તપાસ / NCBની કાર્યવાહી અધૂરી મૂકીને અર્જુન રામપાલે છોડી દીધો દેશ, ફિલ્મનું પ્રમોશન પણ અટક્યું

• અર્જુન રામપાલે છોડ્યુ ભારત 
• NCBની તપાસ અધૂરી 
• ફિલ્મનું પ્રમોશન પણ અટક્યું 

16 ડિસેમ્બરે થવાનું હતુ હાજર 
એનસીબીએ અર્જુનને 16 ડિસેમ્બરના રોજ હાજર રહેવા કહ્યું હતું પરંતુ તે મુંબઇથી બહાર હોવાને કારણે ઉપસ્થિત રહી શક્યો ન હતો. હવે તેને લઇને ચોંકાવનારુ સત્ય સામે આવ્યું છે. 

22 તારીખ સુધીનો સમય 
એનસીબીના સમન બાદ અર્જુને સમય માંગ્યો હતો ત્યારે એનસીબીએ 22 ડિસેમ્બર સુધીનો સમય આપ્યો હતો પરંતુ તે દેશ છોડીને જતા રહ્યાં છે. થોડા દિવસ પહેલા જ તે કોઇ કારણોસર લંડન જતા રહ્યાં છે. 

ફિલ્મ પ્રમોશનમાં મુશ્કેલી 
સુત્રો અનુસાર શુક્રવારે થનારી અર્જુનની વાતચીત પણ કેન્સલ થઇ ગઇ છે. તેની આગામી ફિલ્મ નેલ પોલિશ 1 જાન્યુઆરીએ રિલીઝ થવાની છે. 

આ સેલેબ્સે છોડ્યો દેશ
અર્જુન રામપાલ પહેલા નથી કે તેમણે તપાસથી બચવા માટે દેશ છોડી દીધો છે. આ પહેલા સપના પબ્બી પણ સમન મળ્યા બાદ લંડન જતી રહી હતી. બાદમાં સોશ્યલ મિડીયા પર સપનાએ કહ્યું હતું કે તે એનસીબીને જાણ કરીને લંડન આવી છે. 

NCBના સકંજામાં અર્જુનનો મિત્ર 
બીજી તરફ એનસીબીએ મૂળ ઓસ્ટ્રેલિયન આર્કિટેક્ટ પૉલ બાર્ટલની સુશાંત સિંહ રાજપૂત કેસમાં ધરપકડ કરી છે. અર્જુનની લિવ-ઇન પાર્ટનર ગેબ્રિઅલનો ભાઇ છે અને અર્જુન સાથે તેના સારા સંબંધો છે. સૂત્રો અનુસાર અર્જુન અને પૉલને સામસામે બેસાડીને પૂછપરછ કરી શકાય છે. 

બુધવારની રાત્રે એનસીબીએ પોલના બાન્દ્રા સ્થિત ઘર પર દરોડા પાડ્યા હતા પરંતુ ઘરમાંથી કોઇ પણ પ્રકારની ચીજ મળી આવી ન હતી. એનસીબીએ પોલની પણ 9 કલાક સુધી પૂછપરછ કરી અને બાદમાં તેની ધરપકડ કરવામાં આવી હતી. 

કેવી રીતે આવ્યુ અર્જુનનું નામ 
અર્જુનનું નામ આ કેસમાં તેની લિવ-ઇન પાર્ટનરના કારણે સામે આવ્યું હતુ. ગેબ્રિઅલનો ભાઇ છે, જેના કારણે અર્જુનનું નામ આવ્યું છે.