. આ જાહેરાત બાદ સલમાનના ચાહકો ચોક્કસપણે આનંદથી ઉછળી પડ્યા છે. આ ફિલ્મમાં સલમાન ખાન સાથે કેટરિના કૈફ જોવા મળશે.

SALMAN KHAN - KATRINA KAIF - ‘TIGER 3’: YRF LAUNCHES NEW POSTER... #YRF unveils #NewPoster of its forthcoming film #Tiger3… #SalmanKhan and #KatrinaKaif reunite in this #ManeeshSharma directorial… #Diwali2023 release in #Hindi, #Tamil and #Telugu. pic.twitter.com/cxNooWybj8

— taran adarsh (@taran_adarsh) September 2, 2023

સલમાન અને કેટરીના આવા અંદાજમાં નજર આવ્યા
સલમાન ખાને 'ટાઈગર 3'નું પોસ્ટર શેર કર્યું છે.આમાં તેની સાથે કેટરિના કૈફ જોવા મળી રહી છે. સલમાન અને કેટરિના બંને બુલેટ પ્રૂફ જેકેટ પહેરેલા અને હાથમાં મશીનગન પકડેલા સૈનિકોના અવતારમાં જોવા મળે છે. જણાવી દઈએ કે ટાઈગર 3 ફિલ્મ ટાઈગરનો ત્રીજો પાર્ટ છે. અગાઉ ટાઇગર અને ટાઇગર ઝિંદા હૈ ફિલ્મે સિનેમાઘરોમાં ખૂબ જ ધૂમ મચાવી હતી.

કેટરીના સાથે જામશે જોડી
એક થા ટાઈગર અને ટાઈગર ઝિંદા હૈ પછી ફરી એક વખત કેટરિના કૈફ અને સલમાન ખાનની જોડી ટાઈગર 3 એક સાથે નજર આવશે. ફિલ્મમાં કેટરિના અને સલમાનની જોડી દર્શકોને ઘણી પસંદ પડી હતી. આ ફિલ્મની ચર્ચા ઘણા સમયથી ચાલી રહી હતી અને અંતે સલમાન ખાને ટાઈગર 3ની નવી રિલીઝ ડેટની જાહેરાત કરીને બધાને ખુશ કરી દીધા છે.

ઈદની જગ્યા એ દિવાળી પર રિલીઝ કરશે ફિલ્મ
અત્યાર સુધી સલમાન ખાનની મોટાભાગની ફિલ્મો ઈદ પર રિલીઝ થઈ છે પણ આ વખતે સલમાન ખાન ઈદ પર નહીં પણ દિવાળી પર તેની ફિલ્મ રિલીઝ કરવા માંગે છે. આ સિવાય એવા અહેવાલો પણ મળ્યા છે કે શાહરુખ ખાનની ફિલ્મ 'પઠાણ'માં સલમાન અને સલમાનની ફિલ્મ 'ટાઈગર' માં શાહરુખ ખાન કેમિયો કરશે.