ટિપ્સ / મોનસુનમાં આઇમેકઅપ કરતા પહેલા આટલુ ધ્યાન રાખો

વારંવાર હાથથી આંખો ચોળવાથી હથેળી પર રહેલા બેક્ટેરિયા આંખની નાજુક કોશિકાઓને નુકશાન પહોંચાડે છે. આવા સંજોગોમાં આ સંક્રમણ ધીમે ધીમે ગંભીર રુપ ધારણ કરે છે અને આંખમાં લાલાશની સાથે દુખાવો પણ થાય છે. તેથી વરસાદની મોસમમાં આંખોને લઇને જરુરી સાવધાની રાખવામાં આવે તો પરેશાનીથી બચી શકાય છે.

બેક્ટેરિયલ
વરસાદ દરમિયાન વાતાવરણમાં ફેલાયેલા બેક્ટેરિયાનો હુમલો જ્યારે આંખ પર થાય છે ત્યારે તેનાથી થતા સંક્રમણને બેક્ટેરિયલ કંજક્ટિવાઇટિસ કહે છે. આ સીઝનમાં બેક્ટેરિયાના કારણે આઇ ફ્લુનુ સંક્રમણ સામાન્ય થઇ જાય છે. સવારે ઉઠો ત્યારે આંખો ચિપકેલી હોય તેવુ પણ બને છે. આંખમાથી પાણી નીકળે છે.

વાઇરલ
આ રોગ વાઇરલ આઇ ફ્લુ એડીનો વાયરસના સંક્રમણના કારણે થાય છે. તેનાથી એક કે બંને આંખો પ્રભાવિત થાય છે. આંખો લાલ થવાની સાથે ઝાંખુ દેખાય છે. ક્યારેક ક્યારેક કાન પાસે પણ સોજો આવી જાય છે.

એલર્જી
આંખોમાં ખુબ ખંજવાળ આવવાની સાથે આંખોનો રંગ પણ લાલ થઇ જાય છે. પાંપણ સુજી જવાની સાથે આંખોમાં ભારેપણુ પણ અનુભવાય છે. આંખો પણ ભારે લાગે છે.

કેમિકલ
આ આંખોની ગંભીર સમસ્યા છે. જે મુખ્ય રીતે સ્વિમિંગ પુલમાં નહાવાથી થાય છે. આંખોના મેકઅપ માટે ઉપયોગમાં લેવાતી બ્યુટી પ્રોડક્ટ પણ પરેશાનીનું કારણ બને છે. તેમાં રહેલા કેમિકલ્સના કારણે આંખોમાં ચુભન થાય છે. આંખ ખોલવામા પણ તકલીફ પડે છે.

ઉપાય
- દિવસમાં 3-4 વાર આંખો ઠંડા પાણીથી ધુઓ
- આંખોની સફાઇ માટે સ્વચ્છ કપડાનો ઉપયોગ કરો
- આંખોને વારંવાર ન અડો કે વારંવાર ન ખંજવાળો
- આ મોસમમાં આઇલાઇનર લગાવવાથી બચો
- સંક્રમિત વ્યક્તિથી થોડા દુર રહો
- મોનસુનમાં સ્વિમિંગપુલમાં નહાવાથી બચો