Health Tips / કેળાની છાલના ફાયદા વિશે તમે જાણો છો? નહીં ને તો જાણી લો, બાદમાં ક્યારેય નહીં કરો આવી ભૂલ

• કેળુ ખાધા બાદ ન ફેંકો તેની છાલ 
• જાણો કેળાની છાલના ફાયદાઓ વિશે 
• ફાયબર અને પોટેશિયમથી છે ભરપૂર 

કેળામાં ઘણા પોષક તત્વો મળી આવે છે. તેમાં ફાઈબર અને પોટેશિયમ ભરપૂર પ્રમાણમાં મળી આવે છે. કેળાની સાથે સાથે તેની છાલ પણ ખૂબ જ ફાયદાકારક સાબિત થઈ શકે છે. પરંતુ મોટાભાગે લોકો કેળું ખાધા બાદ તેની છાલને ફેંકી દે છે. જો તમે પણ આ કામ કરો છો તો ખૂબ મોટી ભુલ કરી રહ્યા છો. 

કેળામાં હોય છે આ પોષક તત્વો 
કેળાની છાલમાં વિટામિન B6, વિટામિન B12, મેગ્નેશિયમ, પોટેશિયમ, ફાઈબર અને પ્રોટીન મળી આવે છે. 

એન્ટી એજીંગ 
કેળાની છાલને મોંઢા પર લગાવવાથી સ્કિન ગ્લોઈંગ બને છે અને રિંકલ્સ પણ દૂર થઈ જાય છે. તેને આંખોની નીચે રાખવાથી પફીનેસ ઓછી થઈ જાય છે. તેનાથી સ્કિન હાઈડ્રેડ થાય છે અને એક્ને પણ ઓછુ થઈ જાય છે. 

હેર હેલ્થ 
કેળાની છાલનો ઉપયોગ તમે હેર માસ્કના રૂપમાં પણ કરી શકો છો. તેનાથી વાળ સોફ્ટ અને શાઈની બને છે. 

સફેદ દાંત 
કેળાની છાલને દાંતો પર ઘસવાથી દાંત અને પેઢા મજબૂત થાય છે. અઠવાડિયામાં 1 વખત દાંત પર કેળાની છાલ ઘસવાથી તેમાં ચમક આવે છે. 

આંખની રોશની 
કેળામાં વિટામિન A મળી આવે છે જે આંખોને સ્ટ્રોંગ અને હેલ્ધી બનાવે છે. આ વિટામિન કેળાની સાથે જ તેની છાલમાં પણ મળી આવે છે. 

કેન્સરનો ખતરો થશે ઓછો 
કેળાની છાલ પોલીફેનોલ્સ અને કેરોટીનોયક જેવા એન્ટીઓક્સીડેન્ટથી ભરપૂર હોય છે જે કેન્સર પેદા કરતા ફ્રી રેડિકલ્સથી શરીરની રક્ષા કરે છે. કેળાની છાલ ખાવાથી કેન્સરનો ખતરો ઓછો થાય છે.

ડાઈજેસ્ટિવ હેલ્થ 
કેળાની છાલમાં ફાઈબરનું ભરપૂર પ્રમાણ હોય છે જેના કારણે આ ડાઈજેસ્ટિવ હેલ્થ માટે ફાયદાકારક માનવામાં આવે છે. તેનાથી કબજીયાત અને ડાયેરિયાની સમસ્યા દૂર થાય છે.