રાજસ્થાન / મોદીજી, મારુ 3 મિનિટનું સંબોધન હટાવી દેવાયું છે: ગેહલોતના ટ્વિટથી ઊભો થયો વિવાદ, PMOએ તરત જુઓ શું જવાબ આપ્યો

• અશોક ગેહલોતનો PMO પર આરોપ 
• પીએમ ઓફિસે મારું સંબોધન કાર્યક્રમમાંથી હટાવી દીધું - ગેહલોત
• PMOએ તેમના આરોપોને ફગાવી દીધા

પ્રધાનમંત્રી નરેન્દ્ર મોદી આજે રાજસ્થાનના સીકરના નવ કરોડ ખેડૂતોના ખાતામાં કિસાન સન્માન નિધિ યોજનાનો 14મો હપ્તો ટ્રાન્સફર કરશે. આ સિવાય તેઓ 1.25 લાખ પ્રધાનમંત્રી કિસાન સમૃદ્ધિ કેન્દ્રને સમર્પિત કરશે અને યુરિયા ગોલ્ડ લોન્ચ કરશે. નોંધનીય છે કે આ દરમિયાન PM મોદી લોકોને સંબોધિત પણ કરશે. 

અશોક ગેહલોતનો PMO પર આરોપ 
હવે વાત એમ છે કે આ કાર્યક્રમમાં સીએમ અશોક ગેહલોત પણ ભાગ લેવાના હતા પરંતુ બાદમાં તેમનું નામ કાઢી નાખવામાં આવ્યું હતું અને આ અંગે સીએમ અશોક ગેહલોતે એક ટ્વિટ કરતાં કહ્યું કે પીએમ ઓફિસે મારો પૂર્વ નિર્ધારિત સંબોધન કાર્યક્રમ હટાવી દીધો છે. અત્યારે મારા ટ્વીટ દ્વારા હું પીએમનું રાજસ્થાનમાં હાર્દિક સ્વાગત કરીશ. પીએમ સવારે 11 વાગ્યે કાર્યક્રમમાં હાજરી આપશે.

माननीय प्रधानमंत्री श्री नरेन्द्र मोदी जी,
आज आप राजस्थान पधार रहे हैं। आपके कार्यालय PMO ने मेरा पूर्व निर्धारित 3 मिनट का संबोधन कार्यक्रम से हटा दिया है इसलिए मैं आपका भाषण के माध्यम से स्वागत नहीं कर सकूंगा अतः मैं इस ट्वीट के माध्यम से आपका राजस्थान में तहेदिल से स्वागत करता…

— Ashok Gehlot (@ashokgehlot51) July 27, 2023

PMOએ તેમના આરોપોને ફગાવી દીધા
રાજસ્થાનના સીએમ અશોક ગેહલોતનો આરોપ છે કે PMOએ આજે ​​સીકરમાં યોજાનાર નરેન્દ્ર મોદીના કાર્યક્રમમાં તેમનો પૂર્વ નિર્ધારિત સંબોધન કાર્યક્રમ રદ કર્યો હતો પણ તેની સામે PMOએ તેમના આરોપોને ફગાવી દીધા છે.  PMOએ પણ તેમના ટ્વીટનો જવાબ આપતા કહ્યું છે કે સીએમ ગેહલોતને બોલાવવામાં આવ્યા છે. 

Shri @ashokgehlot51 Ji,

In accordance with protocol, you have been duly invited and your speech was also slotted. But, your office said you will not be able to join.

During PM @narendramodi’s previous visits as well you have always been invited and you have also graced those… https://t.co/BHQkHCHJzQ

— PMO India (@PMOIndia) July 27, 2023

બીજી તરફ, સૂત્રોના જણાવ્યા અનુસાર, સીકરમાં બે અલગ-અલગ કાર્યક્રમોનું આયોજન કરવામાં આવી રહ્યું છે. એક સરકારી ઈવેન્ટ અને બીજી પાર્ટી ઈવેન્ટ.  સરકારી કાર્યક્રમનું આયોજન એટલા માટે જ કરવામાં આવી રહ્યું છે જેથી ગેહલોત તેમાં હાજરી આપી શકે. જો કે તેઓ બીસી દ્વારા સીકરમાં આ ભૌતિક કાર્યક્રમમાં હાજરી આપવા માંગતા હતા. જે સામાન્ય પ્રક્રિયા કે પ્રોટોકોલ મુજબ નથી.

ગેહલોતે કર્યું આ ટ્વિટ- 
માનનીય વડાપ્રધાન શ્રી નરેન્દ્ર મોદી, આજે તમે રાજસ્થાનની મુલાકાતે છો. તમારી ઓફિસ પીએમઓએ કાર્યક્રમમાંથી મારું પૂર્વ-નિર્ધારિત 3 મિનિટનું મારુ સંબોધન કાઢી નાખ્યું છે એટલે હું ભાષણ દ્વારા તમારું સ્વાગત કરી શકીશ નહીં. તેથી, હું આ ટ્વીટ દ્વારા રાજસ્થાનમાં તમારું હૃદયપૂર્વક સ્વાગત કરું છું.
આ સાથે જ અશોક ગેહલોતે એમની પાંચ માંગ પણ સામે મૂકી છે. 

 PMOએ ટ્વીટ કરીને ગેહલોતના આરોપોનો જવાબ આપ્યો 
અશોક ગેહલોતના આરોપોનો જવાબ આપતા PMOએ ટ્વીટ કર્યું – પ્રોટોકોલ મુજબ તમને આમંત્રણ આપવામાં આવ્યું છે. તમારું ભાષણ પણ નક્કી કરવામાં આવ્યું છે, પરંતુ તમારી ઑફિસમાંથી કહેવામાં આવ્યું કે તમે હાજર રહી શકશો નહીં. વડાપ્રધાન નરેન્દ્ર મોદીની અગાઉની મુલાકાતો દરમિયાન તમને હંમેશા આમંત્રિત કરવામાં આવ્યા છે. તમે પણ તમારી હાજરીથી તે કાર્યક્રમોની શોભા વધારી છે. આજના કાર્યક્રમમાં જોડાવા માટે આપનું હાર્દિક સ્વાગત છે. વિકાસના કામોની તકતી પર પણ તમારું નામ છે. તાજેતરની ઈજાને કારણે જો તમને કોઈ શારીરિક સમસ્યા ન હોય તો તમારી હાજરી ખૂબ મહત્વની રહેશે.