ASER રિપોર્ટ / 17-18ની ઉંમરમાં ધોરણ-2નું પુસ્તક વાંચી નથી શકતા વિદ્યાર્થીઓ: ભારતના શિક્ષણ સ્તર પર ચોંકાવનારો રિપોર્ટ

• ગ્રામીણ બાળકોનાં ભણતર અંગેનો સર્વે રિપોર્ટ
• યુવાનોની ભણવાની સ્કિલ્સને લઈને ચોંકાવનારા આંકડાઓ
• 43% બાળકોને અંગ્રેજી શબ્દો વાંચવામાં પડે છે મુશ્કેલી

એન્યુઅલ સ્ટેટસ ઓફ એજ્યુકેશન રિપોર્ટ ( ગ્રામીણ) 2023-બિયોન્ડ બેસિક્સે હાલમાં ગ્રામીણ યુવાનોનાં ભણતરને લગતો રિપોર્ટ પબ્લિશ કર્યો છે. સર્વેમાં ગ્રામીણ ભારતીય છાત્રોની સ્કૂલી શિક્ષા અને શીખવાની સ્થિતી અંગેનાં આંકડાઓ જાહેર કરવામાં આવ્યાં છે. આ સર્વે 26 રાજ્યોનાં 28 જિલ્લાઓમાં કરવામાં આવ્યો છે અને 34745 યુવાઓએ આ સર્વેમાં ભાગ લીધો છે. 

Around 10% of India’s 140 Cr strong population is believed to be in the 14-18 year age-group. Out of that, 75% of them live in rural areas.

The latest ASER Report is a sad commentary on the Education of our young.

The parameters of learning abilities are worse than… pic.twitter.com/CYS2TmZ1fk

— Aiyshwarya Mahadev | ಐಶ್ವರ್ಯ ಮಂಚನಹಳ್ಳಿ ಮಹದೇವ (@AiyshwaryaM) January 18, 2024

આ સર્વેની ચોંકાવનારી વાત તો એ છે કે ગામડાનાં 14થી 18 વર્ષ સુધીનાં 25% બાળકો પોતાની સ્થાનીક ભાષામાં પણ બીજા ધોરણનું પુસ્તક બરાબર રીતે વાંચી શકતાં નથી. આ ઉંમરનાં 43% બાળકોને અંગ્રેજીનાં શબ્દો વાંચવામાં મુશ્કેલી પડતી હોય છે. સર્વેની વધુ એક ચોંકાવનારી વાત એ હતી કે ભલે બાળકો ભણવામાં પાછળ હતાં પણ મોબાઈલનાં ઉપયોગમાં તેઓ અવ્વલ જોવા મળ્યાં. 90% યુવાનોનાં ઘરે મોબાઈલ હતો અને 90.5% સોશિયલ મીડિયાનો ઉપયોગ કરવાનું જાણતાં હતાં.

રિપોર્ટે આપ્યાં મોટા આંકડા

• 14થી 18 વર્ષની ઉંમરનાં બાળકો આર્ટસનાં વિષયોમાં અભ્યાસ કરી રહ્યાં છે. એ બાદ સાયન્સનો નંબર આવે છે.
• ધોરણ 11-12માં 55.7% ગ્રામીણ યુવાઓની પહેલી પસંદ આર્ટસ વિષય છે. સાયંસ-ટેકનોલોજી-ઈંજિનિયરિંગ એન્ડ મેથેમેટિક્સમાં 31.7% વિદ્યાર્થીઓને રસ છે.
• ગ્રામીણ વિદ્યાર્થીઓમાં કોમર્સ સિલેક્ટ કરનારાઓની સંખ્યા 9.4% છે જ્યારે દિલ્હી યૂનિવર્સિટીમાં કોમર્સ વિષયોમાં એડમિશન લેવા માટે મારામારી જોવા મળતી હોય છે. 
• STEM વિષયોમાં એડમિશન માટે અપ્લાય કરનારાઓમાં છોકરાઓની સંખ્યા 36.3% છે જ્યારે છોકરીઓનો આંકડો 28.1% છે.

છોકરા-છોકરીનો આંકડો લગભગ સમાન
સર્વેમાં જાણવા મળ્યું કે 14થી 18ની ઉંમરનાં 86.8% યુવાનો કોઈને કોઈ શૈક્ષણિક સંસ્થાનમાં નામાંકિત છે અને ભણી રહ્યાં છે. છોકરા અનો છોકરીઓનાં નામાંકન આશરે સમાન છે. 

વધુ વાંચો: તેલંગાણાના આ પ્રોજેક્ટ પર હજારો કરોડનું રોકાણ કરશે અદાણી: CM રેડ્ડી સાથે મીટિંગ બાદ એલાન

સ્થાનીક ભાષામાં પણ વાંચી શકવા અસક્ષમ
સર્વે રિપોર્ટ અનુસાર આ ઉંમરનાં તમામ યુવાનોમાં આશરે 25% યુવાનો હજુ સુધી પોતાની સ્થાનિક ભાષામાં બીજા ધોરણની પાઠ્યપુસ્તકમાંથી પણ વાંચી શકતાં નથી. અડધાથી વધારેને ગણિતનાં ભાગાકાર જેવા સવાલોને સમજવામાં મુશ્કેલી થાય છે. અડધાથી વધારે યુવાનોને 3 ભાગ્યા 1  કરવા માટે કહ્યું ત્યારે માત્ર 43.3% યુવાનો તેનો સાચો ઉત્તર આપી શક્યાં. આશરે 57.3% વિદ્યાર્થીઓ અંગ્રેજીમાં વાક્ય વાંચી શક્યા જ્યારે બાકીનાં લોકો ફેઈલ થયાં.