જ્યારે આપણે દિવસભર ધૂળ અને ગંદકીના સંપર્કમાં રહીએ છીએ ત્યારે આપણું શરીર વધુ ગંદુ થઈ જાય છે આવી સ્થિતિમાં, સવાર કરતાં રાત્રે સ્નાન કરવું વધુ મહત્વપૂર્ણ બની જાય છે.
Share
આપણા એકંદર સ્વાસ્થ્યને જાળવવા માટે સ્નાન એ સૌથી સરળ ઉપાય માનવામાં આવે છે. સ્વાસ્થ્ય નિષ્ણાતોના મતે દરરોજ સ્નાન કરવાથી વ્યક્તિના શારીરિક સ્વાસ્થ્યની સાથે માનસિક સ્વાસ્થ્ય પણ સુધરે છે. મોટા ભાગના લોકો આ વાત જાણે છે, પરંતુ લોકો ઘણીવાર એ વાતને લઈને મૂંઝવણમાં રહે છે કે સ્નાન કરવાનો યોગ્ય સમય કયો છે.
મોટાભાગના લોકો સવારે ઉઠ્યા પછી સ્નાન કરવાનું પસંદ કરે છે
વાસ્તવમાં, સામાન્ય રીતે આપણા દેશમાં, મોટાભાગના લોકો સવારે ઉઠ્યા પછી સ્નાન કરવાનું પસંદ કરે છે, જ્યારે કેટલાક લોકો કહે છે કે સૂતા પહેલા સ્નાન કરવું વધુ સારું છે. આ બધા સિવાય પણ ઘણા લોકો સ્નાનને લઈને અનિયમિત હોય છે. કેટલાક લોકો તો ઇચ્છા થાય તે સમયે સ્નાન કરતા હોય છે. . જો કે, નિષ્ણાતો આ પદ્ધતિને યોગ્ય માનતા નથી. આ સિવાય સ્નાન કરવાનો યોગ્ય સમય કયો છે, ચાલો જાણીએ તેના વિશે-
સવારે સ્નાન કરવાથી શું ફાયદા થાય છે?
સ્વાસ્થ્ય નિષ્ણાતોના મતે, સવારે સ્નાન તમને તાજગી સાથે તમારા દિવસની શરૂઆત સારી રીતે કરવામાં મદદ કરી શકે છે. એટલે કે, જો તમે સવારે ઉઠીને સ્નાન કરો છો, તો તે તમને દિવસભર તાજગીસભર અને ઉર્જાવાન રાખે છે. આ ઉપરાંત સવારે સ્નાન કરવાથી આળસ પણ દૂર રહે છે.
રાત્રે સ્નાન કરવાથી શું ફાયદા થાય છે?
જો આપણે રાત્રે નહાવાની વાત કરીએ તો તેને સ્વચ્છતા સાથે વધુ કનેક્શનમાં જોવામાં આવે છે. આપણા દેશ ભારત સિવાય જાપાન, કોરિયા અને ચીન જેવા ઘણા દેશોમાં સાંજે સ્નાન કરવાની પરંપરા છે. અહીંના લોકોનું માનવું છે કે જ્યારે આપણે દિવસભર ધૂળ અને ગંદકીના સંપર્કમાં રહીએ છીએ ત્યારે આપણું શરીર વધુ ગંદુ થઈ જાય છે આવી સ્થિતિમાં, સવાર કરતાં રાત્રે સ્નાન કરવું વધુ મહત્વપૂર્ણ બની જાય છે.
નિષ્ણાતો શું કહે છે?
આરોગ્ય નિષ્ણાતો પણ કહે છે કે સવારે અને રાત્રે નહાવું એ સ્વચ્છતાનું સર્વોચ્ચ સ્તર છે. નિષ્ણાતોના મતે, રાત્રે સૂતા પહેલા સ્નાન કરવું સવારની સરખામણીમાં વધુ ફાયદાકારક હોઈ શકે છે. રાત્રે સ્નાન કરવાથી ગંદકી અને બેક્ટેરિયા જેવા કે ધૂળ, મૃત કોષો, તેલ અને પરસેવો જે આખો દિવસ ત્વચાના સંપર્કમાં આવે છે તેને સારી રીતે સાફ કરવામાં મદદ મળે છે. તે જ રીતે જો તમે સૂતા પહેલા શરીરમાંથી ધૂળ અથવા ગંદકી સાફ નથી કરતા, તો તે તમારી ત્વચાની સાથે-સાથે સ્વાસ્થ્ય માટે પણ નુકસાનકારક સાબિત થઈ શકે છે. આખો દિવસ કામ કર્યા પછી વ્યક્તિ સવારે ઉઠે ત્યારે તેના કરતાં રાત્રે વધુ બેક્ટેરિયાના સંપર્કમાં આવે છે. આવી સ્થિતિમાં રાત્રે સૂતા પહેલા શરીરને સાફ કરવું વધુ જરૂરી બની જાય છે. બીજી તરફ, રાત્રે નહાવાથી ન માત્ર ત્વચા પર જામેલી ગંદકી અને તેના કારણે થતી એલર્જીનું જોખમ ઓછું થાય છે, પરંતુ તે તમને રાત્રે સારી ઊંઘમાં પણ મદદ કરે છે.
તમે રાત્રે સ્નાન કરો છો તો હુંફાળા પાણીનો ઉપયોગ કરવો વધુ ફાયદાકારક
આ અંગે નિષ્ણાતો કહે છે કે સમયની સાથે સાથે શાવરનું તાપમાન પણ મહત્વ ધરાવે છે. જો તમે રાત્રે સ્નાન કરો છો તો હુંફાળા પાણીનો ઉપયોગ કરવો વધુ ફાયદાકારક છે. સૂતા પહેલા ગરમ પાણીથી નહાવાથી તમારું શરીર વધુ સારી રીતે સાફ થાય છે એટલું જ નહીં, તે વ્યક્તિને ઝડપથી આરામની સ્થિતિમાં આવવામાં પણ મદદ કરે છે, જે ફરીથી સારી ઊંઘમાં મદદ કરે છે.
આ બધા સિવાય નિષ્ણાતો સવારે નહાવાને બદલે ઠંડા પાણીની મદદથી હાથ, પગ અને મોંને સારી રીતે સાફ કરવાની સલાહ આપે છે. આ રીતે પણ તમે તમારી જાતને આળસથી દૂર રાખીને તાજગી અનુભવી શકશો.
