કાયદો / ખોટા એકાઉન્ટમાં પૈસા ટ્રાન્સફર થઇ ગયા છે? ચિંતા ન કરો આવી રીતે મળી જશે પાછા

• શું તમારા રૂપિયા કોઈ બીજાના એકાઉન્ટમાં ભૂલથી ટ્રાન્સફર થઇ ગયા છે?
• બીજાના એકાઉન્ટમાં મોકલેલા રૂપિયા તમે કેવીરીતે પાછા મેળવશો?
• તમારી ફરીયાદના આધારે શું બેંક તમારી મદદ કરશે?

RBI શું કહે છે?

ઘણાં લોકોના મનમાં આ પ્રશ્ન થાય છે કે જો આપણે ભૂલમાંથી રૂપિયા કોઈ બીજાના એકાઉન્ટમાં મોકલી દીધા તો આપણે શું કરવુ. અથવા શું ફરીથી આપણે આ રૂપિયાને મેળવી શકીએ. આવો જાણીએ આ સ્થિતિમાં શું કરવુ. RBIના નિયમ મુજબ, ચૂકવણીના નિર્દેશોમાં યોગ્ય ઈનપુટ પ્રદાન કરવાની જવાબદારી, વિશેષ રીતે લાભાર્થીના ખાતા સંખ્યાની જાણકારી, પ્રેષક અથવા પ્રેરક એટલેકે રૂપિયા મોકલનારની હોય છે. કોઈના ખાતામાં રૂપિયા મોકલતી વખતે લાભાર્થીના નામનો ફરજીયાત ઉલ્લેખ કરવામાં આવે છે. પરંતુ ક્રેડિટ અથવા પૈસા ટ્રાન્સફર કરવા માટે સાચો એકાઉન્ટ નંબર હોવો અત્યંત જરૂરી છે. આ પ્રક્રિયા આ શાખાઓમાં થનારા લેવડ-દેવડની વિનંતીઓ અને ઓનલાઈન-ઈન્ટરનેટ વિતરણ ચેનલના માધ્યમથી ઉત્પન્ન થતાં બંને માટે લાગુ છે. રૂપિયા ટ્રાન્સફર કરનારાએ પહેલાં નક્કી કરી લેવુ જોઈએ કે તેણે જે એકાઉન્ટ નંબર નોંધ્યો છે તે સાચો છે ને. જો રૂપિયા ટ્રાન્સફર કરતી વખતે તમે લાભાર્થીના અન્ય વિવરણોને ખોટુ ભર્યુ હશે તો લેવડ-દેવડ રદ્દ થવાની શક્યતા પણ રહે છે.

કેવીરીતે પ્રાપ્ત કરશો રૂપિયા? 

જો તમે ખોટા એકાઉન્ટમાં રૂપિયા મોકલ્યા છે.  તો સૌથી પહેલા પોતાની બેન્કને આ અંગે જાણ કરો. જેના માટે તમારે બેંક શાખાની મુલાકાત પણ લેવી પડે. આ સાથે તમારે લેવડ-દેવડની તારીખ અને સમયની સાથે-સાથે પોતાનો ખાતા નંબર અને આ ખાતાને નોંધવુ પણ જરૂરી છે. તમે બેંક શાખામાં જઈને ખોટા લેવડ-દેવડ કર્યાની ફરિયાદ કરવા માટે એક લેખિતમાં અરજી કરી શકો છો. જો શક્ય હોય તો ટ્રાન્જેક્શનનો કોઈ પુરાવો અથવા સ્ક્રીનશોટ પણ સાથે જોડો. બેંક તમારી ફરીયાદના આધારે તે બેંક એકાઉન્ટની માહિતી પૂરી પાડશે જ્યાં રૂપિયા મોકલ્યા છે. તમે રૂપિયા આપનારને રૂપિયા પાછા મોકલવાનો આગ્રહ કરી શકો છો.