- અંજીર કબજિયાતની સમસ્યાને દૂર કરવામાં અસરકારક છે
- આયુર્વેદના નિષ્ણાતની સલાહ લઈને આ જડીબુટ્ટીઓનું સેવન કરવું જોઈએ
- કબજિયાતની સમસ્યાથી છુટકારો મેળવવા માટે બીલી ફળ સૌથી ફાયદાકારક ઔષધિ છે
Ayurvedic Remedies: શું તમને પણ તમારા પેટમાં નિયમિત કબજિયાત અને ગેસ થાય છે? અપચો અને કોઈ ખોરાક પચવામાં તકલીફ છે? શું તમારું પેટ પણ સવારે સાફ નથી થતું અને એસિડિટી દિવસભર ચાલુ રહે છે? શું તમે પણ તમામ પ્રકારના એલોપેથિક, હોમિયોપેથિક ઉપાયો અજમાવ્યા છે અને તમને જોઈએ તેવો લાભ નથી મળી રહ્યો. શું તમે પણ સાચી સમસ્યા જાણવા માટે સોનોગ્રાફી અને એન્ડોસ્કોપી માટે હજારો રૂપિયા ખર્ચ્યા છે? શું તમે પણ ચિંતિત છો કે તમારી પેટની સમસ્યાઓ ઘટાડવાનો કોઈ ઉપાય નથી? પેટની દરેક સમસ્યા માટે તમારે આયુર્વેદના નિષ્ણાતની સલાહ લઈને આ જડીબુટ્ટીઓનું સેવન કરવું જોઈએ. આ સમગ્ર કોર્સ 45 દિવસનો છે. તમારે હંમેશા સવારે અને સાંજે ભોજન સાથે તેનું સેવન કરવું જોઈએ. અહીં આ જડીબૂટી વિશે માહિતી આપવામાં આવી રહી છે.
ત્રિફળા
ત્રિફળાનો શાબ્દિક અર્થ થાય છે ત્રણ ફળોનું મિશ્રણ. આમળા, હરિતકી અને બિભીતકીને મિક્ષ કરીને ત્રિફળા બનાવવામાં આવે છે. પાચન માટે આ એક શ્રેષ્ઠ આયુર્વેદિક ઉપાય છે. ત્રિફળાનો ઉપયોગ આંતરડાની ગતિ સુધારવા અને કબજિયાતને દૂર કરવા માટે થાય છે. તે શરીરમાંથી કચરો દૂર કરીને પાચન સ્વાસ્થ્યને સુધારવામાં પણ મદદ કરે છે. તેનું મર્યાદિત માત્રામાં સેવન કરવાથી પેટને ચોક્કસ ફાયદો થશે.
અંજીર
અંજીર કબજિયાતની સમસ્યાને દૂર કરવામાં અસરકારક છે. અંજીરમાં ભરપૂર માત્રામાં ફાઈબર જોવા મળે છે. આ માટે હુંફાળા પાણીમાં પલાળેલા અંજીરને મિક્સ કરો અને તેનું સેવન કરો. આનાથી કબજિયાતમાં તરત રાહત મળે છે.
જેઠીમધ(મુલેઠી)
પાચન શક્તિને સુધારવા માટે મુલેઠી સૌથી અસરકારક આયુર્વેદિક ઔષધિ છે. તે પેટ માટે ખૂબ જ ફાયદાકારક છે. આ માટે સૌથી પહેલા ગોળમાં અડધી ચમચી મુલેઠી પાવડર મિક્સ કરો. હવે આ મિશ્રણને એક કપ હુંફાળા પાણી સાથે પીઓ. તેનાથી તમને ઘણી રાહત મળશે.
બીલી ફળ
કબજિયાતની સમસ્યાથી છુટકારો મેળવવા માટે બીલી ફળ સૌથી ફાયદાકારક ઔષધિ છે. જો તમને કબજિયાતની સમસ્યા હોય તો સાંજે જમતા પહેલા અડધો કપ બીલીનો પલ્પ એક ચમચી ગોળ સાથે ખાઓ. તમે બીલીના રસને આમલીના પાણી અને ગોળમાં ભેળવીને પણ બીલી શરબતનું સેવન કરી શકો છો. જો તમે ડાયાબિટીસના દર્દી છો, તો બીલીનું સેવન કરતા પહેલા તમારા ડૉક્ટરની સલાહ લો. બીલીનું વધુ પડતું સેવન કરવાનું ટાળો કારણ કે તે તમારા પેટને વધુ ખરાબ કરી શકે છે.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
